عبدالرحیم ہاتف

عبد الرحیم ہاتف 1988 ءکے انتخابات کے بعد سے محمد نجیب اللہ کے دور حکومت میں  نائب صدر تھے۔ا نہوں نے جولائی 1991 ءسے اپریل 1992 ء تک ملک کے پہلے نائب صدر کے طور پر کام کیا۔

وہ کابل کے پہلے زوال کے وقت صدر نجیب اللہ کے استعفٰی کے بعد اپریل 1992ء میں دو ہفتوں کے لیے  وہ افغانستان کے صدر رہے ، جس کے بعد اقتدار پر جمعیت اسلامی افغانستان نے قبضہ کر لیا تھا۔

ان کے اقتدار میں آنے سے پہلے دو سابقہ سربراہ مملکت کو قتل کیا جا چکا تھا جبکہ ایک سویت یونین میں جلا وطن ہو گئے۔ نیویارک ٹائمز کی رپورٹ کے مطابق یہ کابل محل میں سخت سیکیورٹی میں کام کرتے تھے جہاں ان سے ملنے کے لیے دانتوں کے برش تک لے جانے کی اجازت نہیں تھی۔

وہ معاش کے لیے قندھار میں چائے کے کاروبار سے بھی منسلک رہے ۔ قومی مصالحتی کونسل کے صدر بھی رہے ، اس کمیشن کا مقصد حکومت مخالف مسلح گروپوں کو جنگ کی بجائے امن پر آمادہ کرتے ہوئے حکومتی اتحادی بنا نا تھا۔

اپنے دو ر اقتدار میں انھوں نے امریکا سے اپیل کی کہ وہ مسلمان جنگجوؤں جنھوں نے مجاهدین کے نام سے جانا جاتا ہے، کو ہتھیار اور ڈالر مہیا کرنے کا سلسلہ بند کیا جائے۔

19 اپریل1992 ء کو انھوں نے اپنے وزیر خارجہ عبد الوکیل کو مجاہدین کے کمانڈر مسعود کے پاس خاد اور وطن پارٹی کے اعلیٰ عہدے داروں کی حفاظت کی یقین دہائی کے بدلے میں حکومت کی جانب سے شکست تسلیم کرنے کے لیے مذاکرات کے لیے بجھوایا۔ جس کی وجہ سے مجاہدین نے 24 اپریل کو کامیابی کا جشن مناتے ہوئے کابل پر چڑھائی کر دی۔ انھوں نے مجاہدین کے ساتھ عارضی حکومت پر سمجھوتا کرنے کا اعلان بھی کیا تاہم ان کو 28 اپریل کو معزول کر دیا گیا۔وہ اقتدار سے باہر نکلنے کے بعد جلاوطن ہو گئے اور  نیدرلینڈز میں منتقل ہو گئے، جہاں وہ 19 اگست 2013ء کو وفات پا گئے۔