ಹಿಂದೂ ಪುರಾಣದ ಒಂಜಿ ಪಾತ್ರವಾಯಿನ ದಮಯಂತಿ ವಿದರ್ಭ ರಾಜ್ಯದ ರಾಜಕುಮಾರಿ ಆದ್ ಇತ್ತಲ್.
ಮೋಲ್ ನಿಷಾದ ರಾಜ್ಯದ ರಾಜೆ ನಳನ್ ಮದಿಮೆ ಆದ್ ಇತ್ತಲ್. ಮೊಕುಲೆನ ಕತೆ ಮಹಾಭಾರತೊಡು ಉಂಡು. ಆಲ್ ಏತ್ ಪೊರ್ಲು ಬೊಕ್ಕ ಮೋಹಕ ಆದ್ ಇತ್ತಲ್ ಪಂಡ ದೇವತೆಲುಲಾ ಅಲೆನ್ ಮೆಚ್ಚಿದ್ ಇತ್ತೆರ್. ಆಲ್ ನಳನ್ ಕೇವಲ ಒಂಜಿ ಸುವರ್ಣ ಹಂಸೊರ್ದು ಆಯನ ಸದ್ಗುಣಲು ಬೊಕ್ಕ ಸಾಧನೆಲೆನ್ ಕೆಂಡ್ದ್ ಪ್ರೀತಿ ಮಲ್ತ್ನಾಲ್.
ದಮಯಂತಿ | |
---|---|
Information | |
ಆಣ್/ಪೊಣ್ಣ್ | Female |
ಕುಟುಂಬೊ | Bhima of Vidarbha (father) |
ಕಂಡಣಿ/ಬುಡೆದಿ | ನಳ |
ಜೋಕುಳು | Indrasena (son) Indrasenā (daughter) |
ವಿದರ್ಭ ರಾಜ್ಯದ ರಾಜೆ ಭೀಮ(ಉಂಬೆ ಪಂಚಪಾಂಡವರೆನ ಭೀಮೆ ಅತ್ತ್.) ಮಹಾರಾಜೆ ತನ್ನ ಪುತ್ರಿ ಆಯಿನ ದಮಯಂತಿಗಾದ್ ಸ್ವಯಂವರನ್ ಏರ್ಪಡ್ ಮಲ್ತ್ದ್ ಇತ್ತೆ. ಮಸ್ತ್ ರಾಜಕುಮಾರೆರ್ ಬೊಕ್ಕ ದೇವತೆಲಾಯಿನ ಇಂದ್ರೆ, ಅಗ್ನಿ, ವರುಣೆ ಬೊಕ್ಕ ಯಮೆ ಸ್ವಯಂವರೊಡು ಭಾಗವಹಿಸ್ದ್ ಇತ್ತೆರ್. ಸ್ವಯಂವರೊಡು ಭಾಗವಹಿಸ್ದ್ ಇತ್ತ್ನೆಟ್ ಒರಿಯನ್ ದಮಯಂತಿ ತನ್ನ ಕಂಡನಿ ಪಂಡ್ದ್ ಆರಿಸವೊಡು ಆದ್ ಇತ್ತ್ಂಡ್. ದಮಯಂತಿ ನಳನ್ ತನ್ನ ಪತಿಯಾದ್ ಆಯ್ಕೆ ಮಲ್ತೊಂಡಲ್. ಅತಿಮಾನುಷ ಶಕ್ತಿ ಉಪ್ಪುನ ಕಾಳಿಲಾ ದಮಯಂತಿನ್ ಮದಿಮೆ ಆವೊಡು