مداد یا پنسل لکھنے یا تصاویر بنانے کے کام آتی ہے۔ اس میں ایک آسانی سے سركنے والی پتلی چھڑی ہوتی ہے جو اکثر گرافائٹ کی بنی ہوتی ہے۔ یہ کاغذ پر تیزی سے اپنے رنگ کے مطابق ایک نشان چھوڑ جاتی ہے۔ بازار میں کئی قسم کے مداد جاری ہوئے ہیں جیسے 6ایچ، 2بی، ایچ بی، وغیرہ۔ ایچ بی کی اصطلاح میں میں ایچ کا مطلب hard (سخت) اور B کا مطلب black (سیاہ) ہوتا ہے۔
گرافائٹ، چکنی مٹی اور پانی کو ملایا جاتا ہے اور ایک پتلی سی ٹیوب میں بھر دیا جاتا ہے۔ جب یہ مادہ ٹیوب سے نکل آتا ہے تو وہ ایک پتلی سی ڈنڈی کی شکل میں ہوتا ہے۔ اِسے سُکھایا جاتا ہے اور پھر کاٹ کر بھٹی میں ڈال دیا جاتا ہے۔ اس کے بعد ان سکوں کو گرم تیل اور موم میں ڈالا جاتا ہے۔ دیودار کے درخت کی لکڑی سے تختیاں کاٹی جاتی ہیں جو آدھی پنسل جتنی موٹی ہوتی ہیں۔ ان تختیوں میں سکوں کے لیے نالیاں تراشی جاتی ہیں۔ جب ان نالیوں میں سکے ڈالے جاتے ہیں تو ان کے اُوپر لکڑی کی ایک دوسری تختی گوند سے چپکائی جاتی ہے۔ پھر اس تختی میں سے الگ الگ پینسلیں کاٹی جاتی ہیں۔ پنسلوں کی اطراف کو تراش کر ہموار کِیا جاتا ہے، ان پر رنگ لگایا جاتا ہے اور کارخانے کا نشان چھاپا جاتا ہے۔ کبھیکبھار پنسل پر رَبڑ بھی لگایا جاتا ہے۔
This article uses material from the Wikipedia اردو article پنسل, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). تمام مواد CC BY-SA 4.0 کے تحت میسر ہے، جب تک اس کی مخالفت مذکور نہ ہو۔ Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki اردو (DUHOCTRUNGQUOC.VN) is an independent company and has no affiliation with Wiki Foundation.