ಬಂಕಿಮ ಚಂದ್ರ ಚಟ್ಟೋಪಾಧ್ಯಾಯೆರ್ ಭಾರತದ ಒರಿ ಬಂಗಾಳಿ ಕವಿ, ಕಾದಂಬರಿಕಾರೆ, ಪ್ರಬಂಧಕೆರ್ ಬೊಕ್ಕ ಪತ್ರಕರ್ತೆರಾದಿತ್ತೆರ್.
ಭಾರತೊದ ಸ್ವಾತಂತ್ರ್ಯ ಹೋರಾಟಗಾರೆರೆಗ್ ಪ್ರೇರೇಪಣೆ ಕೊರ್ನ ವಂದೇ ಮಾತರಮ್ ಗೀತೆದ ಕವಿಯಾದಿತ್ತಿನ ಮೇರ್ ಭಾರಿ ಪ್ರಸಿದ್ದೆರಾದಿತ್ತೆರ್. ಉಂದುವೆ ಗೀತೆ ಬೊಕ್ಕ ಭಾರತೊದ ರಾಷ್ಟ್ರೀಯ ಗೀತೆಂದ್ ಘೋಷಣೆ ಆಂಡ್
ಬಂಗಾಳದ ಮಾತ್ರ ಅತ್ತ್ ಭಾರತದ ಸಾಹಿತ್ಯಿಕ ಪಿರ ಉದಿಪನದ ಮುಖ್ಯ ವ್ಯಕ್ತಿ ಪಂದ್ ಚಟರ್ಜಿನ್ ಪರಿಗಣನೆ ಮಲ್ತೆರ್. ಕಾದಂಬರಿಲು, ಪ್ರಬಂಧೊಲು ಬೊಕ್ಕ ವ್ಯಾಖ್ಯಾನೊಲುಪ್ಪುನ ಅರೆನ ಕೆಲವೊಂಜಿ ಬರಹೊಲು ಸಾಂಪ್ರದಾಯಿಕವಾಯಿನ ಛಂದೋಬದ್ಧ ಪದ್ಯ- ಬೇತೆ ಭಾರತೀಯ ಬರಹೊಲೆಡ್ದ್ ವಿಶೇಷ ರೀತಿದ ಒಂಜಿ ತಾದಿ ಪತ್ತ್ದಿತ್ತ್ಂಡ್ ಬೊಕ್ಕ ಭಾರತದ ಉದ್ದಗಲೊಗು ಉಪ್ಪುನ ಲೇಖಕೆರೆಗ್ ಸಂಬಂಧ ಪಟ್ಟಿನ ಒಂಜಿ ಪ್ರೇರಣೆನ್ ಒದಗಾದ್ ಕೊರ್ಂಡ್
ನೈಹತಿಡುಪ್ಪುನ ಕಂಥಾಲಪಾರ ಹಳ್ಳಿಡ್ ಒಂಜಿ ಸಂಪ್ರದಾಯನಿಷ್ಠ ಬಂಗಾಳಿ ಬ್ರಾಹ್ಮಣ ಕುಟುಂಬೊಡು ಮೂಜಿ ಅಣ್ಣನಕುಲೆಗ್ ಕಿನ್ಯ ಮೆಗ್ಯೆಯಾದ್ ಚಟ್ಟೋಪಾಧ್ಯಾಯೆರ್ ಪುಟ್ಟಿಯೆರ್. ಯಾದವ್ (ಅತ್ತ್ಂಡ ಬಾದಬ್) ಚಂದ್ರ ಚಟ್ಟೋಪಾಧ್ಯಾಯೆರ್ ಬೊಕ್ಕ ದುರ್ಗಾದೇಬಿ ಮೆರೆನ ಅಪ್ಪೆ ಅಮ್ಮೆ. ಸರ್ಕಾರಿ ಅಧಿಕಾರಿಯಾದಿತ್ತಿನ ಮೆರೆನ ಅಮ್ಮೆರ್ ಮಿಡ್ನಾಪುರದ ಉಪ-ಜಿಲ್ಲಾಧಿಕಾರಿ ಬೇಲೆಡಿತ್ತೆರ್, ಅರೆನ ಅಣ್ಣನಕುಲೆಡ್ ಸಂಜೀಬ್ ಚಂದ್ರ ಚಟರ್ಜಿಲ ಒರಿ ಕಾದಂಬರಿಕಾರೆರಾದಿತ್ತೆರ್ ಬೊಕ್ಕ "ಪಲಮಾವು" ಪನ್ನ್ಪಿ ಪ್ರಸಿದ್ಧ ಬೂಕುಡ್ದಾತ್ರ ಅರ್ ಚಿರಪರಿಚಿತರಾದಿತ್ತೆರ್.
