Alaudin Frashëri (Korçë, 3 maj 1912 - Tiranë, 4 qershor 1997) ka qenë agronom shqiptar.
U lind në Korçë. Ai diplomoi si Inxhinier Gjeodet në Universitetin e Gracit në Austri në vitin 1941. Punoi në disa ndërmarrje si inxhinier në ndërtimin e hidrocentraleve, në firmën Karl Zais Jena (Carl Zeiss Jena), dhe më tej si Asistent në Katedrën e Gjeodezisë, në Universitetin e Gracit.
Në vitin 1946 kthehet në Shqipëri ku punon fillimisht në Degën e Kadastrës, pranë Ministrisë së Bujqësisë. Meritë e punës se tij në atë kohë është përgatitja përmes kurseve e një numri specialistësh, të cilët do të përbënin bërthamën e ardhshme të topografëve shqiptarë. Si drejtues teknik i tyre ai punon për zbatime gjeodetike në Elbasan, Tiranë e Fier. Më pas, në rilevimin e fushës së Kavajes dhe matjet topografike si edhe studimet për sistemimet agrare dhe bonifikimin e rreth 350 mijë ha tokë në zonat fushore-kodrinore. Këto punime pasqyrohen në hartat përkatëse e dokumentacion bazë, të trashëguar dëri në ditët e sotme.
Për 15-vjet me radhë ai punon në Fakultetin e Pyjeve të Institutit të lartë Bujqësor, sot Universiteti Bujqësor i Tiranës në përgatitjen e specilistëve të ardhshëm.
Prof. Alaudin Frashëri është autori i parë i teksit mësimor të Gjeodezisë, Gjeodezisë së Aplikuar si edhe i hartimit të programeve mësimore të një sërë disiplinash të afërta me Gjeodezinë.
Ky artikull në lidhje me një biografi individi është i cunguar. Ju mund të ndihmoni Wikipedian duke e zgjeruar atë. |
This article uses material from the Wikipedia Shqip article Alaudin Frashëri, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Përmbajtja është në disponim nëpërmjet licencës CC BY-SA 4.0 nëse nuk shënohet ndryshe. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Shqip (DUHOCTRUNGQUOC.VN) is an independent company and has no affiliation with Wiki Foundation.