Formai

Al formai o formajo al ze an derivà del lat, otegnest a far precipitar la caseina. Al formai se pol magnarlo fresch o invecià.

Par far al formaj se mete la lat inte te na cagliera e se el scalda a 25-33 °C; dopo se donta al conaio, na sostansa chimica cavada fora dal stomech dei mamiferi che lata. Al conajo al fa coaugular la caseina che la precipita te el fondo de la cagliera. Se bina cossì na pasta che la ze al inìsio del formai. Sta pasta se la tira fora da la cagliera co na tela o co sistemi mecanici, po dopo se la mete inte te i stanp e quela che no se loga inte la se ciama schis.

Secont quant grassa o magra che la ze la lat se ga formai che se pol inveciar o che ga da esser magnadi entro poch. Co se magna al formai se cognoss direti se la lat la ze stata pastorizada o no: te el secondo caso al ciapa an udor da freschin e an gusto an fià agro.

• Piave (Italia-BL)
• Grana Padan (Italia-Pianura Padana)
• Formai cioch (Italia del Nord)
• Dolomiti (Italia-BL)
• Axiago (Italia-VI)
• Montasio (Italia-Friuli)
• Mosareła (Europa del Sud)
• Fodom (Italia-BL)
• Talegio (Italia-BG)
• Emmental (Svisera)

•   Wiki Commons el detien imàjini o altri file so formai