Stampa:Kutia Shkrimtar
Christian Wilhelm Schenk u lind më 11 nëntor 1951 në Brashovë të Rumanisë. Është poet, eseist dhe përkthyes bilingv (rumanisht-gjermanisht). Christian W. Schenk është pseudonimi leltrar i Dr. Wilhelm Schenk. U rrit në lokalitetin minier Concordia (sot "Colonia 1 Mai") - Vulcan, pranë Brashovës ku ka qenë i edukuar në tre gjuhë (gjermanisht, hungarisht dhe rumanisht), i ati i tij duke qenë gjerman, ndërsa e ëma me origjinë austro-hungareze. Në mbarim të viteve 50-të bën përpjekjet e para letrare, ndërsa në vitin 1961 boton poezinë e parë në revistën Copii Luminii (Fëmijët e Dritës) në Bukuresht, nën përkujdesjen e mentorit të tij të parë letrar (deri më 1965), poeti i famshëm Tudor Arghezi (1880-1967). Mentori i tij i dytë (ndërmjet viteve 1964-1969), ka qenë poeti transilvanas Vasile Copilu-Cheatra (1921-1997), që në rendin e tij ishte nën ndikimin e Aron Cotruş (1891-1961).
Klasët e para i kreu në vendlindje (1958-1962), duke ndjekur Shkollën e përgjithshme në lokalitetin fqinj Vulcan rrethi i Brashëvës (1962-1966). Ka ndjekur me ndërprerje liceun në Codlea. Mes viteve 1971-1976 ka punuar si sezonier, operator kinematografik, punëtor-qepës dhe pranues-distributor. Më 1974 ndjek kurset e mbrëmjes dhe e merr diplomën e shkollës së mesme. Më 1976 e braktis Rumaninë dhevendoset definitivisht në Gjermani. Atje u dasht të ndjekë një vit klasën e XIII-të për t’iu njohur diploma gjermane. Më 1977 e njeh në Portlligat pranë Cadaqués piktorin e famshëm Salvador Dali, që do të ndikojë në mënyrë vendimtare për konsolidimin e veprës së tij, dhe sidomos metaforikën e mëvonshme. Ndërmjet viteve 1977-1980 absolvon teknikën dentare në Koblenz, ndërmjet viteve 1980-1985 ndjek Fakultetin e Medicinës, dega e stomatologjisë, në Universitetin Johannes Gutenberg pranë qytetit Mainz. E mbrojti doktoratën më 1985 me disertacionin „Mbi situatën e të hendikepuarve në vendin e punës“.
Ndërmjet viteve 1986-1988 punoi si mjek asistent, kurse më 1988 hapi një kabinet privat në qytetin Kastellaun që gjendet pranë lumenjve Rin dhe Mosela. Momentalisht banon në qytetin Boppard të Rinit ku praktikon profesionin e stomatologut. Si kryeredaktor i revistës trilingve „Convergenţe Româneşti” (Convergjenca Rumune-1984-1986), shkruan një artikull të ashpër kundër urbanizimeve të dhunshme nga diktatura e Nicolae ceausescut, gjë që ndikon ta shpallin si persona non grata (1986). Megjithatë, Schenk shkruan më tej në të dy gjuhët (duke realizuar edhe përkthime nga hungarishtja), duke pasur, ndërkaq, jehonë vetëm në Perëndim. Më 1990 “rehabilitohet” nga Fronti i Shpëtimit Kombëtar, në kohën e Ion Iliescu-t, duke qenë dekoruar me një “Brevetë Presidenciale”.
Duke qenë anëtar i Unionit të Shkrimtarëve të Rumanisë, Union Mondiale des Écrivains Médecins, American Romanian Academy of Arts and Sciences, i Uniunit të Shkrimtarëve dhe Publicistëve Mjeksorë të Rumanisë, në Balkanromanisten-Verband (Shoqata Gjermane për Europën Juglindore), Schenk përpiqet të propagojë kulturën gjermane dhe rumune, si dhe lidhjet ndërmjet këtyre në hapsirën kulturore Est-Vest. Një rol të madh për promovimin e letërsisë rumune në hapsirat e gjuhës gjermane ka pasur themelimi i Editurës Dionysos. Për meritat e veçanta në fushë të relacioneve kulturore Est-Vest (Lindje-Perëndim), si dhe për veprën e tij, Christian Wilhelm Schenk qe nominuar në vitin 2000 „Qytetar Nderi i Qytetit Universitar Kluzh-Napoka“.
Prezent në historinë e letërsisë gjermane dhe të asaj rumune, si dhe në disa antologji të botuara në Vienë, Bukuresht dhe Gjermani, autori ka kontribute të panumërta në revista të shumta rumune e gjermane, duke qenë autor përkthimesh veprash autorësh gjermanë e rumunë, laureat mirënjohje të ndryshme kombëtare dhe internacionale. Ndërmjet viteve 1971-2007, Christian W. Schenk është i nderuar me 6 çmime ndërkombëtare në botën gjermane dhe atë rumune. Vlen të përmendim vetëm disa autorë e libra të përkthyer: Baladat më të bukura gjermane..., Një antologji me 81 poetë rumunë, Mihai Eminescu, Marin Sorescu, Stefan Augustin Doinas, Ion Caraion, Emil Manu, Ana Blandianu, Marin Mincu, Dorin Popa, George Vulturescu, Lucian Vasiliu etj.
Prezent në historinë e letërsisë gjermane dhe të asaj rumune, si dhe në disa antologji të botuara në Vienë, Bukuresht dhe Gjermani, autori ka kontribute të panumërta në revista të shumta rumune e gjermane, duke qenë autor përkthimesh veprash autorësh gjermanë e rumunë, laureat mirënjohje të ndryshme kombëtare dhe internacionale. Ndërmjet viteve 1971-2007, Christian Wilhelm Schenk është i nderuar me 6 çmime ndërkombëtare në botën gjermane dhe atë rumune.
This article uses material from the Wikipedia Shqip article Christian W. Schenk, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Përmbajtja është në disponim nëpërmjet licencës CC BY-SA 4.0 nëse nuk shënohet ndryshe. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Shqip (DUHOCTRUNGQUOC.VN) is an independent company and has no affiliation with Wiki Foundation.