వృత్యానుప్రాసాలంకారము : ఒక హల్లు అనేక పర్యాయములు వచ్చునట్లు చెప్పబడినది.
ఈ హల్లు ఒకే అచ్చుతో గాని లేదా వివిధ అచ్చులతో కలసినవి అయినా ఉండవచ్చును.
లక్షణం : ఏకద్విప్రభృతీనాంతు వ్యంజనానాం యథాభవేత్ పునరుక్తి రసౌనామ్నా వృత్త్యను ప్రాస ఇష్యతే.
ఉదాహరణ 1 : "చొక్క పుటుక్కు క్రిక్కిరిసి స్రుక్కక పెక్కువ నక్క జంబుగన్." ఇందులో 'క్క' అనే హల్లు అనేకసార్లు తిరిగి వచ్చినది.
ఉదాహరణ 2 : "ఇందువదన కుందరదన మందగమన సొగసులలనవే" అను సినిమా పాటలోని పల్లవి. ఇందులో బిందుపూర్వక దకారం 'ంద' అనేక సార్లు తిరిగి తిరిగి రావడం జరిగింది.
ఉదాహరణ 3 : "కామాక్షీ! నీ కుక్షికి శిక్షగా కక్షతో అన్నం అక్షయ రక్షగా ప్రత్యక్షం నీ అక్షికి కనబడేలా చేయించనా ?" ఇందులో 'క్ష' అనే హల్లు అనేక సార్లు తిరిగి తిరిగి వచ్చింది.
ఉదాహరణ 4 : "అడుగులు తడబడ బుడతడు వడివడి నడిచెను?" ఇందులో డ అనే హల్లు అనేక సార్లు తిరిగి తిరిగి వచ్చింది.
ఉదాహరణ 5 : "ఆ జెర్రి మర్రి తొర్రలో బిర్రబిగిసి పరుండి యున్నది?" ఇందులో ర అనే హల్లు అనేక సార్లు తిరిగి తిరిగి వచ్చింది.
ఉదాహరణ 6 : "అమ్మల గన్నయమ్మ ముగురమ్మలగన్న మూలపుటమ్మ" మ్మ అని ప్రాసలో నాలుగు సార్లే కాకుండా మరొక ఆరు సార్లు మ్మ కారం ప్రయోగించబడింది.
'ఉదాహరణ 7 : "నిష్టల పోష్టు మాష్టారు గారి కనిష్ట పుత్రుడు అష్టకష్టాలు పడి హిష్టరీలో ఫష్టు మార్కులు తెచ్చు కొనెను" ఇందులో 'ష్ట' అనే హల్లు పలుమార్లు వచ్చింది.
This article uses material from the Wikipedia తెలుగు article వృత్త్యానుప్రాసాలంకారము, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). అదనంగా సూచించని పక్షంలో పాఠ్యం CC BY-SA 4.0 క్రింద లభ్యం Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki తెలుగు (DUHOCTRUNGQUOC.VN) is an independent company and has no affiliation with Wiki Foundation.