కృష్ణ శతకము శ్రీనృసింహకవి రాసిన శతకం.
ఇందులో 102 కంద పద్యములు ఉన్నాయి. వీటిని కృష్ణ లీలలు, దశావతారములను వర్ణిస్తూ రాసాడు. ఇది శ్రీకృష్ణునికి అంకితమివ్వబదినది.
కృష్ణ శతకం | |
---|---|
కవి పేరు | శ్రీ నృసింహ కవి |
వాస్తవనామం | krishna sathakam |
వ్రాయబడిన సంవత్సరం | 18వ శతాబ్దం |
దేశం | భారత దేశము |
భాష | తెలుగు |
మకుటం | కృష్ణా! |
విషయము(లు) | కృష్ణ లీలలు, దశావతారములు |
పద్యం/గద్యం | పద్యములు |
ఛందస్సు | కందపద్యాలు |
మొత్తం పద్యముల సంఖ్య | 102 |
అంతర్జాలం లో | వికీసోర్సు లో కృష్ణ శతకం |
అంకితం | కృష్ణుడు |
కీర్తించిన దైవం | కృష్ణుడు |
శతకం లక్షణం | భక్తి శతకం |
కృష్ణ శతక కర్త నృసింహ కవి. ఆయన దాదాపు సా.శ. 1760 ప్రాంతమువాడు.
భారద్వాజసగోత్రుడ
గౌరవమున గంగమాంబ కరుణాసుతుడన్
పేరు నృసింహాహ్వయుడన్
శ్రీరమయుత నన్ను గావు సృష్టిని కృష్ణా
అతను రాసిన "తిరిమణి మనుజుడు పరమ పవిత్రుండు" అను పద్యమును బట్టి అతను వైష్ణవ మతానికి చెందిన వాడు కావచ్చు.
ఈ శతకం చాలా ప్రజాదరణ పొందినది. ఇది భక్తి రస ప్రధానమైనది. ఈ శతకంలో 102 కంద పద్యములలో కృష్ణలీలలు, దశావతారములను వర్ణించడం జరిగింది. సరళమైన భాషలో చిన్నపిల్లలలు కూడా అర్థమయ్యే విధంగా రాయడం జరిగింది. ఈ శతకము లోని మొదటి పద్యం :
శ్రీ రుక్మిణీశ కేశవ
నారద సంగీత లోల నగదర శౌరీ
ద్వారక నిలయ జనార్ధన
కారుణ్యము తోడ మమ్ము గావుము కృష్ణా||1||
This article uses material from the Wikipedia తెలుగు article కృష్ణ శతకము, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). అదనంగా సూచించని పక్షంలో పాఠ్యం CC BY-SA 4.0 క్రింద లభ్యం Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki తెలుగు (DUHOCTRUNGQUOC.VN) is an independent company and has no affiliation with Wiki Foundation.