Gending karesmén nyaéta pagelaran drama anu dialog-dialogna ditembangkeun atawa dikawihkeun, dibarengan gerak ibing, dipirig ku tatabeuhana.
Anu dimaksud tatabeuhana téh nyaéta pirigan gamelan (karawitan) anu diluyukeun jeung pangabutuh téks carita anu dipidangkeun.
Nurutkeun M. Atje Salmun (M.A. Salmun), nu mimiti maké istilah gending karesmén téh nyaéta R. Machyar Angga Kusumadinata dina Kongrés Basa Sunda ka-2 taun 1927 anu dilaksanakeun di Societeit Ons Genoegen (kiwari Yayasan Pusat Kebudayaan) (YPK) Bandung. Dina kamekaran kiwari, teu saeutik gending karesmén anu geus direkam tiasa disimpen waé kana kasét, upamana waé ”Gending Karesmén Lutung Kasarung” beunang Sayudi. Upama rék mintonkeun éta gending karesmén, kasét téh kari diputer, tuluy baé dipagelarkeun. Tangtu baé dina pintonan anu ngan ukur nunutur sora kasét mah, palakuna teu kudu ngapalkeun dialog anu ditembangkeun atawa dikawihkeun téa. Paling-paling pepeta, némbongkeun ékspresi beungeut, jeung bloking (pundah-pindah tempat, jeung sajabana).
Artikel ngeunaan Sunda ieu mangrupa taratas, perlu disampurnakeun. Upami sadérék uninga langkung paos perkawis ieu, dihaturan kanggo ngalengkepan. |
This article uses material from the Wikipedia Basa Sunda article Gending karesmén, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Eusi nu nyangkaruk ditangtayungan ku CC BY-SA 4.0 iwal lamun disebutkeun béda. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Basa Sunda (DUHOCTRUNGQUOC.VN) is an independent company and has no affiliation with Wiki Foundation.