ಬನ್ನಂಜೆ ಬಾಬು ಅಮೀನ್ ತುಳು ಜಾನಪದ ವಿದ್ವಾಂಸೆರ್.
ಇಂಬೆರ್ ಉಡುಪಿ ಜಿಲ್ಲೆದ ಬನ್ನಂಜೆದಾರ್. ತುಳು ಸಾಹಿತ್ಯ ಕ್ಷೇತ್ರೊಡುಲಾ ಇಂಬೆರ್ ಮಸ್ತ್ ಬೇಲೆ ಮಲ್ದೆರ್. ಕರ್ನಾಟಕ ಜಾನಪದ ಬೊಕ್ಕ ಯಕ್ಷಗಾನ ಅಕಾಡೆಮಿತ್ತ ಪ್ರಶಸ್ತಿಲು ಮೇರೆಗ್ ಸಂದುದುಂಡ್. ತುಳುನಾಡ್ ದ ಗರಡಿಲೆನ ಸಮಗ್ರ ಅಧ್ಯಯನೊಗು ಇಂಬೆರೆನ್ ನಡೆದಾಡುವ ಗರಡಿ ಪಂದ್ ಪನ್ಪೆರ್
ಬನ್ನಂಜೆ ಬಾಬು ಅಮೀನ್ | |
---|---|
ಪುಟ್ಟಿನ | ೧೯೪೪ನೇ ಆಗಸ್ಟ್ ೪ |
ಪಾಲಕರು(s) | ತೋಮ (ಅಮ್ಮೆರ್) ದಾರಮ್ಮ ಪೂಜಾರಿ (ಅಪ್ಪೆ) |
ಪ್ರಶಸ್ತಿಗಳು | ಯಕ್ಷಗಾನ ಅಕಾಡೆಮಿ ಪ್ರಶಸ್ತಿ, ಜಾನಪದ ಅಕಾಡೆಮಿ ಪ್ರಶಸ್ತಿ |
ಬಾಬು ಅಮೀನ್ ಉಡುಪಿ ಜಿಲ್ಲೆದ ಬನ್ನಂಜೆಡ್ ೧೯೪೪ನೇ ಇಸವಿದ ಆಗಸ್ಟ್ ೪ನೇ ತಾರೀಕ್ ದಾನಿ ಪುಟ್ಯೆರ್. ಇಂಬೆರ್ ತೋಮ ಬೊಕ್ಕ ದಾರಮ್ಮ ಪೂಜಾರಿ ದಂಪತಿಲೆನ ಮಗೆ. ೧೯೬೩ನೇ ಇಸವಿಡ್ ಎಸ್ಎಸ್ಎಲ್ಸಿ ಶಿಕ್ಷಣ ಪಡೆಯೊಂದ್ ಕಸ್ತೂರ್ಬಾ ಮೆಡಿಕಲ್ ಕಾಲೇಜ್ಗ್ ಸೇರುವೆರ್. ೧೯೭೪ಡ್ ಇಂಬೆರ್ ಉದ್ಯೋಗಗಾದ್ ಬೊಂಬಾಯಿಗ್ ಪೋಪೆರ್. ತುಳು ಸಾಹಿತ್ಯೊ, ಯಕ್ಷಗಾನೊ ಬೊಕ್ಕ ಜಾನಪದೊ ಕ್ಷೇತ್ರೊಡ್ ಮಸ್ತ್ ಕೊಡುಗೆ ಕೊರ್ತೆರ್.
೧೯೭೦ನೇ ಇಸವಿಡ್ ಬನ್ನಂಜೆ ಬಾಬು ಅಮೀನ್ ಕೋಟಿ ಚೆನ್ನಯ ಪನ್ಪಿನ ಆರ್ನ ಸುರುತ್ತ ಬೂಕುನು ಪ್ರಕಟ ಮಲ್ಪುವೆರ್. ತುಳುನಾಡ್ ದ 217 ಗರಡಿಲೆನ ಸಂಶೋಧನಾತ್ಮಕ ಅಧ್ಯಯನ ಗ್ರಂಥೊನು ಮೋಹನ್ ಕೋಟ್ಯಾನ್ರೆ ಒಟ್ಟುಗು ಬರೆತೆರ್. ಕರ್ನಾಟಕ ಮಲ್ಲ ಪನ್ಪಿನ ಒಂಜಿ ನಿಯತಕಾಲಿಕೆಗ್ ಬೇಲೆ ಮಲ್ತೊಂದಿತ್ತೆರ್. ೨೦೦೩ಟ್ ಸಾಹಿತ್ಯಪ ಕ್ಷೇತ್ರೊದ ಸೇವೆಗ್ ಐಸಿರಿ ಪ್ರಶಸ್ತಿ ಪಡೆತೆರ್.
ಇಂಬೆರ್ ಉಡುಪಿ ಯಕ್ಷಗಾನ ಕಲಾಕ್ಷೇತ್ರೊದ ಸಕ್ರಿಯ ಸದಸ್ಯೆರ್. ಯಕ್ಷಗಾನೊದ ಅರ್ಥದಾರಿ ಬೊಕ್ಕ ವೇಷಧಾರಿ.
This article uses material from the Wikipedia ತುಳು article ಬನ್ನಂಜೆ ಬಾಬು ಅಮೀನ್, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). ಪ್ರತ್ಯೇಕವಾದ್ ಉಲ್ಲೇಕ ಮಲ್ಪಂದೆ ಇತ್ತ್ಂಡ, ವಿಸಯ "CC BY-SA 4.0" ದ ಅಡಿಟ್ ಲಬ್ಯ ಉಂಡು. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki ತುಳು (DUHOCTRUNGQUOC.VN) is an independent company and has no affiliation with Wiki Foundation.