L'arc di Sant Marc (o ancje cercli di Sant Marc) al è un fenomen otic e meteorologjic che al provoche la aparizion di un spetri continui di lûs tal cîl cuant che i rais dal soreli a passin traviers il particulât che si cjate inte atmosfere.
E cjape lis formis di un arc fat cun plui colôrs, cul ros par fûr e il viole inte zone plui centrâl. Pe tradizion, la secuence dai colôrs e je ros, narançon, zâl, vert, blu, celest e violet: al è impuartant di dî che no je une liste consistente: inclût ducj i colôrs primaris e secondariis in cualchi maniere, ma dome un colôr terziari, il celest. Si pense che chest al è stât zontât parcè che ai timps dai studiis di Isaac Newton il numar sîs e veve un significât negatîf pe religjon, ma dal pont di viste fisic il voli uman al fâs fadie e distingui i colôrs ator dal blu intal spetri visuâl.
L'efiet dal arc di Sant Marc al pues jessi osservât ogni volte a son piçulis gotis di aghe intal aiar e la lûs dal soreli e ven di daûr dal osservadôr a une altitudin o angul bas. L'efiet al pues ancje jessi viodût dispès dongje di fontanis o discjadudis.
L'arc di Sant Marc al è simpri stât un impuartant argoment de mitologjie, de religjon e de leterature. Numerosis a son lis poesiis dedicadis a chest fenomen atmosferic.
This article uses material from the Wikipedia Furlan article Arc di Sant Marc, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Il contignût al è disponibil sot de licence CC BY-SA 4.0 se nol è specificât in altre maniere Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Furlan (DUHOCTRUNGQUOC.VN) is an independent company and has no affiliation with Wiki Foundation.