తామర వ్యాధి, చర్మానికి సంబంధించిన ఒక అంటువ్యాధి.
మనుషులకూ, పిల్లులు, కుక్కలు వంటి పెంపుడు జంతువులకూ, గొర్రెలు, పశువుల వంటి సాధు జంతువులకూ ఈ వ్యాధి సోకుతుంది. ఈ వ్యాధి సాధారణంగా ఎరుపు రంగులో, దురదతో, పొలుసులుగా, వృత్తాకార దద్దుర్లుగా మారుతుంది. అంతేకాకుండా దీని ప్రభావం వల్ల ఆ ప్రాంతంలో జుట్టు రాలడం కూడా సంభవిస్తుంది. నాలుగు నుండి పద్నాలుగు రోజుల తరువాత దీని లక్షణాలు కనపడుతాయి. ఒక్కోసారి శరీరంపైన ఒకటికంటే ఎక్కువ ప్రాంతాలలో ఒకేసారి తన ప్రభావం చూపిస్తుంది.
తామర వ్యాధి | |
---|---|
పర్యాయపదాలు | తామర, టినియా |
మానవపాదంపై తామరవ్యాధి | |
ప్రత్యేకత | చర్మవ్యాధి |
లక్షణాలు | ఎరుపురంగు, దురద, పొలుసులు, వృత్తాకార దద్దుర్లు |
కారణాలు | మైకోసిస్ |
ప్రమాద కారకాలు | క్రీడలు ఆడేవారికి, కుస్తీ పోటీలలో పాల్గొనేవారికి, సామూహిక స్నానాలు చేసినవారికి, పెంపుడు జంతువులతో గడిపేవారికి, స్థూల కాయం ఉన్నవారికి, రోగనిరోధక శక్తి లేనివారికి |
రోగనిర్ధారణ పద్ధతి | వ్యాధి లక్షణాలు, మైక్రోస్కోప్ పరీక్ష |
భేదాత్మక నిర్ధారణ | చర్మవ్యాధి, సోరియాసిస్, పిట్రియాసిస్ రోసియా, టినియా వర్సికలర్ |
నివారణ | చర్మాన్ని పొడిగా ఉంచుకోవడండి, చెప్పులు లేకుండా నడవకూడదు, వ్యక్తిగత వస్తువులను పంచుకోకూడదు |
చికిత్స | క్రీములు (క్లోట్రిమజోల్ లేదా మైకోనజోల్) |
తరచుదనం | 20% జనాభా |
ట్రైకోఫైటన్, మైక్రోస్పోరం, ఎపిడెర్మోఫైటన్ రకానికి చెందిన దాదాపు 40 రకాల శిలీంధ్రాల ద్వారా ఈ తామర వ్యాధి వచ్చే అవకాశం ఉంది. ఈ వ్యాధి కలిగించే శిలీంధ్రాలకు కెరటిన్ ఆహారంగా ఉపయోగపడుతుంది. ఈ కెరటిన్ పదార్థం చర్మం ఉపరితలంపై, వెంట్రుకలు, గోళ్ళలో లభిస్తుంది. క్రీడలు ఆడేవారికి, కుస్తీ పోటీలలో పాల్గొనేవారికి, సామూహిక స్నానాలు చేసినవారికి, పెంపుడు జంతువులతో ఎక్కువ సమయం గడిపేవారికి, స్థూల కాయం ఉన్నవారికి ఈ వ్యాధి వ్యాపించే అవకాశం ఎక్కువ.
ఈ తామర వ్యాధి అనేది 1906కి పూర్వం నుండి ఉంది. అప్పట్లో దీనికి చికిత్స చేయడానికి పాదరసం మిశ్రమాలు లేదా గంధకాన్ని లేదా అయోడిన్ ఉపయోగించేవారు. చర్మంపై వెంట్రుకలు ఉన్న భాగాలకు చికిత్స చేయడం కష్టంగా భావించేవారు, కాబట్టి తలపై చర్మానికి చికిత్స చేయడానికి ముందుగా ఎక్స్-రేలు తీసి, తరువాత దాన్నిబట్టి ఔషధాలతో చికిత్స చేసేవారు. కొన్నికొన్ని సందర్భాల్లో అరరోబా పౌడర్ ఉపయోగించి చికిత్స చేసేవారు.
