Hubei

El Hupei (cineze tradisional 湖北, pinyin húběi) el ze una provinsa de ła Cina sentral.
El confina a nord ko el Henan, a est ko el Anhuei, a sudest ko el Ciaṅši, a sud ko el Hunan, a ovest ko Coṅkiṅ e a nordovest ko el Šenši.

Hubei

湖北省 (zh)
someja satełitar in zuño
Pozision
31°00′N 112°30′E / 31°N 112.5°E31; 112.5 (Hupei)Coordinae: 31°00′N 112°30′E / 31°N 112.5°E31; 112.5 (Hupei)
Stato	Cina
Capitałe	Wuhan
Popołasion
Totałe	57 752 557 (2020)
Densità	310,66 hab./km²
Zeografia
Àrea	185 900 km²
Ponto pì alto	Shennong Peak (en) (3 105 m)
Rente a	Shaanxi Jiangxi Hunan Anhui Henan Chongqing
Prima mesion documentada	Hubei (it)
Organizasion pułìtega
Òrgano lejislativo	Q106038171
Cao de goerno	Wang Xiaodong (en) (20 de zenaro del 2017)
Còdazi de identifegasion
ISO 3166-2	CN-HB e CN-42
Fuzo oràrio	UTC+8
Istòrego
← Hubei (it)
Sito web	hubei.gov.cn

 

Ła provinsia ła se distrira par 740 km da ovest a est e par 470 km da nord a sud.

El Hupei konprende a el sentro e al sud ła gran piana ałuvionałe de el mèdio korso del Fiume Azuro (Piana de Jiaṅhan), sirkondada da tute łe bande da riłievi: a ovest se trova i Munti Vudaṅ de sirka 1600 m, i Munti Jing de sirka 1900 m, i Munti Daba de sirka 3100 m, e i Munti Vu ; a nord i Munti Toṅbai, a nordest i Munti Dabié de sirka 1700 m, a sudest i Munti Mufu de sirka 1600 m.

I do fiumi pi' inportanti i ze el Fiume Azuro ke el skore par pi' de 1000 km da ovest a est, e el so afluente Han ke el riva da nordovest, indove i se inkontra ła se trova ła Piana de Jiaṅhan. El teritorio el ze karaterizà da un muco de łagi, i pi' inportanti i ze el Łago Łiaṅzi e el Łago Hoṅ a sudest.

El ze karaterizà da klima subtropegal ko kuatro distinte stajon, istà kalde e umede e inverni freski e suti.

Ła ła provinsa de el Hupei ła ga tre łivełi de sudivizion: prefeture (地区 dìqū), sudivideste daspò in kontee (县 xiàn), sudivideste da ultimo in sità (镇 zhèn).

• 13 rejon aministrative a łivel de prefetura (地区 dìqū), de łe kuałi: 12 sità ko status de prefetura e 1 prefetura autonoma
• 103 rejon aministrative a łivel de kontea (县 xiàn), de łe kuałi: 38 distriti munisipałi (市辖区 shìxiáqū, 25 sità ko status de kontea (县级市 xiànjíshì), 2 kontee autonome (自治县 zìzhìxiàn) e 1 distreto forestal.
• 1220 rejon aministrative a łivel de sità (镇 zhèn), de łe kuałi: 733 sità (镇 zhèn), 201 komuni (乡 xiāng), 9 komuni etnegi (民族乡 mínzúxiāng) e 277 soto-distreti (街道办事处 jiēdàobànshìchù)

Mapa de ła sudivizion aministrativa de ła provincia del Hupei

Mapa	#	Nome	Hanzi	Hanyu Pinyin	Aministrasion	Tipo
	1	Vuhan	武汉市	Wǔhàn Shì	Distreto de Jiang'an	Sità-prefetura
	2	Ezhou	鄂州市	Èzhōu Shì	Distreto de Echeng	Sità-prefetura
	3	Huanggang	黄冈市	Huánggāng Shì	Distreto de Huangzhou	Sità-prefetura
	4	Huangshi	黄石市	Huángshí Shì	Distreto de Huangshigang	Sità-prefetura
	5	Jingmen	荆门市	Jīngmén Shì	Distreto de Dongbao	Sità-prefetura
	6	Jingzhou	荆州市	Jīngzhōu Shì	Distreto de Shashi	Sità-prefetura
	7	Shiyan	十堰市	Shíyàn Shì	Distreto de Zhangwan	Sità-prefetura
	8	Suizhou	随州市	Suízhōu Shì	Distreto de Zengdu	Sità-prefetura
	9	Xiangyang	襄樊市	Xiāngfán Shì	Distreto de Xiangcheng	Sità-prefetura
	10	Xianning	咸宁市	Xiánníng Shì	Distreto de Xian'an	Sità-prefetura
	11	Xiaogan	孝感市	Xiàogǎn Shì	Distreto de Xiaonan	Sità-prefetura
	12	Yichang	宜昌市	Yíchāng Shì	Distreto de Xiling	Sità-prefetura
	13	Enshi (Tujia e Miao)	恩施土家族苗族自治州	Ēnshī Tǔjiāzú Miáozú Zìzhìzhōu	Sità di Enshi	Prefetura autonoma
	14	Tianmen	天门市	Tiānmén Shì	Tianmen	Vise-prefetura
	15	Qianjiang	潜江市	Qiánjiāng Shì	Qianjiang	Vise-prefetura
	16	Xiantao	仙桃市	Xiāntáo Shì	Xiantao	Vise-prefetura
	17	Shennongjia	神农架林区	Shénnóngjià Línqū	Shennongjia	Distreto forestal

 

Ła se pratega ła agrikoltura (koton, rizo, gran e té); se estrae anka karbon, ma soratuto borace, amalgame de platino, wollastonite, granati, marne, fero, fòsforo, rame, jeso, rutiło, saljema, amalagame de oro, manganeze e vanadio. Inportante ła ze ła produsion de enerzia idroełetrega par mezo de ła Diga de łe tre Gołe

Łe industrie pi' tradisionałi łe ze siderurgege, metałurgege e tesiłi; łe ze drio desviłuparse industrie mekanege, ełetronege (zeneratori ełetregi e alta ténołozia), automobiłistege e kimege.

•  
  Munti Daba.
•  
  Fiume Azuro, Goła de Xiling.
•  
  panorama de Huaṅgaṅ
•  
  Sito ONUESC de i Munti Vudaṅ, monastier taoista.