Pagkain Itlog: Produkto ng hayop na nakakain

Pagsapit ng 1500 BCE, pinaamo ng mga tao sa Timog-silangang Asya ang mga manok, at kinukuha ang kanilang itlog para makain. Pinakakinakain ang mga itlog ng ibong labuyo, lalo na mga manok. Kinakain din ang mga itlog ng ibang ibon, katulad ng ostrits at iba pang mga ratido, ngunit hindi gaanong karaniwan kumpara sa itlog ng manok. Maaari ring kainin ng mga tao ang mga itlog ng reptilya, ampibyo, at isda. Tinatawag na bihud ang mga itlog ng isda na kinakain.

Binubuo ang mga itlog ng ibon at reptilya ng balat na pamprotekta, albumen (puti), at vitellus (apyak o pula), na nakapaloob sa mga maininipis na lamad. Mainam na mapagkukunan ng protina at kolina ang mga apyak at buong itlog, at madalas gamitin sa pagluluto. Kahit masustansiya ang mga itlog, may mga potensiyal na isyung pangkalusugan dahil sa nilalamang kolesterol, kontaminasyon ng salmonella, at alerhiya sa protina ng itlog.