చర్మంపై కనిపించే లక్షణాలను బట్టి ఈ వ్యాధిని గుర్తుపట్టవచ్చు. చర్మకణాన్ని మైక్రోస్కోప్ కిందపెట్టి చూసినపుడు కూడా ఈ వ్యాధిని గుర్తించవచ్చు.
ఈ వ్యాధి సోకడం వల్ల శరీరంపై ఉబ్బిన ఎర్రటి వలయాలు ఏర్పడతాయి. గజ్జల ప్రదేశంలో దురద వస్తుంది. ఇది గోళ్ళకు సోకడంతో గోళ్ళు దళసరిగా మారడం, రంగు వెలిసిపోయి, విరిగి ఊడిపోవడం కూడా జరుగుతుంది. ఈ లక్షణాలు ఎక్కువగా పెద్దవారిలో కనిపిస్తాయి, సుమారు 20 శాతం జనాభాకు ఇందులో ఏదో ఒక లక్షణం కనిసిస్తూ ఉంటుంది. వేసవికాలంలో దీని లక్షణాలు పెరిగి, శీతాకాలంలో తగ్గుతాయి. కుక్కలు, పిల్లుల వంటి జంతువులకు కూడా ఈ తామరవ్యాధి సోకడంతోపాటు జంతువులు, మనుషుల మధ్య కూడా సోకవచ్చు.
చర్మాన్ని పొడిగా ఉంచుకోవడం, చెప్పులు వేసుకొని నడవడం, ఇతరులు ఉపయోగించిన వ్యక్తిగత వస్తువులను పంచుకోకపోవడం ద్వారా ఈ వ్యాధిని నివారించవచ్చు. క్లోట్రిమజోల్ లేదా మైకోనజోల్ వంటి వ్యాధి నివారణ క్రీములను వ్యాధిసోకిన ప్రదేశంలో లక్షణాలు తగ్గేవరకూ ప్రతిరోజూ రెండుసార్లు పూయాలి, దీనికి ఒకటి లేదా రెండు వారాలు పడుతుంది. కొన్నిసార్లు కానీ మూడువారాలు కూడా పట్టవచ్చు. కనిపించే లక్షణాలు తగ్గిన తరువాత కూడా, తిరిగి సోకకుండా ఉండడానికి మరొక 7 రోజులు కొనసాగించాలి.
మరింత తీవ్రమైన సందర్భాలలో లేదా తలపై చర్మం మీద నెత్తిమీద ఏర్పడినపుడు నోటి ద్వారా ఫ్లూకోనజోల్ వంటి ఔషధాలను వాడాల్సిన అవసరం వస్తోంది. వ్యాధి వ్యాప్తి చెందకుండా ఉండడానికి, గాయాల్ని తాకకూడదు. చేతులు, శరీరం కడుక్కుంటూ మంచి ఆరోగ్య పద్ధతులు పాటించాలి.
ఎన్నో వివిధ జాతుల శిలీంధ్రాలు ఇందులో ఉన్నాయి. అతి సాధారణంగా ఈ వ్యాధి కలిగించేవి ట్రైకోఫైటాన్, మైక్రోస్పోరం జాతులకు చెందిన డెర్మటోఫైట్స్. ఈ శిలీంధ్రాలు శరీరంలోని వివిధ ప్రాంతాలకు సోకుతాయి. క్రింది పరిస్థితులకు దారితీస్తాయి:
This article uses material from the Wikipedia తెలుగు article తామర వ్యాధి, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). అదనంగా సూచించని పక్షంలో పాఠ్యం CC BY-SA 4.0 క్రింద లభ్యం Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki తెలుగు (DUHOCTRUNGQUOC.VN) is an independent company and has no affiliation with Wiki Foundation.