රුසියානු රාජ්ය තාන්ත්රිකයෙක් සහ විපක්ෂ දේශපාලනඥයෙක් වූ, බරීස් නිම්සෝෆ් ඝාතනය කරනු ලැබීම (උපත 1959) සිදු වූයේ, 2015 පෙබරවාරි 27 දිනදී (මොස්කව් වේලාවෙන්) 23:31 ට මධ්යම මොස්කව් හිදීය.
බරීස් නිම්සෝෆ් ඝාතනය කරනු ලැබීම | |
---|---|
ස්ථානය | බොල්ෂෝයි මොස්කොරිටට්ස්කි පාලම, මොස්කව් |
ඛණ්ඩාංක | 55°45′00″N 37°37′26″E / 55.75000°N 37.62389°E 37°37′26″E / 55.75000°N 37.62389°E |
දිනය | 27 පෙබරවාරි 2015 23:31 (UTC+03:00) |
ඉලක්කය | බරීස් නිම්සෝෆ් |
ප්රහාර මාදිලිය | ඝාතනය, වාහන පදවමින් වෙඩි තැබීම |
ආයුධය(න්) | මකාරව් පිස්තෝලය |
මරණ | 1 |
කිසිදු උපද්රවයකට ලක් නොවුණු යුක්රේනියානු නිරූපිකාව ඇනා ඩූරිට්ස්කා හා සමගින්, ක්රෙම්ලිනය අසබඩ පිහිටි, බොල්ෂෝයි මොස්කොරිටට්ස්කි පාලම හරහා ගමන් කරද්දී, නිම්සෝෆ් හට වෙඩි තබා මරා දමන ලදි. ඝාතනය සිදුවූ අවස්ථාවෙහිදී පාලමෙහි දර්ශනය පෙන්වන, සත්යාපනය නොකෙරුණු ටීවී සෙන්ටර් වීඩියෝ පටය ප්රකාර, එය සිදුවී ඇත්තේ මහ නගර සභා උපයෝගිතා වාහනයක් නිම්සෝෆ් පසුකර යනවාත් සමග වන අතර, සුදු හෝ අළු හෝ මෝටර්රථයකින් කිසියම් පුද්ගලයෙක් සිද්ධිය වූ ස්ථානයෙන් පැන යන බවද පෙන්නුම් කරයි.
කොමර්සෑන්ට් නම් රුසියානු පුවත්පත අනුව, ප්රදේශයේ සියළු ආරක්ෂක කැමරා, ඝාතනය සිදුවන අවස්ථාවෙහිදී නඩත්තු කටයුතු සඳහා අක්රීය කර තිබුණි. සිද්ධිය පිළිබඳ එකම වීඩියෝ දර්ශනය ලබා ගනු ලැබුවේ, ටීවී සෙන්ටර් සඳහා වීඩියෝ දර්ශන සැපයුම් කැමරාවක් විසින් ඉතා ඈතක සිටි ලබා ගත් දසුනකිනි. ඝාතනය සිදුවූ අවස්ථාවෙහිදී, නවතා තිබූ මහ නගර සභා රථයක් විසින් කැමරාව අවහිරව තිබුණි. පාලම වෙත වන පඩි පෙළෙහි සැඟවී සිටි ඝාතකයා නිම්සෝෆ්ගේ පැමිණීම බලාපොරොත්තුවෙන් සිටින්නට ඇත. ඔහු විසින් අඩුම වශයෙන් වෙඩි පහර සයක් එල්ල කර ඇති අතර, එයින් සතරක් බරීස් වෙත වැදී, එක් මරණීය තුවාලයක් සිදු කර ඇත. භාවිතා කර ඇති පතොරම්, පැරණි 9×18මිමී මකාරව් කාට්රිජ වූහ. එයින් සතරක්, යුරියුසයින් යාන්ත්රික කම්හලෙහි 1982 වසරෙහිදී නිෂ්පාදනය කර ඇති අතර කාට්රිජ දෙකක් නිමවා ඇත්තේ ටූලා පතොරම් කම්හලේදී 1992 වසරෙහිදීය.
රුසියාවේ ආර්ථික තත්ත්වය සහ යුක්රේනයේ යුද්ධයට විරෝධතාවය දැක්වීමට සංවිධානය කර තිබුණු වීදී උද්ඝෝෂණයක් වූ, වෙස්නා ("වසන්තය" සඳහා රුසියානු භාෂාවෙන්) නම් විපක්ෂ පෙළපාළියට නායකත්වය සැපයීමට නිම්සෝෆ් නියමිතව සිටියදී, එයට දිනයකට පෙර මෙම ඝාතනය සිදුවී තිබුණි.
රුසියානු අපරාධ විමර්ශකයෝ අනුමාන කරන්නේ, මෙම ඝාතනය, "රට අස්ථාවර කිරීමේ අපේක්ෂාවෙන් සිදු කල ප්රකෝපනයක්" විය හැකි බවයි. ඔහුගේ මරණය සිදුවීමට සමීපව තිබියදී, යුක්රේනයේ යුද්ධයට ඔහුගේ විරෝධය හේතුවෙන්, පූටින් විසින් ඔහු මරා දමුනු ඇති බවට භයක් ඇති බව නිම්සෝෆ් ප්රකාශ කර තිබුණි.
රුසියානු ජනාධිපති ව්ලැඩීමිර් පූටින්, අභ්යන්තර කටයුතු අමාත්යාංශයෙහි විමර්ශන කමිටුවට සහ ෆෙඩරල් ආරක්ෂක සේවාවට උපදෙස් දුන්නේ, නිම්සෝෆ්ගේ ඝාතනය පිළිබඳ විමර්ශනය කිරීමට එක් කණ්ඩායමක් ලෙසින් ක්රියා කරන ලෙසයි.
වෙඩි තැබීමට පසු රාත්රියෙහිදී, මලයා ඕර්ඩන්කා වීදියේ පිහිටි නිම්සෝෆ්ගේ බද්ධනිවාසය පරික්ෂා කොට ඔහුගේ ව්යාපාර සහ දේශපාලන ක්රියාකාරකම් වලට සම්බන්ධ සියළු ලිපිලේඛන සහ ද්රව්යයන් රාජ සන්තක කෙරිණි.
බොහෝ විට ඝාතකයන්ට අයිති යැයි සැක කෙරෙන, සුදු පැහැති ලාඩා ප්රියෝරා මෝටර් රථයක් අත්හැර දමා ගොස් තිබියදී, පෙබරවාරි 28 දිනදී හමු වුණි. ඉන්ගුෂෙටියා ජනරජයේ සම්භවයක් සහිත අංක තහඩුවක් මෙම මෝටර් රථය සතු විය.
අත්අඩංගුවට ගැනීමට හා චෝදනා පමුණුවීමට හේතු විය හැකි කිසියම් තොරතුරක් සැපයීම සඳහා රූබල් මිලියන 3 (~යූරෝ 43,000) ක මුදල් ත්යාගයක් පිරිනැමිණි.
This article uses material from the Wikipedia සිංහල article බරීස් නිම්සෝෆ් ඝාතනය කරනු ලැබීම, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). අන්ලෙසකින් සඳහන්කර නැති සෑම විටෙකම අන්තර්ගතය CC BY-SA 4.0 යටතේ ඇත. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki සිංහල (DUHOCTRUNGQUOC.VN) is an independent company and has no affiliation with Wiki Foundation.