ದೇವನೂರು ಮಹಾದೇವ ಮೇರ್ ಕನ್ನಡದ ಸಾಹಿತಿ.
ದೇವನೂರು ಮಹಾದೇವೆರ್ ಪುಟ್ಟ್ ನೆ 1948ಟ್ ಮೈಸೂರು ಜಿಲ್ಲೆದ ನಂಜನಗೂಡು ತಾಲ್ಲೂಕುದ ದೇವನೂರುಡು. ದೇವನೂರು, ನಂಜನಗೂಡು ಬೊಕ್ಕ ಮೈಸೂರುಡು ವಿದ್ಯಾಭ್ಯಾಸ ಮಲ್ತೆರ್. ಮೈಸೂರು ಮಹಾರಾಜ ಕಾಲೇಜಿಡ್ ರ್ದ್ ಬಿ.ಎ. ಪದವಿ ಪಡೆಯಿನ ಮೇರ್, ಮೈಸೂರು ವಿಶ್ವವಿದ್ಯಾಲಯರ್ದ್ ಎಂ.ಎ. ಪದವಿನ್ ಪಡೆಯೊಂಡೆರ್. ಕೆಲವು ಕಾಲ ಮೈಸೂರುದ ಸಿ.ಐ.ಐ.ಎಲ್.ಡ್ ಬೇಲೆ ಬೆಂದಿನ ಮಹಾದೇವೆರ್ ಅಲ್ಪದ ಬೇಲೆಗ್ ರಾಜೀನಾಮೆ ಕೊರ್ ದ್ ವ್ಯವಸಾಯೊಡು ತನನ್ ತಾನ್ ತೊಡಗಾವೊಂಡೆರ್. ಮೇರ್ ‘ಒಡಲಾಳ' ಪನ್ಪಿ ಬೂಕುನು ಕಲ್ಕತ್ತಾದ ಭಾರತೀಯ ಪರಿಷತ್ 1984ರ ಉತ್ತಮ ಸೃಜನಶೀಲ ಕೃತಿ ಪಂಡ್ದ್ ಗೌರವಿಸಾಂಡ್. 1991ಡು ಇಂಬೆರ್ ಬರೆಯಿನ ‘ಕುಸುಮಬಾಲೆ’ ಪನ್ಪಿ ಕೃತಿಕ್ಕ್ ಕೇಂದ್ರ ಸಾಹಿತ್ಯ ಅಕಾಡಮಿ ಪ್ರಶಸ್ತಿ ಕೊರ್ಂಡ್. ಕರ್ನಾಟಕೊದ ರಾಜ್ಯೋತ್ಸವ ಪ್ರಶಸ್ತಿನ್ ಪಡೆಯಿನ ದೇವನೂರ ಮಹಾದೇವೆರ್ 1989ರಲ್ಲಿ ಅಮೇರಿಕೊಡು ನಡತಿನ ‘ಇಂಟರ್ನ್ಯಾಶನಲ್ ರೈಟಿಂಗ್ ಪ್ರೋಗ್ರಾಂ’ಡು ಭಾಗವಹಿಸಾದ್ ಇತ್ತೆರ್. ೨೦೧೧ಟ್ ದೇವನೂರು ಮಹಾದೇವೆರೆಗ್ ಪದ್ಮಶ್ರೀ ಪ್ರಶಸ್ತಿ ತಿಕ್ಕ್ಂಡ್. ಮೇರೆನ ಕೃತಿಕುಲು ‘ದ್ಯಾವನೂರು’, ‘ಒಡಲಾಳ’ ಬೊಕ್ಕ ‘ಕುಸುಮಬಾಲೆ’.
