Альбина Ногманова: драма актрисасы, Кариев театры артисты

1997 елның 2 июлендә Татарстанның Яр Чаллы шәһәрендә туа. Әтисе - Хәмис исемле. 4 яшендә бервакыт әнисенең туган ягында - Үзбәкстанда яшәгән. Кечкенәдән бирле бию түгәрәгенә йөри, сәнгатькә тартыла. 2015 елда мәктәпнең 11нче сыйныфын тәмамлый һәм Казан дәүләт мәдәният институты театраль факультетының режиссура һәм актерлык осталыгы кафедрасына актер белгечлегенә укырга керә. 2019 елда аны тәмамлый һәм 2020 елда Габдулла Кариев исемендәге Казан Татар дәүләт яшь тамашачы театрында эшли башлый.

Театр белән бер рәттән үзен биюче буларак үстерә, "НЕТАНЦЫ" комьюнитисының амбассадоры булып тора.

2020 елның августында Габдулла Кариев исемендәге Казан Татар дәүләт яшь тамашачы театрының коллективына кушыла. Әмма театрдагы эшчәнлеген иртәрәк, интситутта укыганда ук башлап җибәрә. Башта күмәк күренешләрдә чыгыш ясый. Беренче рольләреннән берсе Фәнәвил Галиевның "Корт"тагы Земфира Борисовна образы була. Тамашачыга күбрәк Р. Мухинаның "Ак чәчәкләр кебек"тәге Сания роле буенча таныш.

Репертуарында 10га якын роле бар.

• Земфира Борисовна - "Корт" (Ф.Гәлиев);
• Бәти - "Бүре һәм кәҗә" (Р.Корбан);
• Шәкерт - "Кәҗүл читек" (Г.Исхакый);
• Сагыш кошы - "Мио, минем Мио" (Е.Гороховская);
• Медсестра- "Яратып туялмадым"( А.Әхмәтгалиева);
• Сания- "Ак чәчәкләр кебек" (Р.Мухина);
• Камәр - "Сөннәтче бабай" (Г.Исхакый);
• Кыз - "Алтынч[ае]ч" ( Р.Гарипова, Л.Янсуар). һ.б.

•  
  Альбина Ногманова сәхнәдә
•  
  Альбина Ногманова сәхнә түрендә
•  
  Альбина Ногманова яңа бию әзерли
•  
  Альбина Ногманова репетициядән соң

• Габдулла Кариев исемендәге Казан Татар дәүләт яшь тамашачы театры
• Гүзәлия Нәҗипова
• Алсинә Закирова
• Алсу Фәйзуллина
• Алсу Шакирова

• Ногманова Альбина Хәмис кызы - Габдулла Кариев театры сайты
• Альбина Нугманова - ВКонтакте

• Габдулла Кариев исемендәге Казан Татар дәүләт яшь тамашачы театры сайты
• Тат Медиа
• YouTube социаль челтәре