'వెన్నెల కిశోర్' ఒక తెలుగు సినీ నటుడు, దర్శకుడు.
పూర్వాశ్రమంలో ఇతను అమెరికాలో సాఫ్ట్వేర్ ఇంజనీర్.
వెన్నెల కిశోర్ | |
---|---|
జననం | |
విద్య | జీవన్ హైస్కూల్, కామారెడ్డి |
వృత్తి | సాఫ్ట్వేర్ టెస్టర్ , నటుడు, దర్శకుడు |
క్రియాశీల సంవత్సరాలు | 2005 - ఇప్పటి వరకు |
సుపరిచితుడు/ సుపరిచితురాలు | నటుడు |
గుర్తించదగిన సేవలు | వెన్నెల (సినిమా) ఇంకోస్సారి బిందాస్ ఏమైంది ఈవేళ |
జీవిత భాగస్వామి | పద్మజ |
తల్లిదండ్రులు | లక్ష్మీ నారాయణ (తండ్రి) |
పురస్కారాలు | 2009 : నంది ఉత్తమ హాస్యనటుడు - ఇంకోసారి |
కిశోర్ వాళ్ళది నిజామాబాద్ జిల్లా, కామారెడ్డిలో ఓ మధ్యతరగతి కుటుంబం. తండ్రి లక్ష్మీ నారాయణ ఆంగ్ల ఉపాధ్యాయుడు. కిశోర్ కు నలుగురు అక్కలు. తనకి ఊహ తెలిసేటప్పటికే అక్కలకి పెళ్ళిళ్ళు అయిపోయాయి. పెద్దక్క పిల్లలదీ తనదీ దాదాపు ఒకే వయసు. కిషోర్ ఏడో తరగతిలో ఉండగానే తండ్రి పదవీ విరమణ చేశాడు. చిన్నప్పుడు ఇంట్లో నాన్న దగ్గరే పాఠాలు అభ్యసించాడు. కామారెడ్డి పాఠశాలలో పదో తరగతి దాకా చదువుకున్నాడు. ఇంటర్ చదవడానికి హైదరాబాదుకు వచ్చాడు. మొదట్లో ఎంపిసిలో చేరి అది నచ్చక మళ్ళీ బైపీసీలో చేరి. చివరికి డిగ్రీకి వచ్చే సరికి బీకాంకు మారాడు. హైదరాబాదుకు వచ్చినప్పటి నుంచీ తరచు సినిమాలు చూడటం అలవాటైంది. డిగ్రీ పూర్తయిన తరువాత ఏడాదిన్నర పాటు ఓ కోర్సులో చేరాడు. ఆ కోర్సు వల్ల అమెరికా, ఆస్ట్రేలియాల్లోని రెండు విద్యాసంస్థల్లో దాదాపు ప్రవేశం ఖరారైంది. జీఆర్ఈ, టోఫెల్ లో కూడా మంచి స్కోరు సంపాదించాడు. అమెరికాలోని మాస్టర్స్ చదవడానికి ఓ విశ్వవిద్యాలయంలో ఓ సీటు కూడా దొరికింది.
మాస్టర్స్ పూర్తవగానే వర్జీనియాలోని థామ్సన్ ఫైనాన్స్ సంస్థలో సాఫ్ట్వేర్ టెస్టర్ గా ఉద్యోగం దొరికింది. అక్కడ ఉన్నప్పుడే వెన్నెల (2005) సినిమాకు దర్శకుడు దేవ కట్టా దగ్గర సహాయకుడిగా పనిచేయడానికి వెళ్ళాడు. ఆ సినిమాలో ఖాదర్ పాత్రలో నటించాల్సిన శివారెడ్డికి వీసా కుదరకపోవడంతో ఆ పాత్రలో కిశోర్ నటించాల్సి వచ్చింది. అలా మొదటి సినిమా పేరునే ఇంటి పేరుగా మార్చుకున్నాడు. వర్జీనియాలో ఎన్నారైలకు నెల జీతంతో కూడిన సెలవు ఇచ్చేవారు. ఆ సెలవును వాడుకుని ఈ సినిమాకు పనిచేశాడు. తరువాత చిరంజీవి నటించిన సినిమా స్టాలిన్ సినిమాలో అవకాశం వచ్చినా సెలవు దొరక్క అందులోంచి తప్పుకున్నాడు.
వెన్నెల సినిమా విడుదలయ్యాక మూడేళ్ళు సినిమా ఊసే ఎత్తలేదు. అప్పుడే పెళ్ళి కూడా చేసుకున్నాడు. భార్య పద్మజ కూడా సాఫ్ట్వేర్ ఇంజనీరే. కిశోర్ అమ్మ సలహా మేరకు ఇద్దరూ భారత్ కు వచ్చేయాలని నిర్ణయించుకున్నారు. అప్పులన్నీ తీర్చుకుని అక్కడి నుంచి తిరిగి వచ్చేసారు. కిశోర్ ముంబైలోని జెపి మోర్గాన్ లో, భార్య పద్మజకు హైదరాబాదులో మంచి ఉద్యాగాలు దొరికాయి. ఇక్కడికి రాగానే మరిన్ని అవకాశాలు తలుపు తట్టడంతో జెపి మోర్గాన్ లో చేరడాని మరో ఆరు నెలలు గడువు తీసుకుని పూర్తి స్థాయి నటుడిగా మారిపోయాడు.
జీఆర్8 ప్రొడక్షన్స్ ప్రై.లి. పతాకంపై చైతన్య కృష్ణ, మొనాల్ గజ్జర్ జంటగా వెన్నెల కిశోర్ దర్శకత్వంలో రూపొందిన 'వెన్నెల 1 1/2' చిత్రం దారుణమైన పరాజయం తర్వాత ఇక ఆ వెన్నెలను తన పేరు నుంచి తొలగించారు. ఇప్పుడు కిశోర్ గా మారాడు.
This article uses material from the Wikipedia తెలుగు article వెన్నెల కిశోర్, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). అదనంగా సూచించని పక్షంలో పాఠ్యం CC BY-SA 4.0 క్రింద లభ్యం Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki తెలుగు (DUHOCTRUNGQUOC.VN) is an independent company and has no affiliation with Wiki Foundation.