ಪಂದ್ ಆಲೋಚನೆ ಮಲ್ತ್ದ್ ಉಪ್ಪುವೆ.. ಆಂಡ ಆಯೆ ಬರ್ಪುನೆಕ್ ದುಂಬೆ ದಮಯಂತಿ ನಳನ್ ತನ್ನ ಪತಿ ಪಂಡ್ದ್ ಆಯ್ಕೆ ಮಲ್ತೊಂದು ಉಪ್ಪುವಲ್. ಉಂದೆರ್ದ್ ಕೋಪ ಬತ್ತ್ನ ಕಾಳಿ ನಳನ ಸಾಮ್ರಾಜ್ಯೊನು ನಾಶಮಲ್ಪಂದೆ ಬುಡಯೆ ಪಂಡ್ದ್ ಶಪಥ ಮಲ್ಪುವೆ. ನಳೆ ಬೊಕ್ಕ ದಮಯಂತಿ ಮದಿಮೆ ಆಪೆರ್. ಮೊಕುಲೆಗ್ ರಡ್ಡ್ ಜನ ಜೋಕುಲು. ಮಹಾರಾಜೆ ಆಯಿನ ನಿಷಧೆ ತೀರಿ ಬೊಕ್ಕ ಯುವರಾಜೆ ಆಯಿನ ನಳೆ ಮಹಾರಾಜನ ಪಟ್ಟೊಗು ಬರ್ಪೆ. ನಳಮಹಾರಾಜನ ಏಳಿಗೆನ್ ಆಯನ ಸಹೋದರೆ ಆಯಿನ ಕುವರಗ್ ಸಹಿಸಿಯೆರೆ ಆಯಿಜಿ. ನಳಮಹಾರಾಜನ ದೌರ್ಬಲ್ಯ ಜೂಜು ಪಂಡ್ದ್ ತೆರಿದ್ ಇತ್ತ್ನ ಕುವರೆ ನಳಮಹಾರಾಜನ ಒಟ್ಟುಗು ಜೂಜುದ ಗೊಬ್ಬು ಗೊಬ್ಬುವೆ. ಜೂಜುದ ಗೊಬ್ಬುಡು ನಳಮಹಾರಾಜೆ ತನ್ನ ಸರ್ವಸ್ವನ್ಲಾ ಕಳೆವೊನುವೆ. ಆಯಿರ್ದ್ ಬೊಕ್ಕ ಕುವರೆ ಅಧಿಕಾರೊಗು ಬರ್ಪೆ. ನಳನ್ ತನ್ನ ರಾಜ್ಯೊರ್ದು ಪಿದಯಿ ಪಾಡುವೆ. ನಳೆ ಕಾಡ್ಗ್ ಪೋಪೆ. ದಮಯಂತಿ ಜೋಕುಲೆನ್ ಅಪ್ಪೆ ಇಲ್ಲಗ್ ಕಡಪುಡುರ್ದು ಆಲ್ಲಾ ನಳನ ಒಟ್ಟುಗು ಕಾಡ್ಗ್ ಪೋಪಲ್. ಕಾಡ್ಡ್ ತಿನಿಯೆರೆ ಆಹಾರ ಇಜ್ಜಂದೆ ರಡ್ಡ್ ಜನಕ್ಲಾ ಆಯಾಸ ಆದ್ ಪೋಪೆರ್. ಅಪಗ ನಳೆ ತನ್ನ ಬುಡೆದಿ ಆಯಿನ ದಮಯಂತಿಗ್ ಎನನ್ ಬುಡ್ದ್ ಈ ವಿದರ್ಭ ರಾಜ್ಯೊಗು ಪೋಲ ಪನ್ಪುನ ಮಾರ್ಗದರ್ಶನ ಕೊರ್ಪೆ. ಆಂಡ ದಮಯಂತಿ ವಿದರ್ಭ ರಾಜ್ಯೊಗು ಪೋಯೆರೆ ಒಪ್ಪುಜಲ್.
