ಕನಕನ ಕಿಂಡಿ(ಕನ್ನಡ) ಇಜ್ಜಿಂಡ ಕನಕನ ಕಂಡಿ ಉಂದು ಒಡಿಪುದ ಪುದರಾಯಿನ ಶ್ರೀ ಕೃಷ್ಣ ದೇವಾಲಯದ ವಿಶೇಷತೆ.
ಉಂದು ಸ್ವತಃ ಶ್ರೀ ಕೃಷ್ಣ ದೇವೆರೆನ ಮೂರ್ತಿ ತಿರ್ಗ್ದ್ ಕನಕದಾಸರೆಗ್ ದರ್ಶನ ಕೊರ್ತಿನ ಜಾಗ ಪನ್ಪಿನ ಉಂದೆತ ಪಿರವ್ದ ದಂತಕತೆ.
ಕನಕದಾಸೆರ್ ಯಾತ್ರೆಗಾದ್ ಅರೆನ ಇಷ್ಟ ದೇವೆರಾಯಿನ ಶ್ರೀ ಕೃಷ್ಣನ್ ತುವೆರೆ ಒಡಿಪುಗ್ ಬತ್ತಿನಪಗ, ಅಪಗದ ದೇಸ್ತಾನದ ಸ್ವಾಮೀಜಿ ಆದಿತ್ತಿನ ಶ್ರೀ ವಾದಿರಾಜ ತೀರ್ಥೆರ್ ಬಗವಂತ ಶ್ರೀ ಕೃಷ್ಣನ ಬಗ್ಗೆ ಗೊತ್ತಿತ್ತಿನಾರ್ ಆಯಿನ ಕನಕದಾಸೆರೆಗ್ ದೇಸ್ತಾನದ ಎದುರು ಒಂಜಿ ಗುಡಿಸಲ್ಡ್ ಉಂತೆರೆ ವ್ಯವಸ್ತೆ ಮಲ್ಪಾಯೆರ್. ಅಪಗದ ಕಾಲೊಡ್ ತಿರ್ತ್ ಜಾತಿದಗಲೆನ್ ದೇಸ್ತಾನದ ಉಲಾಯಿ ಸೇರ್ಪಾವೊಂದಿತ್ತುಜೆರ್, ಅಂಚಾದ್ ಕನಕದಾಸೆರ್ ಗುಡಿಸಲ್ದ ಉಲಾಯಿ ಕುದೊಂದು ತಂಬೂರಿ ಮೀಟೊಂದು ಪದ್ಯ ಪನೊಂದಿತ್ತೆರ್ ಆಂಡ ದೇವಾಸ್ಥಾನದ ಪಿರಾವುದ ಗೋಡೆ ಅಗಲೆಗ್ ಅಡ್ಡ ಇತ್ತುಂಡು. ಭೌತಿಕವಾದ್ ಕಣ್ಣುಲೆಗ್ ಶ್ರೀ ಕೃಷ್ಣನ ದರ್ಶನ ಆಯಿಜಿಡಲ ಅಗಲೆನ ಮನಸುಡು ಶ್ರೀ ಕೃಷ್ಣನ ಬಗ್ಗೆ ಇತ್ತಿನ ಅಪಾರ ಬಕ್ತಿ ಅಗಲೆನ್ ನಮ ಇನಿಕ್ಲ ನಿನೆಪು ದೀಪುನ ಲಕ ಮಲ್ತುದುಂಡು.
