ಕರ್ನಾಟಕ ಕರಾವಳಿದ ರಂಗನೇ ಯಕ್ಷಗಾನ.
ಯಕ್ಷಗಾನ ಪನ್ಪುನ ಕಲೆ ಇನಿಕ್ಕ್ ಜಗದ್ವಿಖ್ಯಾತ ಆದ ಉಂಡು. ಯಕ್ಷಗಾನ. ಉಡುಪಿಜಿಲ್ಲೆ, ದಕ್ಷಿಣ ಕನ್ನಡಜಿಲ್ಲೆ, ಕಾಸರಗೋಡುಜಿಲ್ಲೆ, ಉತ್ತರ ಕನ್ನಡ ಜಿಲ್ಲೆ ಅಂಚನೆ ಮಲೆನಾಡ್ದ ಶಿವಮೊಗ್ಗ ಜಿಲ್ಲೆಡ್ ಪ್ರಸಿದ್ದಿ ಪಡೆದುಂಡು. ಯಕ್ಷಗಾನದ ಉಗಮ ಆಯಿನಿ ಉಡುಪಿಡ್. ಮದ್ವಚಾರ್ಯೆರೆನ ಶಿಷ್ಯರಾಯಿನ ನರಹರಿ ತೀರ್ಥ ಪನ್ಪುನಾರ್ ಇಂದೇತ ಕರ್ತೃ. ನರಹರಿ ತೀರ್ಥರ್ ಕಾಳಿಂಗನ ಆಸ್ಥಾನಡ್ ಮಂತ್ರಿಯಾದಿತೆರ್. ಕುಚುಪುಡಿತಲ ಕರ್ತೃ ನರಹರಿ ತೀರ್ಥರ್. ಯಕ್ಷಗಾನದ ಬಗೆಟ್ ಬರೆತಿನ ದುಂಬುದ ಲಿಪಿ ತಿಕ್ಕ್ನೆ ಲಕ್ಷ್ಮೀನಾರಾಯಣ ದೇವಾಸ್ತಾನೋ ಕೂರುಗೋಡು, ಸೋಮಸಮುದ್ರಡ್. ಯಕ್ಷಗಾನಡ್ ದುಂಬು ಕುಲ್ಲ್ದ್ ಪನ್ಪುನ ಭಾಗವತಿಕೆ, ಚೆಂಡೆ, ಮದ್ದಲೆ, ಶ್ರುತಿ, ಚಕ್ರತಾಳ ಉಂದೆನ್ ಪೂರ ಹಿಮ್ಮೇಳ ಪಂದ್ ಪನ್ಪೆರ್. ಹಿಮ್ಮೇಳಡ್ ಮದ್ದಳೆ, ಪುಂಗಿ, ಚಂಡೆ, ತಾಳನ್ ಬಾರ್ಸವೆರ್. ರಂಗಸ್ಥಳಡ್ ನಲಿಪುನ ಬೊಕ್ಕ ಪಾತೆರುನ ಪಮನ್ಪುನ ನೃತ್ಯನ್ ಅಭಿನಯನ್ ಮುಮೆಲಂದ್ ಪನ್ಪೆರ್. ಭಾಗವತೆರ್ ಕತೆನ್ ಪದೊಟ್ ಪನ್ನಗ ಮುಮೆಲಡ್ ಯಕ್ಷಗಾನ ಕಲವಿದೆರ್ ಅಭಿನಯಿಸುವೆರ್.
ಈ ಯಕ್ಷಗಾನ ಕಲೆಟ್ ತೆಂಕುತಿಟ್ಟು,ಬಡಗತಿಟ್ಟು ಪನ್ಪಿನ ರಡ್ಡ್ ವಿಧ ಉಂಡು. ಕರಾವಳಿದಕುಲು ತೆಂಕುತಿಟ್ಟುದ ಯಕ್ಷಗಾನ ಕಲೆನ್ ಮಲ್ಪುವೆರ್. ಉತ್ತರ ಕರ್ನಾಟಕದಕುಲು ಬಡಗುತಿಟ್ಟುಡ್ ನಲ್ಪುವೆರು.
ಈ ಯಕ್ಷಗಾನ ಕಲೆಕ್ ಕತೆನು ಅರ್ಥವತ್ತಾದ್ ಪದ್ಯದ ರೂಪೊಡು ಪನ್ಪಿನಾರ್ ಭಾಗವತೆರ್ ಅರ್ನ ಜೊತೆಟ್ ಹಾರ್ಮೊನಿಯಂ, ಮೃಂದಗ, ಚಂಡೆದಗುಲು ಪಾತ್ರ ಪಡೆವೆರ್. ರಾತ್ರಿ ೮ ಗಂಟೆಡ್ದ್ ಕಾಂಡೆ ಮುಟ ನಡೆಪುನ ಈ ಕಲೆನ್ ತೂವೆರೆ ಮಸ್ತ್ ಜನ ಪ್ರೇಕ್ಷಕೆರ್ ಬರ್ಪೆರು.
ಬಗೆಬಗೆತ ರಕ್ಷೆಸೆರೆನ, ರಾಜೆರ್ನ, ಮಂತ್ರಿರ್ಲೆನ, ರಾಣಿಯೆರ್ನ, ಹಾಸ್ಯದ ವೇಷ ಪಾಡೊಂದು ಬಣ್ಣ ಬಣ್ಣದ ಲೈಟುದ ನಡುಟ್ ಉಪ್ಪುನಾ ರಂಗಮಂದಿರೊಡು ನಲ್ಪುನ ತುವೆರೆಗ್ ಮಸ್ತ್ ಖುಷಿ ಆಪುಂಡು.
This article uses material from the Wikipedia ತುಳು article ಯಕ್ಷಗಾನ, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). ಪ್ರತ್ಯೇಕವಾದ್ ಉಲ್ಲೇಕ ಮಲ್ಪಂದೆ ಇತ್ತ್ಂಡ, ವಿಸಯ "CC BY-SA 4.0" ದ ಅಡಿಟ್ ಲಬ್ಯ ಉಂಡು. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki ತುಳು (DUHOCTRUNGQUOC.VN) is an independent company and has no affiliation with Wiki Foundation.