Humanistika (humaniora) ose shkenca humane është një lëndë shkencore e cila merret me studimin e njeriut si qenie kulturore.
Humanistika ose shkenca humane studion aspektet filozofike, biologjike, sociale dhe kulturore të jetës njerëzore. Kjo fushë studimore synon të zgjerojë të kuptuarit tonë mbi botën njerëzore përmes një qasjeje të gjerë ndërdisiplinore. Ajo përfshin një gamë të gjerë fushash duke përfshirë historinë, filozofinë, gjenetikën, sociologjinë, psikologjinë, biologjinë evolucionare, biokimininë, neuroshkencat, folkloristikën dhe antropologjinë. Ajo është studimi dhe interpretimi i përvojave, veprimtarive, ndërtimeve dhe objekteve të lidhura me qeniet njerëzore. Studimet e shkencës humane përpiqen të zgjerojnë dhe ndriçojnë njohuritë e qenies njerëzore për ekzistencën e tyre, ndërlidhjen e tij/saj me speciet dhe sistemet e tjera si dhe zhvillimin e objekteve për të përjetësuar shprehjen dhe mendimin njerëzor. Humaniora/humanistika është studimi i fenomeneve njerëzore, studim i përvojës njerëzore i cili përndryshe është natyror, historik dhe aktual. Ky studim kërkon vlerësimin dhe interpretimin e përvojës historike njerëzore dhe analizën e veprimtarisë aktuale njerëzore për të krijuar një kuptim të fenomeneve njerëzore dhe për të projektuar skicat e evolucionit njerëzor. Shkenca humane është kritika objektive, e informuar e ekzistencës njerëzore dhe se si ajo lidhet me realitetin.
This article uses material from the Wikipedia Shqip article Humaniora, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Përmbajtja është në disponim nëpërmjet licencës CC BY-SA 4.0 nëse nuk shënohet ndryshe. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Shqip (DUHOCTRUNGQUOC.VN) is an independent company and has no affiliation with Wiki Foundation.