ಹೂಗ್ಲಿ-ಚಿನ್ಸುರಾಡುಪ್ಪುನಹಿಸ್ ಫೈಟ್ ಫಾರ್ ಫ್ರೀಡಂ, A. ದೇವ ರಾಜು, ದಿ ಹಿಂದೂ, ೨೦೦೧-೦೮-೧೮. ಮೊಹ್ಸಿನ್ ಕಾಲೇಜಿಡ್ ಅವೆಡ್ದ್ ಬೊಕ್ಕ ನಂತರದಲ್ಲಿ ಪ್ರೆಸಿಡೆನ್ಸಿ ಕಾಲೇಜ್ಡ್ ಕಲ್ತ್ದ್ ಕಲಾವಿಭಾಗೊಡು ೧೮೫೭ಡ್ ಪಾಸ್ ಆದ್ ಪದವಿ ಪಡೆಯೆರ್. ಕಲ್ಕತ್ತಾ ವಿಶ್ವವಿದ್ಯಾಲಯದ ಸುರುತ ರಡ್ಡ್ ಜನ ಪದವೀಧರೆರೆನ ಪೈಕಿ ಚಟರ್ಜಿಲ ಒರಿಯಾದಿತ್ತೆರ್ .,ಆತೆ ಅತ್ತ್ಂದೆ ಬೊಕ್ಕ ೧೮೬೯ಡ್ ಒಂಜಿ ಕಾನೂನು ಪದವಿನ್ ಪಡೆಯೆರ್. .
ತನ್ನ ಅಮ್ಮೆರೆನ ರೀತಿಡೆ ಜೆಸ್ಸೋರ್ನ ಉಪ-ಜಿಲ್ಲಾಧಿಕಾರಿಯಾದ್ ನೇಮಕ ಆಯೆರ್. ಒರಿ ಉಪ-ನ್ಯಾಯಾಧಿಪತಿ ಬೇಲೆಡಿತ್ತಿನ ಚಟರ್ಜಿಲು ೧೮೯೧ಡ್ ಸರ್ಕಾರಿ ಬೇಲೆಡ್ದ್ ನಿವೃತ್ತಿ ಆಪೆರ್. ಆಡಳಿತ ಮಲ್ತೊಂದಿತ್ತಿನ ಬ್ರಿಟಿಷರೆನೊಟ್ಟುಗು ಘರ್ಷಣೆ ಮಲ್ಪುನಂಚಿನ ಕಾರಣದ ಸಂಗತಿಲು ಅರೆ್ ಕಾರ್ಯಕ್ಷೇತ್ರೊಡುಪ್ಪುನ ವರ್ಷ ಜಾಸ್ತಿ ಇತ್ತ್ಂಡ್. ಆಂಡಲ ೧೮೯೪ಡ್ ಭಾರತದ ಸಾಮ್ರಾಜ್ಯದ ಸಹಯೋಗಿ ದರ್ಜೆದ ಒಂಜಿ ಬೇಲೆ ಆರೆಗ್ ತಿಕ್ಕ್ದಿತ್ತ್ಂಡ.