ಒಂಜಿ ರಾತ್ರೆ ಕನಕದಾಸರೆಗ್ ಶ್ರೀ ಕೃಷ್ಣನ್ ತುವೊಡುಂದು ಮಸ್ತ್ ಎನ್ನೊಂದುಪ್ಪನಗ ಆ ದೇವೆರೆ ಕೃಪೆಟ್ ಭೂಕಂಪ ಆದ್ ಗೋಡೆ ಬಿರಿ ಬುಡ್ದು, ಮೂಡಾಯ್ ದಿಕ್ಗ್ ಮೋನೆ ಮಲ್ತ್ ಇತ್ತಿನ ಕೃಷ್ಣನ ಮೂರ್ತಿ ಪಡ್ಡಾಯ್ ದಿಕ್ಗ್ ತಿರ್ಗ್ದ್ ಕನಕದಾಸರೆಗ್ ದರ್ಶನ ಕೊರುಂಡು ಪನ್ಪಿನ ಉಂದೆತ ಪಿರವ್ದ ಕತೆ. ಈ ಇಸಯ ತೆರಿದಿನ ವಾದಿರಾಜ ಸ್ವಾಮಿಲು ಆ ಬಿರಿ ಬುಡ್ತಿನ ಗೋಡೆನ್ ಮುಚ್ಚುನ ಬದಲು ಅಲ್ಪ ಕಂಡಿ ಮಲ್ಪಾಯೆರ್. ದೇವೆರ್ ಕನಕದಾಸರೆನ ಬಕ್ತಿಗ್ ಒಲಿದ್ ದರ್ಶನ ಕೊರ್ತಿನ ಈ ಜಾಗ ಇನಿಕ್ಲ ಕನಕನ ಕಂಡಿ ಪನ್ದ್ ಪುದರಾತುಂಡು. ದೇಸ್ತಾನಗ್ ಬರ್ಪುನ ಯಾತ್ರಿಕರೆಗ್ ಉಲಾಯಿ ಪೊವಂದೆ ಉಂದುವೆ ಕಂಡಿಡೆ ದೇವೆರೆನ ಮೂರ್ತಿ ತುವೊಲಿ. ಯಾತ್ರಿಕರ್ ಮಾತ್ರ ಅತ್ತಂದೆ ರಡ್ ವರ್ಷಗ್ ವರ ಪರ್ಯಾಯ ನಡಪನಗ ಮುಲ್ತ ಎಡ್ಮ ಮಠತ ಅಧಿಕಾರ ದೆತೊನುನ ಪೀಠಾಧಿಪತಿಲು ಮೆರವಣಿಗೆಡ್ ಇಡೆಗ್ ಬರ್ಪೆರ್.
ಭಾರತ ದೇಶೊಡ್ ಪೂರಾ ದೇವಸ್ಥಾನೊಲು ಮೂಡಾಯ್ ದಿಕ್ಕ್ಗ್ ಮೋನೆ ಮಲ್ತ್ ಉಲ್ಲಂದ್ ಪುರಾಣೊಲ್ ಪನ್ಪ. ಆಂಡ ಒಡಿಪು ಶ್ರೀ ಕೃಷ್ಣ ಮಾತ್ರ ಪಡ್ಡಾಯ್ ದಿಕ್ಗ್ ಮೋನೆ ಮಲ್ತ್ದುಂಡು.
ಶ್ರೀ ಕೃಷ್ಣ ದೇವೆರೆನ ಮೂರ್ತಿ ತಿರ್ಗ್ತ್ ಕೊರ್ನ ನೆನೆಪುಗಾದ್ ವಾದಿರಾಜ ಸ್ವಾಮಿಲು ಈ ಕಂಡಿನ್ ಸ್ಥಾಪನೆ ಮಲ್ತೆರ್. ಈ ಕಂಡಿಡ್ ನಮ ಕೃಷ್ಣನ ದರ್ಶನ ಮಲ್ಪೊಲಿ. ಇನಿಕ್ಲ ಉಂದು ಕನಕನ ಕಂಡಿ ಪಂದ್ ಜನೊಕ್ಲೆಗ್ ಪರಿಚಿತ ಆದುಂಡು. ಈ ಕಂಡಿಡೆ ನಿಲ್ಕಾದ್ ತೂಂಡ ಶ್ರೀ ಕೃಷ್ಣನ ದಿವ್ಯ ರೂಪದ ದರ್ಶನ ನಮಕ್ ಆಪುಂಡು. ಈ ಕಂಡಿ ತಾಪನೆ ಆಯಿ ಬೊಕ್ಕ ಪೂರಾ ಬಕ್ತೆರ್ ದೇಸ್ತಾನದ ಉಲಾಯಿ ಪೋಪುನೆಗ್ ದುಂಬು ಆ ಕಂಡಿಡೆ ದೇವೆರೆನ್ ತೂಪಿನಿ ವಾಡಿಕೆ.
This article uses material from the Wikipedia ತುಳು article ಕನಕನ ಕಂಡಿ, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). ಪ್ರತ್ಯೇಕವಾದ್ ಉಲ್ಲೇಕ ಮಲ್ಪಂದೆ ಇತ್ತ್ಂಡ, ವಿಸಯ "CC BY-SA 4.0" ದ ಅಡಿಟ್ ಲಬ್ಯ ಉಂಡು. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki ತುಳು (DUHOCTRUNGQUOC.VN) is an independent company and has no affiliation with Wiki Foundation.