Бруно Марс

Бруно Марс
Бруно Марс
	исп. Peter Gene Hernandez
Төрүттүнген хүнү	1985 октябрьның 8 (38 хар)
Чурт	Американың Катышкан Штаттары[d];

2010 чылдың октябрьда Doo-Wops & Hooligans деп Billboard 200-ке үшкү черни алган бирги дебют альбомун үндүрген. 2011 чылдың февраль 13-те болган "Грэмми"-ниң 53 дугаар церемониязында Бруно Марс 7 номинацияны алган. «Just the Way You Are» дээр ырызы дээш "Эң эки эр поп күүселде" деп номинацияда шаңналды алган. 2014 чылдың январь 26-да «Грэмми»-ниң 56 дугаар церемониязында Марс «Эң эки поп-альбом» (Unorthodox Jukebox) деп номинацияга тиилээн. 2016 чылдың февраль 16-да болган «Грэмми»-ниң 57 дугаар церемониязында Марк Ронсон-биле кады күүсеткен Billboard чарттың эң бажынга 14 неделя туттунган «Uptown Funk» деп хиди "Чылдың бижидилгези" болгаш "Эң эки поп-дуэт" деп ийи номинацияга тиилээн.

Биографиязы

1985: Эрте чылдары база карьеразының эгези

Питер Джин Эрнандес Вайкикиниң Гонолулу (Гавайи) деп районга пуэрторикан, еврей болгаш филиппин дөстерлиг өг-бүлеге төрүттүнгеш, өзүп келген . 2 харлыында, борбак арынныг боорга, база ол үеде билдингир Бруно Саммартино рестлерниң ат-алдарынга "Бруно" деп шоланы алган. Оолдуң ада-иези музыка-биле ажылдап турган болгаш, ол хөй аңгы ыры : регги, рок, хип-хоп база R&B угланыышкыннарның салдарынга өзүп келген. Брунонуң авазы, Бернадет Эрнандес, 2013 чылдың июнь 1-де Гавайларга 55 харлыында чырык өртемчейден чарылган . Ол элээди үезинде Майкл Джексон, Элвис Пресли, The Isley Brothers болгаш The Temptations деп артистерниң чогаадылгазынга хандыкшып турган.

1990 чылда Марс MidWeek-ке "Бичии Элвистиң" ролюнга көстүп келген база 1992 чылда Медовый месяц в Лас-Вегасе деп фильмде эпизодтуг рольга тырттырган .

2003 чылда Марс Лос-Анджелесче, музыка-биле ажылдап эгелээр дээш, көжүп келген. Ол-ла чылын бодунуң псевдонимин чогаадып алган. 2006 чылда Бруно Марс Atlantic Recordsдеп лейбл-биле контракт чарып алган. Эгезинде ол колдуунда өске ыраажыларга ырылар бижип, продюсер ажылын чорудуп турган.

2009—2012: Коммерциялыг чедиишкин болгаш Doo-Wops & Hooligans

Чедиишкинниг соло-күүседикчи болур бетинде, Бруно Марс Александра Бёрк, Тревис Маккой, Адам Левин, Брэнди, Шон Кингстон, Флоу Райд болгаш Sugababes деп ыраажыларның ырларының автору турган. Ооң бирги ыры күүседикчизи кылдыр көзүлгени Far East Movement бөлүктүң Animal деп альбомунуң бижидиишкининге киришкени болган. Ат-алдар B.o.B «Nothin' on You» болгаш «Billionaire» Трэвис Маккойнуң, каяа Бруно Марс күүседикчи болгаш соавтор болган, ырлар соонда келген. 2010 чылдың май 11-де Бруно Марс Billboard 200-ке 99 дугаар черни элээн EP It's Better If You Don't Understand деп альбомун үндүрген. 2010 чылдың августа Cee Lo Green деп ыраажының «Fuck You!» деп ырызының соавтору болган. Сентябрь 12-де MTV Video Music Awards 2010 церемониязынга B.o.B болгаш Хейли Уильямс-биле ырлаан.

