Shqiponja E Detit: Gjini e zogjve

Shqiponjat e detit ndryshojnë në madhësi, që nga shqiponja e detit të Salomoneve, mesatarisht 2 deri në 2.7 kilogram, deri te shqiponja detare e Paqësorit, që mund të peshojë 9 kilogram. Me peshë deri në 6.9 kg, shqiponja bishtbardhë është shqiponja më e madhe në Evropë. Shqiponjat kokëbardhë mund të peshojnë deri në 6.3 kilogram, duke i bërë ato shqiponja më e madhe vendase në Amerikën e Veriut. Ka të dhëna të jashtëzakonshme për individidë edhe më të rëndë te shqiponjat bishtbardhë dhe ato kokëbardhë, megjithëse asnjëri nuk e tejkalonë shqiponjën e detit të Salomoneve. Shqiponja e detit barkbardha mund të peshojë deri në 4.5 kilogram. Ato kanë, në përgjithësi, ngjyrë kafe, me një kokë, bisht, ose bark të bardhë. Disa nga llojet kanë një sqep krejt të verdhë kur rriten, gjë që është e pazakontë në mesin e shqiponjave.

Dieta e tyre përbëhet kryesisht nga peshq, zogj ujorë dhe gjitarë të vegjël. Foletë janë zakonisht shumë të mëdha dhe të pozicionuara në një pemë, por ndonjëherë në një shkëmb.

Bishti është tërësisht i bardhë në llojet e rritura të Haliaeetus, me përjashtim të shqiponjës së detit të Salomoneve, shqiponjës barkbardhë dhe shqiponjës së Pallasit. Ekzistojnë tre çifte: shqiponjat bishtbardhë me ato kokëbardhë, shqiponja e detit të Salomoneve dhe asaj barkbardhë dhe, shqiponjat e detit Afrikane me ata të Madagaskarit.

Dhjetë llojet ekzistuese janë:

Foto	Emri shkencor	Emri i zakonshëm	Shpërndarja
	Haliaeetus leucocephalus	Shqiponja kokëbardhë	Të gjitha Shtetet e Bashkuara kontinentale, Kanadaja dhe Meksika Veriore
	Haliaeetus leucogaster	Shqiponja barkbardhë	India dhe Sri Lanka deri në Azinë Juglindore dhe Australi
	Haliaeetus sanfordi	Shqiponja e detit të Salomoneve	Ishujt e Salomoneve
	Haliaeetus vocifer	Shqiponja Afrikane e detit	Afrika nën-Sahariane
	Haliaeetus vociferoides	Shqiponja e Madagaskarit	Madagaskari
	Haliaeetus leucoryphus	Shqiponja e detit të Pallasit	Azia Qendrore, midis Detit Kaspik dhe Detit të Verdhë, nga Kazakistani dhe Mongolia në Himalajet, Bangladeshi dhe India Veriore
	Haliaeetus albicilla	Shqiponja bishtbardhë	Grenlanda Perëndimore, pjesa më e madhe e Euroazisë deri në Jug në Kinën Juglindore dhe Japoni.
	Haliaeetus pelagicus	Shqiponja detare e Paqësorit	Azia bregdetare Verilindore
	Haliaeetus humilis	Shqiponja e vogël e detit	Kashmir përmes Indisë Juglindore, Nepalit dhe Birmanisë drejt Indokinës
	Haliaeetus ichthyaetus	Shqiponja kokëgri	Azia Juglindore