LAFONTEN (La Fontaine ) Jan de (1621.8.7, Shato—Tyerri, Shampan — 1695.13.4, Parij) — fransuz shoiri, masalchi.
Fransiya akademik aʼzosi (1684-yildan). Mashhur "Psixeya va Kupidonning muhabbati" (1669) qissasiga "Ming bir kecha" ertaklari hamda Apuley (miloddan avvalgi 2-asr) ning "Metamorfozalar" asari asos boʻlgan. L.ning masal janridagi asarlari koʻproq shuhrat qozongan. "Sheʼriy ertak va hikoyalar" (1—5-kitoblar, 1665—85), "Masallar" (1 - 12-kitoblar, 1668—94) toʻplamlarida oʻtkir hajvchi, yirik mutafakkir, adabiyotda Uygʻonish davri anʼanalarining davomchisi sifatida maydonga chikdi. Uning antik davr, Yevropa hamda Sharq adabiyoti ("Kalila va Dimna" va boshqalar), shuningdek, xalq donishmandligidan ruhlanib yaratgan masallari zamonaviyligi, oʻtkir hajvi, tavsiflarning yorqinligi bilan jahon satirik adabiyoti xazinasini boyitdi. Oʻzbek va rus masalchiligi rivojida ham L. ijodining muhim oʻrni bor. "Kosib va doʻkondor" masali oʻzbek tiliga tarjima qilingan (1984).
Ushbu maqolada Oʻzbekiston milliy ensiklopediyasi (2000-2005) maʼlumotlaridan foydalanilgan. |
Bu andozani aniqrogʻiga almashtirish kerak. |
This article uses material from the Wikipedia O‘zbek article Jean de La Fontaine, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Matndan CC BY-SA 4.0 litsenziyasi boʻyicha foydalanish mumkin (agar aksi koʻrsatilmagan boʻlsa). Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki O‘zbek (DUHOCTRUNGQUOC.VN) is an independent company and has no affiliation with Wiki Foundation.