Petrit Llanaj

U nda nga jeta në Tiranë, më 3 nëntor të vitit 2000. Ai kreu studimet universitare në Akademinë e Arteve, për Dramaturgji. Llanaj, i cili është autori i shumë filmave mund të konsiderohet si gjeniu i filmit artistik shqiptar. Famën e arriti me filmat e tij të suksesshëm si; “Njësiti gueril”, ku interpretoi rolin kryesor, ”Dëshmorët e monumenteve”, ”Fijet që priten”, ”Ngadhënjim mbi vdekjen”, ”Ndërgjegjja” e shumë filma të tjerë të njohur. Për herë të parë ka dalë në skenë me dramën “Zbutësi i kryeneçes”, me të cilin ka mbrojtur diplomën shkëlqyeshëm, ku kishte edhe rolin kryesor. Gjatë karrierës së tij ka bashkëpunuar me aktorë të mëdhenj shqiptar si; Timo Flloko, Demir Hyskja, Vera Grabocka, Sandër Prosi, etj. Karrierën e ka zhvilluar, jo vetëm në Shqipëri, por edhe jashtë, sidomos në Itali e Amerikë, ku ka punuar me regjisorë të huaj. Nga viti ‘80 e deri sa doli në pension ka punuar si regjisor në Kinostudio. Është regjisor i dokumentarit “Troku” etj. Llanaj është asistent-regjisor te filmi “Mysafiri”, etj.

• Tre vetë kapërcejnë malin - (1987)
• Dritat e qytezës - (1983)
• Gjurmë në dëborë - (1984)
• Dëshmorët e monumenteve - (1980)...Vangjua
• Një udhëtim i vështirë - (1977)
• Fije që priten - (1976)...Petriti
• Ndërgjegja - (1972)...Sekretari i Organizatës
• Njësiti guerril - (1969)...Agroni
• Horizonte të hapura - (1968)
• Ngadhënjim mbi vdekjen - (1967)

• Përsëri pranverë - (1987)
• Kur ndahesh nga shokët - (1986)
• Një udhëtim i vështirë - (1977)