Хая́о Миядза́ки

Исао Такахата-биле кады «Гибли Студиязы» деп анимациялар үндүрер студия ажыдып алган.

Хая́о Миядза́ки
яп. 宮崎駿
Төрүттүнген хүнү	1941 январьның 5(1941-01-05)[…] (83 хар)
Чурт	Япония
Ашаа азы кадайы	Акэми Ота[d]

Чамдык чогаалдарын Миядзаки Сабуро Акицу (яп. 秋津 三朗 Акицу Сабуро:?) азы Тэрэкому (яп. 照樹務[1]) деп шола аттары-биле үндүрген.

Акэбоно-тё деп хоорайга төрүттүнген, дөрт оолдуң аразындан ийи дугаары. Адазы, Кацудзи Миядзаки, дайын үезинде A6M Zero деп самолёттарның детальдарын үндүрер фабриканың даргазы чораан. Фабриканың ээзи адазының акызы чораан. Иези оорга туберкулезу деп аарыг-биле аарып чораан. 1947-1955 чылдарда авазы аңгы-аңгы эмчилерге чыткан, ынчангаш өг-бүлези көжуп-ле чораан. Миядзаки школага сөөлгү класстарга өөренип тургаш, бир дугаар «Хякудзядэн» («Ак узун курт дугайында легенда») – деп анимацияны көргеш, ооң сооңда аниматор боор мен деп боданып алган.

1963 чылда ол Гакусюин университеттиң шылгалдыг экономика болгаш экономика өөредилге черин дооскан. Шылгалдыг өөредилге черинге бичии ажы-төлдүң чогаал клубунче барып турган. Ол клубка Европей чогаалдар өөренип турган. 1963 чылдың Toei Animation деп черге фазовщик кылдыр ажылдап турган. 1964 чылда профсоюзтуң даргазы апарган.

1965 чылдың октябрьда Акэми Ота аттыг коллегазынга өгленип алган. Ийи оолдуг: Горо биле Кэнсукэ. Бир дугаар оглу ачазынга удур «Сказания Земноморья» деп анимация кинону тыртырган, ийи дугаары - ыяш чоннар (чазаныр), ооң бир ажылын "Чуректиң даажы" - деп анимацияга көргүскен.

Миядзаки хөй-ле анимациялыг кинолар тытырган, оондан өске ол комикстерниң чогаалчызы. Японияга ооң ажылдары эндере ашка чыган болгаш эки байдалды алган критиктер аразынга. "Холегелерге алдырканнар" деп анимези Японияның историязыңга эң хөй ашка чыган кино-деп чарлаан, «Принцесса Мононокэ» биле «Кылаштаан Шооча»-деп анимелери база эки чарлаттынган.

2002 чылда "Хөлегелерге алдырканнар" деп анименин мурнунда, Миядзаки Япониядан үндүр чонга билдинмес чораан.Ол дээш ол 2002 чылда, Берлинский кинофестивальга улуг награданы чаалап алган "Алдын адыг", 2003 чылда Оскарга шагнаткан. Хөй-ле кинолары кижиниң бойдус биле болгаш технологиялар биле харылзашканың көргускен.

• Идиктиг диис – 1969
• Пустыняның кижилери – 1969-1970
• Мээң угбамга – 1982
• Ганстың эглип келгени – 1994

• Конан – келир үениң оглу – 1978
• Мээн кожам Тоторо – 1988
• Хөлегелерге алдырканнар – 2001
• Кылаштаан Шооча – 2004