ಈಶ್ವರಚಂದ್ರ ಗುಪ್ತರೆನ ಮಾದ್ರಿದ ಅನುಸರಣೆಡ್ ಛಂದೋಬದ್ಧ-ಪದ್ಯದ ಒರಿ ಬರಹಗಾರೆ/ಕವಿಯಾದ್ ಚಟರ್ಜಿಲು ತಂಕುಲೆನ ಸಾಹಿತ್ಯಿಕ ವೃತ್ತಿಜೀವನ ಸುರು ಮಲ್ತೆರ್, ತನ್ನ ಪ್ರತಿಭೆ ಬೇತೆನೇ ದಿಕ್ಕ್ಡ್ ಬೆಳಗೊಡು ಪನ್ಪಿನವು ಕೆಲವೆ ದಿನೊಟು ಆರೆಗ್ ತೆರಿಪುಂಡು ಬೊಕ್ಕ ಕಾದಂಬರಿ ಪ್ರಕಾರೊಗು ತಿರ್ಗುವೆರ್. ಒಂದು ಘೋಷಣೆಯಾದಿತ್ತಿನ ಬಹುಮಾನೊಗು ಬರೆಯಿನ ಬಂಗಾಳಿ ಭಾಷೆದ ಒಂಜಿ ಕಾದಂಬರಿ ಅರೆನ ಸುರುತ ಪ್ರಯತ್ನವಾದಿತ್ತ್ಂಡ್. ಆಂಡ ಆರ್ ಆ ಬಹುಮಾನ ಗೆಂದಿಜೆರ್ ಬೊಕ್ಕ ಆ ಕಿನ್ಯಕಾದಂಬರಿ ಪ್ರಕಟವಾತಿಜ್ಜಿ. ರಾಜ್ಮೋಹನ್'ಸ್ ವೈಫ್ ಪನ್ಪಿ ಕಾದಂಬರಿ ಅಚ್ಚಾಯಿನ ಅರೆನ ಸುರುತ ಕಾದಂಬರಿಯಾದಿತ್ತ್ಂಡ್. ಉಂದು ಇಂಗ್ಲಿಷ್ಡ್ ಬರೆತಿನ ಬೊಕ್ಕ ಬಹುಶಃ ಘೋಷಿತ ಬಹುಮಾನೊಗು ಸಲ್ಲಿಸದಿನ ಕಿನ್ಯಕಾದಂಬರಿದ ಒಜಿ ಅನುವಾದವಾದಿತ್ತ್ಂಡ್. ಅರೆನ ಸುರುತ ಬಂಗಾಳಿ ರಮ್ಯ-ಸಾಹಿತ್ಯ ಕೃತಿ ಬೊಕ್ಕ ಬಂಗಾಳಿ ಭಾಷೆದ ಸುರುತ ಕಾದಂಬರಿಯಾಯಿನ ದುರ್ಗೇಶ್ನೊಂದಿನಿ ೧೮೬೫ಡ್ ಪ್ರಕಟಣೆ ಆಂಡ್.
ಕಪಾಲಕುಂಡಲ (೧೮೬೬) ಪನ್ಪಿನವು ಚಟರ್ಜಿಲೆನ ಸುರುತ ಪ್ರಕಟಣೆಯಾದುಂಡು. ಈ ಕಾದಂಬರಿದ ಕಥಾನಾಯಕಿಗ್ ಭವಭೂತಿಯ ಮಾಲತಿ ಮಾಧವ ಕೃತಿಡ್ ಬರ್ಪುನಂಚಿನ ಭಿಕ್ಷೆಬೇಡುನ ಪೊಂಜೊವುನ ಪುದರ್ ದೀತೆರ್. ಈ ಪಾತ್ರ ಅರ್ಧವಾಶಿ ಕಾಳಿದಾಸನ ಶಾಕುಂತಲಾ ಬೊಕ್ಕ ಅರ್ಧವಾಶಿ ಷೇಕ್ಸ್ಪಿಯರ್ನ ಮಿರಾಂಡ ನ ಮಾದ್ರಿಟ್ ಉಂಡು. ಆಂಡ ಈ ಹೋಲಿಕೆಲು ವಿಮರ್ಶಕೆರೆಡ್ದ್ ಆಯಿನ ತಾರ್ಕಿಕ ನಿರ್ಣಯದ ವಿಶ್ಲೇಷಣೆಯಾದಿತ್ತ್ಂಡ್. ಚಟರ್ಜಿಲೆನ ಕಥಾನಾಯಕಿ ಸಂಪೂರ್ಣವಾದ್ ಅರೆನನೆ ಮೂಲಸೃಷ್ಟಿಯಾದಿಪ್ಪೊಡು. ಕೊಂಟಾಯ್ ಉಪವಿಭಾಗೊಡುಪ್ಪುನ ದರಿಯಾಪುರ್ನ್ ಈ ಕಾದಂಬರಿದ ಹಿನ್ನೆಲೆಯಾದ್ ಆರ್ ಆಯ್ಕೆ ಮಲ್ತ್ದಿತ್ತೆರ್..