Doo-Wops & Hooligans деп Бруно Марстың дебют альбому 2010 чылдың октябрь 4-те үнген. Бирги сингл ырызы - 2010 чылдың июль 19-та үнген база Billboard Hot 100-тү баштаан «Just the Way You Are». Дараазында ийи синглдары – «Liquor Store Blues» биле "Grenade». 2010 чылдың октябрьдан тура Бруно Марс Maroon 5 бөлүктүң Hands All Over альбомунга деткимче турунуң концерттериниң эгезинде киирилде кылдыр ырлап турган.

Doo-Wops & Hooligans Billboard 200 альбомнуг хит-парадка 2-ги черге дебюттаан. Альбом ыры критиктериниң эки рецензияларын алган

Солун чүүл дээрге ыраажының узуну – 165 см. База MTV Movie Awards 2009-та "Эң-не бичии сылдыс" деп шаңналды алган. 2010 чылдың сентябрь 19-та Бруно Марс Лас-Вегаске кокаин шыгжаан дээш тудуп хоругдаткан. Полицейлер-биле чугаалажып тургаш, ол болган чүүлдү "мелегей чорук" деп, ооң мурнунда " кажан-даа наркотиктер ажыглаваан мен" деп бадыткап турган». Шүүгүнүң дыңнадыы 2011 чылдың февраль 4-те болган. 2,6 грамм кокаин шыгжаан дээш, Марс 4 чыл хуусаа база 50000 доллар штраф алыр часкан турган. Ынчалза-даа, түңнелинде, Брунону 200 шак ниити ажылдарга, 2000 $ штрафка шииткен база наркотиктерниң хоразының дугайында темалыг кичээлдерже баар ужурлуг апарган. Бир эвес ол бүгү чыл дургузунда хоойлу-биле кандыг-даа өске проблемалар чок болур болза, бурудадыышкынны ап кааптар, оон ол ооң биографиязынга канчаар-даа салдар чедирбес болган.

2012 — амгы үе: Unorthodox Jukebox

2012 чылдың декабрьда Atlantic Records деп лейблга Unorthodox Jukebox аттыг Billboard 200-ке 2-ги черни ээлээн ийиги альбому үнген. Альбом ыры критиктериниң база үндүрүлгелерниң хөй кезиинде чогумчалыг болгаш өй-тап үнелээшкиннерин алган. Альбом дебют соонда үш ай эрткенде, 2013 чылдың март 7-де Billboard 200 американ чарттың лидери болган. Ол альбомдан 2 сингл Billboard Hot 100 деп американ хит-парадты баштаан - «Locked Out of Heaven» (6 неделя дургузунда № 1) болгаш «When I Was Your Man» (Великобританияга бо ийи хит ийиги черге четкен). Billboard езугаар, ыраажы бирги беш 1 дугаар хиттерин Элвис Пресли үезинден бээр кандыг-бир эр ыраажы бодаарга, дүрген ажылдап алган.

2014 чылдың январь 26-да болган «Грэмми»-ниң 56 дугаар церемониязында Марс «Эң эки поп-альбом»(Unorthodox Jukebox ) деп номинацияга тиилээн.

YouTube ажыл-чорудулгазы

Алдарлыг американ ыраажы Бруно Марс 2006 чылдың сентябрь 18-те бодунуң "Bruno Mars" аттыг YouTube каналын ажыткан. 2018 чылдың февральда каналдың көрүкчүлериниң саны - 19 млн ажыг.

Дискография

Студия альбомнары

Doo-Wops & Hooligans (2010)
Unorthodox Jukebox (2012)
24K Magic (2016)

Мини-альбомнары

It’s Better If You Don’t Understand (2010)

Видеоклиптери

«Nothin’ on You» (2010)
«Billionaire» (2010)
«The Other Side» (2010)
«Just the Way You Are» (2010)
«Grenade» (2010)
«Liquor Store Blues» (2011)
«The Lazy Song» (2011)
«Lighters» (2011)
«It Will Rain» (2011)
«Mirror» (2012)
«Locked Out of Heaven» (2012)
«When I Was Your Man» (2013)
«Treasure» (2013)
«Gorilla» (2013)
«Uptown Funk» (2014)
«24K Magic» (2016)
«That’s What I Like» (2017)
«Versace On The Floor» (2017)
«Finesse» (2018)