Frékuénsi

Pikeun kagunaan séjén, tempo Frékuénsi (disambiguasi).

Frékuénsi ogé didefinisikeun minangka laju parobahan fase gelombang sinusoidal.

Keur ngitung frékuénsi sahiji kajadian, itung heula jumlah lumangsungna kajadian salila interval waktu nu ditangtukeun, terus bagi ku lilana interval waktu.

Dina sistem Internasional (SI), hasil pangukuran kasebut dinyatakeun dina unit hertz (Hz), ngaran anu dicokot tina ngaran ahli fisika Jerman Heinrich Rudolf Hertz. 1 Hz boga harti yén sahiji kajadian lumangsung sakali per detik, 2 Hz hartina lumangsung 2 kali per detik. Unit ieu asalna dingaranan puteran per detik, anu kadang-kadang masih digunakeun. Unit-unit lain anu digunakeun pikeun ngukur frékuénsi di antarana révolusi per menit (rpm) jeung radian per detik (rad/det). Laju detak jantung jeung tempo musik diukur maké unit beats (ketukan) per menit (BPM).

Métoda lain pikeun ngitung frékuénsi nyaéta ku cara ngukur waktu antara dua kajadian anu lumangsungna padeukeut (disebut periode) sarta ngitung frékuénsi f sabagé kabalikan tina periode:

${\displaystyle f={\frac {1}{T}}}$ 

di mana T nyaéta periode. Pangukuran anu leuwih taliti merlukeun siklus kajadian anu loba sarta ngitung rata-rata periodena.

Frékuénsi boga hubungan anu tibalik jeung konsép panjang gelombang. Frékuénsi f sarua jeung laju gelombang vdibagi ku panjang gelombang λ (lambda) tina éta gelombang:

${\displaystyle f={\frac {v}{\lambda }}}$ 

Dina kasus husus, gelombang éléktromagnétik anu ngarambat ngaliwatan sahiji rohangan kosong, mangka v = c, di mana c mangrupa laju cahaya di rohangan hampa, sarta rumusna jadi:

${\displaystyle f={\frac {c}{\lambda }}}$ 

Mangsa gelombang ngarambat ti hiji midiyeum ka midiyeum lianna, frékuénsina tetep sarua — ngan panjang gelombang jeung laju anu robah.

Salian ku efek Doppler, frekuensi henteu bisa dirobah ku prosés fisis naon bae. Hal ieu beda jeung laju rambatan sarta panjang gelombang anu bisa dirorobah.

• Frékuénsi négatif
• Konvérter frékuénsi

• (en) Conversion: frequency to wavelength and back Archived 2012-03-11 di Wayback Machine
• (en) Conversion: period, cycle duration, periodic time to frequency
• (en) 50Hz, 60Hz and 400Hz Frequency Converter Manufacturer Archived 2020-02-21 di Wayback Machine
• (en) Keyboard frequencies = naming of notes - The English and American system versus the German system