ಮೃಣಾಲಿನಿ (೧೮೬೯) ಪನ್ಪಿನ ಅರೆನ ದುಂಬುದ ರಮ್ಯ-ಸಾಹಿತ್ಯ ಕೃತಿ ಒಂಜಿ ಮಾಮಲ್ಲ ಐತಿಹಾಸಿಕ ಸಂದರ್ಭೊಗು ಸರಿಯಾದ್ ಕಥೆನ್ ತಯಾರಿ ಮಲ್ಪುನ ಅರೆನ ಸುರುತ ಪ್ರಯತ್ನೊ ಲಕ್ಕ್ದ್ ತೋಜೊಂದಿತ್ತ್ಂಡ್. ಚಟರ್ಜಿಲು ಬೊಕ್ಕದ ಅವಧಿಡ್ ಬಂಗಾಳಿ ಭಾಷೆನ್ ಪಾತೆರುನ ಜನೊಕುಲೆನ ವಿಚಾರಶಕ್ತಿಗ್ ಉಮೇದ್ ಕೊರ್ಪುನ ಸಾಹಿತ್ಯ ಸೃಷ್ಟಿ ಮಲ್ಪುನೆ ಬೊಕ್ಕ ಬಂಗಾಳಿ ಸಾಹಿತ್ಯೊಡು ಒಂಜಿ ಸಾಂಸ್ಕೃತಿಕ ಪುನರ್ ಉದಿಪನ ಮಲ್ಪುನ ಕಡೆಕ್ ಗೇಣೊ ಕೊರಿಯೆರ್. ಬಂಗೋದರ್ಶನ್ ಪನ್ಪಿ ಒಂಜಿ ಸಾಹಿತ್ಯಿಕ ಮಾಸಪತ್ರಿಕೆದ ಪ್ರಕಟಣೆನ್ ೧೮೭೨ನೆ ಏಪ್ರಿಲ್ಡ್ ಆರ್ ಸುರು ಮಲ್ತೆರ್. ಉಂದೆಕ್ ದುಂಬುಲ ಆವೃತ್ತಿಡ್ ಹೆಚ್ಚಾದ್ ಅರೆನವೆ ಸ್ವಂತ ಕೃತಿಕುಲು ಜಾಸ್ತಿ ಇತ್ತೊಂದಿತ್ತ್ಂಡ್ ಧಾರಾವಾಹಿದ ಲೆಕ್ಕಂದಿನ ಕಾದಂಬರಿಲು, ಕಥೆಕುಲು, ಹಾಸ್ಯ ಚಿತ್ರೊಲು, ಐತಿಹಾಸಿಕ ಬೊಕ್ಕಬೇತೆ ಬೇತೆ ಬಗೆತ ಪ್ರಬಂಧೊಲು, ಮಾಹಿತಿಪೂರ್ಣ ಲೇಖನೊಲು ಧಾರ್ಮಿಕ ಉಪದೇಶೊಲು, ಸಾಹಿತ್ಯಿಕ ಟೀಕೆಲು ಬೊಕ್ಕ ಅವಲೋಕನೊಲು ಈ ನಿಯತಕಾಲಿಕಡ್ ಇತ್ತೊಂದಿತ್ತ್ಂಡ್. ವಿಷಬೃಕ್ಷ (ದಿ ಪಾಯ್ಸನ್ ಟ್ರೀ, ೧೮೭೩) ಕಾದಂಬರಿ ಬಂಗೋದರ್ಶನ್ ನಿಯತಕಾಲಿಕಡ್ ಧಾರಾವಾಹಿಯಾದ್ ಬತ್ತಿನ ಚಟರ್ಜಿಲೆನ ಸುರುತ ಕಾದಂಬರಿಯಾದಿತ್ತ್ಂಡ್. ೪ ವರ್ಷೊಡ್ದು ಬೊಕ್ಕಬಂಗೋದರ್ಶನ್ ನಿಯತಕಾಲಿಕ ಪ್ರಸರಣ ಇಜ್ಜಾಂದಿನ ಸ್ಥಿತಿಕ್ ಬತ್ತ್ಂಡ್ .ಬೊಕ್ಕ ಅವೆನ್ ಅರೆನ ಅಣ್ಣೆ ಸಂಜೀಬ್ ಚಂದ್ರ ಚಟರ್ಜಿ್ಲು ಪುನರುಜ್ಜೀವನ ಮಲ್ತೆರ್.
This article uses material from the Wikipedia ತುಳು article ಬಂಕಿಮ ಚಂದ್ರ ಚಟರ್ಜಿ, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). ಪ್ರತ್ಯೇಕವಾದ್ ಉಲ್ಲೇಕ ಮಲ್ಪಂದೆ ಇತ್ತ್ಂಡ, ವಿಸಯ "CC BY-SA 4.0" ದ ಅಡಿಟ್ ಲಬ್ಯ ಉಂಡು. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki ತುಳು (DUHOCTRUNGQUOC.VN) is an independent company and has no affiliation with Wiki Foundation.