Hayao Miyazaki

An saro sa mga kagmukna kan Studio Ghibli, sarong pelikula asin animation studio, nakagunò siya nin internasyonal na pagmidbid bilang sarong dalubhasang para-istorya asin bilang sarong tagagibo nin mga tampok na padalan o pelikula na anime, asin bantogan bilang saro sa mga pinakamaurag na direktor nin animasyon.

Hayao Miyazaki
Miyazaki sa Venice Film Festival kan 2008
Native name	宮崎 駿
Kamundagan	(1941-01-05) Enero 5, 1941 (edad 83) Bunkyō, Tokyo, Hapon
Nasyunalidad	Hapon
Alma mater	Gakushuin University
Trabaho	direktor sa pelikula prodyuser screenwriter animator autor manga'ng artista
Mga taon na aktibo	1963–presente
Employer	Studio Ghibli (1985–presente)
Agom	Akemi Ōta (1965)
Mga aki	Gorō Miyazaki, Keisuke Miyazaki

Bago kan presente niyang pigtatrabahohan sa Studio Ghibli, siya nag'empleo man sa mga minasunod na kompanya: Toei Animation (1963–71), A-Pro (1971–73),Zuiyō Eizō (1973–75), |Nippon Animation (1975–79), asin sa Telecom Animation Film (1979–82).

Si Miyazaki ginana an Ōfuji Noburō Award asin an Mainichi Film Awards para sa The Castle of Cagliostro (1979), Nausicaä of the Valley of the Wind (1984), Laputa: Castle in the Sky (1986), asin My Neighbor Totoro (1988), asin an Mainichi Film Award for Best Animation Film para nsa Kiki's Delivery Service (1989), Porco Rosso (1992), Princess Mononoke (1997), Spirited Away asin Whale Hunt (pareho 2001). An Spirited Away naduholan man kan gawad na Academy Award for Best Animated Feature, manta an Howl's Moving Castle (2004) asin The Wind Rises (2013) nag'ani nin nominasyon.. Siya naputongan bilang Person of Cultural Merit kan gobyernong Hapon kan Nobyembre 2012, huli sa maonabihan na ambag sa kultura. An ibang mga omaw saiya kaiba na diyan an walong Tokyo Anime Award, anom na Japan Academy Awards, limang Annie Award, asin tolong gawad sa Anime Grand Prix, saka an Venice Film Festival, kaiba na an sa International Film Festival.