کیمی

دوسری جنگِ عظیم کے دوران میں فن لینڈ اور روس نے جنگ بندی کا معاہدہ کیا اور اچانک فن لینڈ کے اتحادی جرمنی نے لیپ لینڈ میں فن لینڈ کے ساتھ جنگ شروع کر دی۔ اکتوبر 1944 میں جرمنوں نے کیمی سے 132 شہری اغوا کر لیے اور دھمکی دی کہ اگر جرمن جنگی قیدی نہ چھوڑے گئے تو وہ ان شہریوں کو مار دیں گے۔ یہ جنگی قیدی تورنیو کی لڑائی میں پکڑے گئے تھے۔ فن لینڈ نے جنگی قیدی چھوڑنے سے انکار کیا اور جتلا دیا کہ وہ بھی بدلے میں جرمن جنگی قیدیوں کو ہلاک کر دیں گے۔ 11 اکتوبر 1944 کو رووا نی اے می کے قریب یہ مغویان رہا کر دیے گئے۔

کیمی میں دنیا کا سب سے بڑا برفانی قلعہ بنایا جاتا ہے اور ہر سال اس کی ساخت بدل جاتی ہے۔ عموماً اسے شہر کی اندرونی بندرگاہ کے قریب بنایا جاتا ہے۔

فن لینڈ کے تاج کا نمونہ شہر کے قیمتی پتھروں کی گیلری میں رکھا گیا ہے۔ اصل تاج فن لینڈ کے بادشاہ کے لیے کبھی بنایا ہی نہیں گیا تھا۔ اس کے علاوہ انگلستان کے سرکاری تاج کی نقل بھی یہاں رکھی ہوئی ہے۔ روسی زار کا مجسمہ، ڈنمارک کے اوربس وغیرہ بھی یہاں رکھے گئے ہیں۔

اس کے علاوہ یہاں کا چرچ، جواہرات کی گیلری، آئس بریکر سامپو اور بحری جہاز یاہتی سیاحت کے لیے مشہور ہیں۔

کیمی کی معیشت میں بنیادی اہمیت دو کاغذ اور لکڑی کے گودے کے کارخانے ہیں اور اس کے علاوہ یورپ میں کرومیم کی واحد کان بھی یہاں موجود ہے۔

چینی کمپنی کیڈی نے یہاں دنیا کا پہلا دوسری نسل کا بائیو ماس پلانٹ بنانے کا اعلان کیا ہے جو 2019 میں کام شروع کر دے گا۔

اپریل 2007 میں گرتی ہوئی معیشت کی وجہ سے تمام تر بلدیاتی کارکنوں کو دو ہفتے کے لیے گھر بھیج دیا گیا تھا۔ صحت کے شعبے میں بڑھتی ہوئی قیمتوں اور صنعتوں پر بھاری ٹیکسوں کی وجہ سے معیشت کی حالت خراب ہوئی ہے۔

ایک پولی ٹیکنیک یونیورسٹی آف اپلائیڈ سائنسز کیمی میں بنی ہوئی ہے۔

کیمی کو پاور میٹل بینڈ سوناٹا ارکٹکا کا گھر کہا جاتا ہے۔

کیمی کا ریلوے اسٹیشن لیپ لینڈ اور ہیلسنکی کے درمیان میں واقع ہے۔ وی آر اسے استعمال کرتی ہے۔ کولاری اور رووا نی اے می کی لائنیں اس اسٹیشن کے شمال میں ہیں۔

فِنّش قومی شاہراہ نمبر 4، یورپی روٹ عی 8 اور ای 75 کیمی سے گزرتے ہیں۔

کیمی-تورنیو ایئرپورٹ شہر سے ساڑھے چار کلومیٹر باہر شمال میں واقع ہے۔

• فن لینڈ
• فہرست فن لینڈ کے شہر