ಒಂಜಿ ದಿನ ರಾತ್ರೆದ ಪೊರ್ತು ದಮಯಂತಿ ನಿದ್ರೆಡ್ ಉಪ್ಪುನಗ ನಳೆ ಆಲೆನ್ ಒರ್ತಿನೇ ಕಾಡ್ಡ್ ಬುಡ್ದ್ ಪಿದಡ್ದ್ ಪೋಪೆ. ನಿದ್ರೆರ್ದ್ ಎಚ್ಚರಿಗೆ ಆನಗ ನಳೆ ಕೈತಲ್ ಇಜ್ಜಂದೆ ಉಪ್ಪುನೆನ್ ತೂಯಿನ ದಮಯಂತಿ ನಿರಾಶೆಡ್ ಚೇದಿ ಪನ್ಪುನ ರಾಜ್ಯೊಗು ಪೋದ್ ಅಪುಲು ಉಪ್ಪುವಲ್. ನಳೆ ಒಂಟಿಯಾದ್ ಕಾಡ್ಡ್ ಸಂಚಾರ ಮಲ್ತೊಂದು ಪೋನಗ ಓವ್ವೋ ಒಂಜಿ ಸೊರ ಎಂಕ್ ರಕ್ಷಣೆ ಕೊರ್ ಪನ್ಪುನವು ಆಯನ ಕೆಬಿಕ್ಕ್ ಕೇನುಂಡು. ಆ ಸೊರ ಬತ್ತಿ ಸಾದಿಡೇನೆ ನಳೆ ಪೋಪೆ. ಆ ಸೊರ ಒಂಜಿ ಸರ್ಪದವು ಆದ್ ಇತ್ತ್ಂಡ್.. ಆ ಸರ್ಪ ಯಾನ್ ಸರ್ಪರಾಜೆ ಆಯಿನ ಕಾರ್ಕೋಟಕೆ ಎನನ್ ಈ ಕಾಡ್ದ ತೂರ್ದ್ ಕಾಪುಲ ಪಂದ್ ನೀನಡ ನಟ್ಟೊನುವೆ. ಪಂದ್ ಪಂಡ್ಂಡ್. ನಳಕ್ಕ್ ಪಾಪ ಪಂದ್ ತೋಜಿಂಡ್. ಕಾರ್ಕೋಟಕನ್ ರಕ್ಷಣೆ ಮಲ್ಪುವೆ. ಕೂಡ್ಲೆ ಆ ಸರ್ಪ ಕಾರ್ಕೋಟಕೆ ನಳಕ್ಕ್ ತುಚ್ಚುವೆ. ಕಾರ್ಕೋಟದ ವಿಷತ್ತ ಪರಿಣಾಮೊರ್ದು ನಳನ ರೂಪ ವಿರೂಪ ಆಪುಂಡು. ಅಪಗ ಸರ್ಪ ಪನ್ಪುಂಡು ಈ ರೂಪ ನಿನ್ನನ್ ಈ ನಿನ್ನ ಶತ್ರುಲೆರ್ದ್ ರಕ್ಷಣೆ ಮಲ್ತೊನಿಯೆರೆ ಆದ್ ಪಂದ್ ಪನ್ಪುಂಡು. ಕೆಲವು ವಸ್ತ್ರಲೊನ್ ಕೊರ್ದ್ ಉಂದೆನ್ ಪಾಡೊಂಡನ ನಿಕ್ಕ್ ನಿನ್ನ ನಿಜ ರೂಪ ಬರ್ಪುಂಡು ಪಂಡ್ದ್ ಅಲ್ಪರ್ದ್ ಮಾಯಾ ಆಪುಂಡು.
