Siti Khodijah binti Khuwailid
Bagian tina serial Islam Ummahatul Mu'minin Garwa-garwa Nabi Muhammad |
---|
Zaénab binti Khuzaémah Hindun binti Abi Umayyah Zaénab binti Jahsy Juwaériyah binti al-Harits Romlah binti Abu Sufyan Shofiyah binti Huyay Maémunah binti al-Harits Maria binti Syama’un |
Aisyah binti Abu Bakar atanapi Siti Aisyah (bahasa Arab: عائشة, transliterasi: `ā'isha, Turki Ayşe, Turki Utsmani Âişe) (sekitar 613/614-678 Masehi) ngarupikeun garwa atanapi istri Nabi Islam Muhammad s.a.w.
Dina agama Islam, geus ilahar gelar "Indung jalma-jalma Mu'min" (Arab: أمّ المؤمنين ummul-mu'minīn), ngarupikeun para garwa Nabi Muhammad s.a.w. minangka "Indung jalma-jalma nu ariman" dina Al-Qur'an. anjeunna dicutat tina rupa-rupa sumber anu loba hadits, di mana kahirupan pribadi Nabi Muhammad s.s.w. jadi paguneman catur.
Siti ‘Aisyah atanapi 'Aisyah dina Basa Arab ngandung harti "Hirup jeung Séhat". Variasi ngarana ti ‘Aisyah di antarana 'Aisha, A'ishah, Ayesha, A'isha, Aishat, atau Aisya anu ngabogaan harti nu sarua.
‘Aisyah ngarupikeun putri dari Abu Bakar (khalifah pertama), tina pernikahan jeung isteri keduana nyaéta Ummi Ruman gaduh anak dua, Abd al Rahman dan Aisyah.
Numutkeun At-Tobari (ogé numutkeun riwayat Hisyam bin `Urwah, Ahmad bin Hanbal jeung Ibnu Sa'ad), Aisyah dilamar yuswa 7 taun jeung rumah tangga dina yuswa 9 taun, Siti Aisyah janten istri ketilu Nabi Muhammad s.a.w. saparantos Siti Khodijah jeung Saudah binti Zam'ah. Aya beda pamadegan nalika Nabi Muhammad s.a.w. nikah jeung Siti Aisyah? Sebagian gedé referensi (termasuk sohih Bukhori jeung sohih Muslim) ngajéntrékeun yén kajadian perkawinan téh dina umur 6 taun, jeung rumah tangga Nabi Muhammad s.a.w. mimiti umur 9 taun.
Sedengkeun numutkeun panalitian Ghulam Nabi Muslim Sahib, dumasar referensi tina Kitab Ikmal fi Asma’ al-Rijjal karangan al-Khatib al-Tibrizi di mana dina kitab kasebut, sahanteuna Siti Aisyah r.r. umur 19 taun nalika nikah..
Siti Aisyah mangrupa figur kontroversial saperti digambarkeun ku Syi'ah pakait jeung Khalifah Ali bin Abi Tholib dina Perang Jamal.
Sajarawan Sunni mandang Siti Aisyah salaku wanita anu pinter, buktina loba hadis anu ngaguar kahirupan Nabi Muhammad s.a.w., diperkirakeun saparapat Hukum Islam asalna tina riwayat Siti Aisyah r.a. Siti Aisyah r.a. mangrupa istri utami Nabi Muhammad s.a.w. anu bisa janten conto kaum wanita.
Anapon numutkeun sebagian riwayat Sunni, perang antara Kholifah Ali bin Abi Tholib r.a. jeung Siti 'Aisyah r.a. dina Perang Jamal mangrupa berita bohong, anu dihaja disebarkan kaum nu hiri dengki ka Islam. Siti Aisyah r.a. ménta penjelasan ka Kholifah Ali r.a. naha nu maténi Kholifah Utsman r.a. teu geuwat dihukum. Jawaban Kholifah Ali r.a. nyaéta alesanana rék ngendalikeun heula nu belapati ka Kholifah Utsman r.a., kakara sanggeus kondisi kondusif hukuman dijalankeun, karana lamun hukum dilaksanakeun gurunggusuh bisa nimbulkeun dendam nu euweuh tungtungna. Tapi peutingna, nu maténi Kholifah Utsman r.a. & gorombolan Ibnu Sauda (Abdulloh bin Saba) anu sieun di qishosh sabada babadamian, nyerang ka kelompok Kholifah Ali r.a. jeung kelompok anu ngajaga Siti Aisyah r.a. nalika keur istirohat peuting sahingga masing-masing ngarasa diserang.
Sajarawan Syi'ah yakin saéstuna Kholifah Ali r.a. anu berhak jadi kholifah mimiti, sedengkeun tilu kholifah sateu acana geus ngarampas kakholifahan. Siti Aisyah r.a. geus ngadukung Umar, Utsman r.a. jeung bapana Abu Bakar r.a., ogé nyieun pasukan tur merangan Kholifah Ali, minantu-téréna. Syi'ah negeskeun inyana salah nalika ngalawan Ali r.a..
Dugi ka kiwari Suni jeung Syi'ah pagétréng.
This article uses material from the Wikipedia Basa Sunda article Aisyah, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Eusi nu nyangkaruk ditangtayungan ku CC BY-SA 4.0 iwal lamun disebutkeun béda. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Basa Sunda (DUHOCTRUNGQUOC.VN) is an independent company and has no affiliation with Wiki Foundation.