Modulasi Pita Sisi Ganda

Lamun konstanta proporsionalitasna 1 antukna m(t) = A(t) mangka dihasilkeun sinyal modulasi:

X_DSB (t) = ${\displaystyle m(t)cos\omega _{c}t}$.

Persamaan di luhur nunjukkeun yén modulasi DSB mangrupa kakalian antara sinyal informasi m(t) jeung gelombang pamawa ${\displaystyle cos\omega _{c}t}$.

Ku cara nerapkeun transformasi Fourier kana persamaan kasebut, dihasilkeun spéktrum sinyal modulasi DSB saperti kieu:

X_DSB${\displaystyle (\omega )={\frac {1}{2}}M(\omega -\omega _{c})+{\frac {1}{2}}M(\omega +\omega _{c})}$

Prosés modulasi DSB digambarkeun kawas kieu:

Wujud doméin frékuénsi m(t) jeung x_DSB(t) hasil tina transformasi Fourier, lamun dianggap ${\displaystyle M(\omega )}$  boga rubakpita (bandwidth) ${\displaystyle \omega _{M}}$ , saperti kieu:

 .

Spéktrum ${\displaystyle M(\omega -\omega _{c})}$  jeung ${\displaystyle M(\omega +\omega _{c})}$  anu mangrupa spéktrum informasi masing-masing ditranslasikeun (digésér) ka ${\displaystyle \omega =\omega _{c}}$  jeung ${\displaystyle \omega =-\omega _{c}}$ 

Bagian tina spéktrum informasi anu perenahna saluhureun ${\displaystyle \omega _{c}}$  disebut pita sisi luhur (upper sideband), sarta bagian spéktrum informasi nu perenahna di handapeun ${\displaystyle \omega _{c}}$  disebut pita sisi handap (lower sideband). Wilayah spéktrum anu ditempatan ku sinyal informasi disebut pita dasar (baseband), antukna sinyal informasi mindeng disebut sinyal baseband. Saperti katempo dina gambar di luhur, spéktrum x_DSB(t) henteu mibanda amplitudo gelombang pamawa. Mangkana wanda modulasi ieu disebut modulasi DSB nu pamawana ditindes atawa modulasi double-sideband suppressed-carrier (DSB-SC). Frékuénsi gelombang pamawa ${\displaystyle \omega _{c}}$  biasana leuwih luhur batan bandwidth ${\displaystyle \omega _{M}}$  sinyal informasi m(t); nyaéta ${\displaystyle \omega _{c}>>\omega _{M}}$ .

Nimukeun deui sinyal informasi ti sinyal modulasi disebut demodulasi atawa detéksi. Sinyal informasi m(t) bisa katimu deui tina sinyal x_DSB(t) ku cara ngalikeun x_DSB(t) jeung gelombang pamawa lokal (local carrier) sarta ngaliwatkeun sinyal nu dihasilkeun kana Low-pass filter (LPF) saperti ditémbongkeun dina gambar di handap ieu:

Kasulitan utama nu patali jeung modulasi DSB nyaéta pikeun demodulasi diperlukeun panarima (receiver) anu bisa ngabangkitkeun local carrier anu sarua (sinkron) fase jeung frékuénsina jeung gelombang pamawa nu datang. Wanda demodulasi ieu disebut synchronous demodulation atawa detéksi kohéren.

• Modulasi amplitudo

1. Hsu, Hwei P., Schaum's Outline of Théory and Problems of Analog and Digital Communications, McGraw Hill, 1993