Tga Taslit nɣ Tislit n unẓaṛ tumant tafiziqt tagamant, ar tmsar ɣ yan waddad att igan d tiṛẓi n uznẓar n tfukt, d ar ittusiksl s ugguz n unẓaṛ, s tɣarast yaḍni tumant ad ar ttili iɣ munn tiɣawsiwin ad s snat, d llant kra n tikkal ar ttili tislit n unẓaṛ iɣ a iṭṭaṛ unẓaṛ macc idrus, amma ma bahra ittilin: ar iṭṭaṛ unẓaṛ ar kiɣ iqqaḍa s arkiɣ gis yut uznẓaṛ n tfukt ilmma ar ssntint tusdidin n lfujuj s umuɣli yann.
Ɣiklli is nenna ar ttili tislit n unẓaṛ iɣ iḍṛ unẓaṛ + tiyti n uznẓaṛ n tafukt iɣ yut g tmqqa n unẓar id iṭṭaṛn, ilmma ar ittili yan wanaw n usmssi g tiɣmrt 42 macc iɣ nra a sul nxzr ar nttafa mas-d tafukt iɣ iqqaḍa unẓaṛ ar ttluḥ aznẓaṛ nns f kra n tasgiwin ɣ wakal s yan unuɣ iẓlin d uznẓaṛ ann gis afḍan n ikʷlan, ar tn izzwar uzggʷaɣ ɛad ad ttnunnutn ikʷlan ann wiyyaḍ imikk s imikk, amzwaru ittḍfuṛn azggʷaɣ igat alitcini s uwraɣ d uẓṛwal d uzgzaw ilmma ar ittnunnt yan uẓṛwal yaḍni ijhdn, ilmma ar ttqqiḍi tifilt ad s ukʷlu amgẓay.
Idɣarn ifulkin n wannay n tumant ad gan tn illan d igarawn acku ɣinn aɣ a bahra ttnunntn ikʷlan n tislit n unẓaṛ. Awankn n Urupa ar gisn ttnunnt tislit n unẓaṛ g tasgiwin tigrsanin bdda s usuds, macc idrus bahra maɣ a ttnunnt g kra n iwankn zund Ssudan d Ṣṣumal.
Amnni ad iga amud, imẓẓiy sul. Aws i Wikipidya s usnfl nns, tssimɣurt t.
This article uses material from the Wikipedia Taclḥit article Tislit n unẓaṛ, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Mayad illa ddu CC BY-SA 4.0 abla iɣ ittuybdar mas ur t-igi. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Taclḥit (DUHOCTRUNGQUOC.VN) is an independent company and has no affiliation with Wiki Foundation.