ದೇವನೂರು ಮಹಾದೇವ ಮೇರ್ ಮೈಸೂರು ಜಿಲ್ಲೆದ ನಂಜನಗೂಡು ತಾಲೂಕುದ ದೇವನೂರುದಾರ್. ಪುಟ್ಟ್ ನೆ ೧೦ ಜೂನ್ ೧೯೪೮ಟ್ ಅಮ್ಮೆರ್ ಸಿ.ನಂಜಯ್ಯ (ಪೋಲಿಸ್ ಕಾನ್ಸ್ ಟೇಬಲ್), ಅಪ್ಪೆ ನಂಜಮ್ಮ. ನಂಜನಗೂಡು, ಹುಣಸೂರು ಬೊಕ್ಕ ಮೈಸೂರುಡು ವಿದ್ಯಾಭ್ಯಾಸ ಪೂರೈಸ್ನ ಮೇರ್ ಮೈಸೂರುದ ಭಾರತೀಯ ಭಾಷಾ ಸಂಸ್ಥೆಡ್ ಕೆಲವು ಸಮಯ ಅಧ್ಯಾಪಕೆರಾದ್ ಸೇವೆ ಮಲ್ತೆರ್, ಆಯಿರ್ದ್ ಬೊಕ್ಕ ವ್ಯವಸಾಯೊಗು ಪೋಯಿನ ಮಹಾದೇವೆರ್ ಮೈಸೂರುಡು ನೆಲೆ ಉಂತ್ಯೆರ್. ಬುಡೆದಿ ಕೆ.ಸುಮಿತ್ರಬಾಯಿ, ರಡ್ಡ್ ಜೋಕುಲು-ಉಜ್ವಲ ಬೊಕ್ಕ ಮಿತಾ. ಫೋರ್ಡ್ ಫೌಂಡೇಶನ್ ಕೊರ್ಪುನ ಸಂಶೋಧನೆದವೇತನನ್, ಮೈಸೂರುದ ಕರ್ನಾಟಕ ಮುಕ್ತ ವಿಶ್ವವಿದ್ಯಾಲಯದ ಗೌರವ ಡಾಕ್ಟರೇಟ್ ಪದವಿನ್, ಹಾಸನೊಡು ನಡತ್ನ ಕನ್ನಡ ಸಾಹಿತ್ಯ ಸಮ್ಮೇಳೊನದ ಗುರಿಕಾರೆರೆ ಪದವಿನ್, [೨] .
[ಕುಸುಮಬಾಲೆ] ಮೇರ್ ಬರೆಯಿನ ಕಾದಂಬರಿ. ಸ್ಥಳೀಯ ಭಾಷೆಡ್ ಬರೆಯಿನ ೭೫ ಪುಟೊತ್ತ ಈ ಬೂಕುನು “ಕನ್ನಡೊಗು ಭಾಷಾಂತರಿಸವೊಡು” ಪಂಡ್ದ್, ನನೊರಿ ಸಾಹಿತಿ ಚಂದ್ರಶೇಖರ ಪಾಟೀಲೆರ್ ಹಾಸ್ಯ ಮಲ್ತ್ ದ್ ಇತ್ತೆರ್. ಅತ್ ಮಟ್ಟ್ ಗ್ ಮೈಸೂರುದ ಹಳ್ಳಿ ನುಡಿಗಟ್ಟ್ ಲ್ ಈ ಬೂಕುಡು ಉಂಡು.
ದೇವನೂರು ಮಹಾದೇವೆರ್ `ಕರ್ನಾಟಕ ದಲಿತ ಸಂಘರ್ಷ ಸಮಿತಿ'ದ ಸ್ಥಾಪಕೆರೆಡ್ ಒರಿ. ಮೇರ್ ಇತ್ತೆ `ಕರ್ನಾಟಕ ಸರ್ವೋದಯ ಪಕ್ಷ'ದ ಅಧ್ಯಕ್ಷೆರಾದ್ ಉಲ್ಲೆರ್.
ಕೆಂಡಸಂಪಿಗೆ ಅಂತರ್ಜಾಲ ತಾನೊಡು ಉಪ್ಪುನ ದೇವನೂರು ಮಹಾದೇವ ಅರೆನ ಪುಟೊ ವರ್ಗೊಲು (++): Pages using div col with unknown parametersArticles with unsourced statementsಸಾಹಿತಿನಕುಲು (−) (±) (↓) (↑)ಪತ್ರಕರ್ತೆರ್ (−) (±) (↓) (↑)೧೯೪೯ ಪುಟ್ಟು (−) (±) (↓) (↑)ಪದ್ಮಶ್ರೀ ಪ್ರಶಸ್ತಿ ಪುರಸ್ಕೃತರು (−) (±) (↓) (↑)ಕೇಂದ್ರ ಸಾಹಿತ್ಯ ಅಕಾಡೆಮಿ ಪ್ರಶಸ್ತಿ ಪುರಸ್ಕೃತರು (−) (±) (↓) (↑)ರಾಜ್ಯೋತ್ಸವ ಪ್ರಶಸ್ತಿ ಪುರಸ್ಕೃತರು (−) (±) (↓) (↑)ಲೇಖಕರು (−) (±) (↓) (↑)ಕನ್ನಡ ಸಾಹಿತಿಗಳು (−) (±) (↓) (↑)(+)
This article uses material from the Wikipedia ತುಳು article ದೇವನೂರು ಮಹಾದೇವ, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). ಪ್ರತ್ಯೇಕವಾದ್ ಉಲ್ಲೇಕ ಮಲ್ಪಂದೆ ಇತ್ತ್ಂಡ, ವಿಸಯ "CC BY-SA 4.0" ದ ಅಡಿಟ್ ಲಬ್ಯ ಉಂಡು. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki ತುಳು (DUHOCTRUNGQUOC.VN) is an independent company and has no affiliation with Wiki Foundation.