போலி மதச்சார்பின்மை
இந்தியாவில், போலி மதச்சார்பின்மை (Pseudo-secularism) என்ற சொல் இந்து எதிர்ப்பு மற்றும் சிறுபான்மையினரை திருப்திப்படுத்துவதாகக் கருதப்படும் கொள்கைகளை குறிக்கிறது.
இந்தியாவில் இந்துக்கள் பெரும்பான்மை மத சமூகமாக உள்ளனர். "போலி மதச்சார்பின்மை" என்ற சொல் மதச்சார்பற்றவர்கள் என்று கூறுபவர்கள் உண்மையில் அப்படி இல்லாமல், இந்துக்களுக்கு எதிரானவர்கள் அல்லது சிறுபான்மையினருக்கு ஆதரவானவர்கள் என்பதை குறிக்கிறது. பொதுவாக, தமிழக அரசியலில், இந்துமத எதிர்ப்பு கொள்கையை கொண்ட இந்திய தேசிய காங்கிரசு, இந்தியப் பொதுவுடமை கட்சி மற்றும் திமுகவை குற்றம் சாட்ட இது பயன்படுகிறது.
பின்னணி
"போலி-மதச்சார்பின்மை" என்ற வார்த்தையின் முதல் பதிவு 1951ஆம் ஆண்டு அந்தோணி எலெஞ்சிமிட்டம் எழுதிய ஹிந்த் ஸ்வராஜுக்கான ஆர்எஸ்எஸ் தத்துவம் மற்றும் செயல் புத்தகத்தில் இருந்தது. இந்திய தேசிய காங்கிரஸின் தலைவர்கள் மதச்சார்பின்மையை நிலைநிறுத்துவதாக பாசாங்கு செய்வதாக எலெஞ்சிமிட்டம் தனது புத்தகத்தில் குற்றம் சாட்டினார்.
தமிழ்நாட்டை மையமாகக் கொண்ட தன்னை நாத்திகம் சார்ந்த கட்சி என்று கூறிக்கொள்ளும் திராவிட முன்னேற்றக் கழகம் பல்வேறு பிரச்சனைகளில் முஸ்லீம்கள் மற்றும் கிறிஸ்தவர்களுக்கு ஆதரவாக நிலைப்பாடுகள் காரணமாக அடிக்கடி போலி மதச்சார்பின்மை என்று குற்றம் சாட்டப்படுகிறது.
2020-ல் ஒரு முறை, ஒரு கிறிஸ்தவ மிஷனரி நிகழ்வில், கட்சியின் தலைவர் மு.க.ஸ்டாலின் இந்து மதம் என்ற ஒன்று இல்லை என்று கூறியுள்ளார். கட்சியின் கருத்தியல் தலைவர் ஈ.வி.ராமசாமி 1948-ல், "கிறிஸ்தவமும் இஸ்லாமும் தங்கள் கடவுளை ஒரு நல்லொழுக்கமாக சித்தரிக்கின்றன, இவை நமக்குத் தேவையான கடவுள்கள்" என்று எழுதி உள்ளார். தமிழ்நாட்டின் ஐந்து முறை முதலமைச்சர் மு. கருணாநிதி உட்பட கட்சியின் பெரும்பாலான தலைவர்கள் இந்து கடவுள்கள், நம்பிக்கை மற்றும் பாரம்பரியத்தை பற்றி இழிவாக பேசியுள்ளனர். இவை அனைத்தும் போலி மதச்சார்பின்மை என பாஜக மற்றும் அதிமுக போன்ற எதிர்க்கட்சிகளால் விமர்சிக்கப்படுகின்றன.
எடுத்துக்காட்டுகள்
சிவில் மற்றும் கல்வி நிறுவனங்களில் மதம் சார்ந்த இட ஒதுக்கீடுகளும் போலி மதச்சார்பின்மைக்கு சான்றாகக் கருதப்படுகின்றன. 1998ஆம் ஆண்டில், ராஷ்டிரிய சுயம்சேவாக் சங்கம், 370வது பிரிவு, ராமர் கோவில் மற்றும் இந்தியாவின் சீரான குடிமையில் சட்டப் பிரச்சினைகளில் சமரசத்திற்காக போலி மதச்சார்பற்ற கட்சிகளுடன் இணைந்து அரசியல் செய்வதாக பாரதிய ஜனதா கட்சியின் மீது குற்றம் சாட்டியது.
வெளி இணைப்புகள்
மேற்கோள்கள்
This article uses material from the Wikipedia தமிழ் article போலி மதச்சார்பின்மை, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). வேறுவகையாகக் குறிப்பிடப்பட்டிருந்தாலன்றி இவ்வுள்ளடக்கம் CC BY-SA 4.0 இல் கீழ் கிடைக்கும். Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki தமிழ் (DUHOCTRUNGQUOC.VN) is an independent company and has no affiliation with Wiki Foundation.