గంటేడ గౌరునాయుడు

ఇతడు విజయనగరం జిల్లా కొమరాడ మండలంలోని దళాయిపేటలో సత్యంనాయుడు, సోములమ్మ దంపతులకు 1954 ఆగస్టు 7న జన్మించాడు. చిన్నతనంలో జముకు పాటలకు ఆకర్షితుడైనాడు.ప్రాథమిక విద్య దళాయిపేటలో, ఉన్నత పాఠశాల చదువు కోటిపాంలో, ఇంటర్‌మీడియెట్ పార్వతీపురంలో చదివాడు. ఇంటర్‌మీడియెట్ చదివిన తరువాత చదువు మానేసి కొద్దిరోజులు వ్యవసాయం చేసాడు. సామవేదుల రామగోపాలశాస్త్రి దగ్గర ప్రాచీన సాహిత్యం నేర్చుకున్నాడు. అతని ప్రోద్బలంతో ఉస్మానియా విశ్వవిద్యాలయం డి.ఓ.ఎల్ పరీక్ష వ్రాసి ఉత్తీర్ణుడైనాడు. ఆంధ్ర విశ్వవిద్యాలయం నుండి ఎం.ఎ. పూర్తిచేసి తర్వాత బి.ఇడి. చదివాడు. 1978లో తెలుగు పండితుడిగా ఉద్యోగం ప్రారంభించి గిరిజన సంక్షేమ ఆశ్రమ పాఠశాలలలో ఉపాధ్యాయునిగా 30 సంవత్సరాలు పనిచేసి పదవీవిరమణచేశాడు. ఇతడు కవి, రచయిత మాత్రమే కాకుండా చిత్రకారుడు కూడా. ఇతనిపై వాడ్రేవు చినవీరభద్రుడు, అట్టాడ అప్పల్నాయుడు, భూషణం, కాళీపట్నం రామారావు మొదలైన వారి ప్రభావం ఉంది. స్నేహకళాసాహితి అనే పేరుతో ఒక సంస్థను స్థాపించి కళింగాంధ్ర ప్రాంతంలో యువ కవులను రచయితలను ప్రోత్సహిస్తున్నాడు.

ఉత్తరాంధ్ర మాండలికంలో సుమారు 60కి పైగా కథలు వ్రాశాడు. రెండు కథాసంపుటాలు, మూడు కవితాసంపుటాలు, 3 గేయసంపుటాలు, ఒక వ్యాససంపుటి ప్రచురించాడు. క్రాంతి, గౌన అనే కలంపేర్లతో రచనలు చేస్తుంటాడు. ఇతని రచనలు నాగావళి, ఆంధ్రజ్యోతి, స్రవంతి, పుస్తకం, ప్రజాసాహితి, కథాంజలి, ఆహ్వానం, రచన, సాహిత్యనేత్రం, వార్త, విపుల, ఆంధ్రప్రభ మొదలైన ఎన్నో పత్రికలలో ప్రచురింపబడ్డాయి.

కథలు

కథానిలయంలో లభ్యమౌతున్న కథల జాబితా

కథాసంపుటాలు

1. ఏటిపాట (1971)
2. ఒకరాత్రి - రెండుస్వప్నాలు (2007)
3. కథాపార్వతీపురం (సంకలనకర్త - అట్టాడ అప్పల్నాయుడుతో కలిసి)

కవితాసంపుటాలు

1. నదిని దానం చేశాక
2. నాగేటిచాలుకు నమస్కారం (దీర్ఘకవిత)
3. నాగలి (దీర్ఘకవిత)

గేయసంపుటులు

1. పాడుదమా స్వేచ్ఛాగీతం (1998)
2. గీతాంజలి (2004)
3. ప్రియభారత జననీ (2009)

వ్యాససంపుటి

1. కళింగోర (ఆంధ్రప్రభ దినపత్రికలో యాసపీఠం అనే శీర్షికలో వ్రాసిన వ్యాసాలు)

ఇతని కవితల నుండి మచ్చుకు ఒకటి.

నా తిత్తవ

1. చాసో స్ఫూర్తి సాహిత్య పురస్కారం
2. ఎస్.బి.ఎస్.ఆర్. కళాపీఠం సాహిత్య పురస్కారం
3. జ్యేష్ట లిటరరీ అవార్డు
4. ఎస్.ఆర్.కృష్ణమూర్తి స్మారక సాహిత్య పురస్కారం
5. మాడభూషి రంగాచార్య స్మారక సాహిత్య పురస్కారం
6. విశాలసాహితి పురస్కారం
7. పొట్టిశ్రీరాములు తెలుగు విశ్వవిద్యాలయం ధర్మనిధి పురస్కారం
8. పొట్టిశ్రీరాములు తెలుగు విశ్వవిద్యాలయం ఉత్తమకథా పురస్కారం
9. ఉమ్మడిశెట్టి సాహితీ అవార్డు
10. పి.టి.ఆర్.స్మారక కవితా పురస్కారం
11. పోలవరపు కోటేశ్వరరావు స్మారక సాహిత్య్ పురస్కారం
12. రాచకొండ రచనా పురస్కారం
13. గురజాడ సాహితీ పురస్కారం