Silva Gunbardhi: Këngëtare shqiptare
Silva Gunbardhi njihet si një këngëtare e disa rrymave muzikore dhe fituese e disa çmimeve.
Ajo mban rekordin e këngës më të klikuar në YouTube, në një kanal muzikor shqiptar, këngës “Të ka lali shpirt”.
Silva Gunbardhi | |
|---|---|
| Gjithashtu njohur si | Silva[nevojitet citimi] |
| Lindi | 2 nëntor 1981 Vlorë, Shqipëri |
| Origjina |  Shqipëri |
| Zhanret | Pop, folk |
| Profesioni | Këngëtare, muzikante, kompozitore, tekstshkruese |
| Labeli | ArkivaShqip |
Sinopsi
Silva Gunbardhi lindi në Vlorë dhe atje kaloi fëmijërinë. Pasioni për këndimin kishte nisur herët, por për publikun u prezantua në vitin 2001. Pjesëmarrja në Festivalin e Këngës në RTSH, në duetin me Kozma Dushin e bëri fillimisht të njohur. Sot vazhdon të sjellë këngë të reja, vetëm ose në bashkëpunim dhe kënga e saj më e njohur është “Të ka lali shpirt”.
Silva është e martuar me reperin Dafi Derti dhe janë prindër të një djali të quajtur Dalvi, i ardhur në jetë me 04/07/2015.
Fëmijëria dhe studimet
Silva lindi në Vlorë ku kaloi edhe fëmijërinë e saj në lagjen “Partizani”. Pasioni për muzikën ka lindur bashkë me të dhe ka kënduar që kur ishte në kopsht. Për herë të parë u ngjit në skenë tek festivali i fëmijëve me këngën “Dy motrat”.
Në të dyja herët që ka marrë pjesë në festivalet e fëmijëve ka dalë me çmime. Në të parin me çmimin e tretë dhe në të dytin me çmimin e dytë.
Ajo ka përfunduar dy universitete. Fillimisht studioi për mësuesi dhe më pas për drejtësi. Kur jetonte ende në Vlorë punoi në Teatrin “Petro Marko”, më pas u shpërngul në Tiranë për të vazhduar karrierën në muzikë.
Karriera muzikore
Dalja e parë përpara publikut të gjerë ishte në festival me këngën “Grise natën”, në duet me Aurel Thëllimin. Në Festivalin e Këngës në RTSH, në vitin 2001, këndoi në duet me Kozma Dushin me këngën “Gënje por thuaj të dua”. Silva numëron disa videoklipe, ku i pari klip ishte “Plaku-Plaka”.
Silva këndon Pop dhe Folk e midis tyre nuk veçon asnjërën, megjithëse karrierën e nisi me muzikën Pop.
Ajo njihet edhe si tekstshkruese dhe i pari që shkroi ishte “I ndjej fjalët e hënës”, muzikën e të cilit e kompozoi po vetë dhe me të mori pjesë në festivalin “Këngët e Stinës”. Ajo ka njohuri edhe në violinë.
Kompeticionet dhe çmimet
Në karrierën e saj, Silva, numëron shumë bashkëpunime muzikore, dy albume dhe disa çmime. Abumi i parë “Plaku plaka” doli në vitin 2004 dhe i dyti “Trak e Truk” në vitin 2006.
| Viti | Kompeticioni | Kenga | Çmimi |
|---|---|---|---|
| 2013 | Zhurma Show Awards | Të ka lali shpirt (feat. Mandi Nishtulla & Dafi Derti) | Best Song |
| 2013 | Zhurma Show Awards | Të ka lali shpirt (feat. Mandi Nishtulla & Dafi Derti) | Çmimi i Internetit |
| 2009 | Netët e Klipit shqiptar | Të ka lali shpirt (feat. Mandi Nishtulla & Dafi Derti) | Best Performace |
| 2009 | Kënga Magjike | Silva Gunbardhi feat. Kelly - Pyet zemrën | Best Interpretation |
| 2008 | Kënga Magjike | Silva Gunbardhi - Te doja shumë | Best Balade |
| 2005 | Poli Fest | Çmimi i Tretë | |
| 2003 | Maratona e Këngës Popullore | Çmimi i Dytë | |
| 2001 | Festivali i madh RTSH | Silva Gunbardhi & Kozma Dushi - Gënje! Por thuaj të dua | Çmimi i Tretë |
Pasionet, inspirimet dhe filantropia
Ajo ka pasion pikturën. Të bërit shopping dhe përse jo punët në bujqësi janë të tjera pasione të artistes.
Kohën e ka gjetur edhe për bamirësi. E ndjeshme ka qenë sidomos në rastin e fëmijëve me probleme shëndetësore. Ka dhuruar rroba, veshëmbathje dhe vlera monetare të konsiderueshme. Rasti më i fundit është ai i mbulimit të shpenzimeve për ndërhyrjen në sy të një djali 3-vjeçar.
Jeta personale
Silva është e martuar me reperin Dafi Derti. Ata u njohën dhe u martuan në vitin 2013, dhe prej vitit 2015 janë prindër të një djali të quajtur Dalvi.
Silva dhe Dafi kanë sjellë disa projekte muzikore me videoklipe së bashku.
Diskografia
Albumet
- 2006: Trake truke
- 2005: Plaku, Plaka
Kengët/Single
- 25 Tetor 2018: Kolazh dasme (feat Irini Qirjako)
- 22 Qershorë: Hajde Shqipe (feat Dafi)
- 11 Maj 2018: Fati
- 12 Janar 2018: Marak (feat Defri)
- 21 Korrik 2017: I Love You (feat. Dafi Derti)
- 17 Korrik 2017: Kolazh Dasme
- 2017: Digje Zemrën
- 2017: Lalushe (feat. Defri)
- 2016: Ding Dong
- 2016: Bebeğim (feat. Serkan Kaya & Dafi Derti)
- 2014: Lule bardhë
- 2014: Kunatat
- 2014: Tequila (feat. Dafi Derti)
- 2014: Uromë baba
- 2014: Unaza
- 2014: Dije se të dua (feat. Nik-T)
- 2013: Rritu vajzë
- 2013: Vdeksha unë për syrin tënd
- 2013: Lemza
- 2012: Nënë e bijë (feat. Paro)
- 2013: Të ka lali shpirt (feat. Mandi Nishtulla & Dafi Derti)
- 2012: Djemtë e Vlorës
- 2010: Trak e truk
- 2010: Plaku, plaka
- 2009: Pyet zemrën (feat. Kelly)
- 2008: Të doja shumë
- 2007: Je ti
- 2006: Dua të jem
- 2001: Gënje! Por thuaj të dua (& Kozma Dushi)
Lidhje të jashtme
Referime
This article uses material from the Wikipedia Shqip article Silva Gunbardhi, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Përmbajtja është në disponim nëpërmjet licencës CC BY-SA 4.0 nëse nuk shënohet ndryshe. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Shqip (DUHOCTRUNGQUOC.VN) is an independent company and has no affiliation with Wiki Foundation.