ನಳೆ ಬೇತೆ ಒಂಜಿ ರಾಜ್ಯೊಗು ಪೋಯೆರೆ ತಯಾರ್ ಆಪೆ. ನಿದ್ರೆರ್ದ್ ಎಚ್ಚರಿಗೆ ಆಯಿನ ದಮಯಂತಿಗ್ ನಳೆ ಬರೆದ್ ದೀನ ಕಾಗಜಿ ಒಂಜಿ ತಿಕ್ಕುಂಡು. ಆ ಕಾಕಜಿಡ್ ನಳೆ ಆಲೆಗ್ ಈ ನಿನ್ನ ಅಪ್ಪೆ ಇಲ್ಲಗ್ ಪೊ ಪಂಡ್ದ್ ಬರೆದ್ ಉಪ್ಪುವೆ. ದಮಯಂತಿ ದಟ್ಟ ಕಾಡ್ದ ನಡುಟ್ಟೆ ನಡತೊಂದು ಪೋವೊಂದು ಉಪ್ಪುವಲ್. ಅಪಗ ಒರಿ ರಕ್ಕಸೆ ದಮಯಂತಿಗ್ ಎದುರಾದ್ ಯಾನ್ ನಿನನ್ ತಿಂದ್ದ್ ಬುಡ್ಪೆ ಪಂಡ್ದ್ ಪೋಡಿಪಾವೆ. ಆಂಡ ದಮಯಂತಿ ಆಯನ ಪೋಡಿಪಾಟೊಗು ಪೋಡಿಯಂದೆ ಧೈರ್ಯೊಡು ಉಪ್ಪುವಲ್ ಆಲೆನ ಧೈರ್ಯೊಗು ಮೆಚ್ಚಿನ ರಕ್ಕಸೆ ತನ್ನ ನಿಜರೂಪೊಡು ದಮಯಂತಿಗ್ ತೋಜಿದ್ ಬರ್ಪೆ. ಆಯೆ ಒರಿ ದೇವತೆ ಆದ್ ಇತ್ತ್ದ್ ಪದ್ರಾಡ್ ವರ್ಸೊರ್ದು ಬೊಕ್ಕ ದಮಯಂತಿ ಈ ನಿನ್ನ ಕಂಡನಿನ ಒಟ್ಟುಗು ಸೇರುನ ಸಮಯ ಕೂಡ್ದ್ ಬರ್ಪುಂಡು ಪಂಡ್ದ್ ಪನ್ಪೆ. ಒಂತೆ ವರ್ಸೊರ್ದು ಬೊಕ್ಕ ದಮಯಂತಿನ್ ನಾಡೊಂದು ಬತ್ತ್ನ ಆಲೆನ ಅಮ್ಮೆ ಆಲೆನ್ ಆಯನ ಇಲ್ಲಗ್ ಲೆತೊಂದು ಪೋಪೆ. ನಳನ್ ನಾಡುವೆರ್. ಆಂಡ ನಳೆ ತಿಕ್ಕುಜೆ. ದಮಯಂತಿ ನಳೆ ಪಿರ ಇಡೆಗ್ ಬರೊಡುಂದು ಆಂಡ ದಾದ ಮಲ್ಪುನೆ ಪಂಡ್ದ್ ಆಲೋಚನೆ ಮಲ್ತೊಂದು ಉಪ್ಪುವಲ್. ಅಯಿರ್ದ್ ಬೊಕ್ಕ ಆಲ್ ದಮಯಂತಿಗ್ ರಡ್ಡನೆತ ಸ್ವಯಂವರ ಉಂಡುಗೆ ಪಂಡ್ದ್ ಊರೊರ್ಮೆ ಸುದ್ದಿ ಮುಟ್ಟವಲ್. ಸ್ವಯಂವರೊಗು ನಳನ ಅರಸು,ಗುರು ಮಾತ ಪೋಪೆರ್. ನಳೆ ತನ್ನ ಗುರುನ ಒಟ್ಟುಗು ಸ್ವಯಂವರೊಗು ಬತ್ತ್ದ್ ಉಪ್ಪುವೆ. ದಮಯಂತಿ ನಳನ್ ನಾಡ್ದ್ ಪತ್ತುವಲ್. ನಳೆಲಾ ಸರ್ಪ ಕೊರ್ನ ವಸ್ತ್ರೊನು ಪಾಡೊಂದು ತನ್ನ ನಿಜ ರೂಪೊಗು ಬರ್ಪೆ. ಕಾಡ್ಡ್ ಅಲೆನ್ ಒರ್ತಿನೇ ಬುಡುದು ಪೋಯಿನೈಕ್ ದಮಯಂತಿ ನಳನ್ ಕ್ಷಮಿಪುವಲ್.
This article uses material from the Wikipedia ತುಳು article ದಮಯಂತಿ, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). ಪ್ರತ್ಯೇಕವಾದ್ ಉಲ್ಲೇಕ ಮಲ್ಪಂದೆ ಇತ್ತ್ಂಡ, ವಿಸಯ "CC BY-SA 4.0" ದ ಅಡಿಟ್ ಲಬ್ಯ ಉಂಡು. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki ತುಳು (DUHOCTRUNGQUOC.VN) is an independent company and has no affiliation with Wiki Foundation.