Lu pruverbiu (di lu latinu proverbium ) è na sprissioni ca cunteni normi, judizzi, dittami o cunzigghi diciuti nti na manera sintètica e, assai spissu, ppi mitàfura, e ca hannu statu pigghiati di lu campari cumuni.
'N ginirali pòranu na viritati (o chiddu ca la genti penza ca è veru): si dici ca li pruverbi sunnu lu fruttu di la saggizza pupulari o di la, accussì annincata, filusufìa pupulari, ma cc'è cui susteni ca nun sunnu àutru ca la virsioni cudificata di priggiudizzii. Ponnu cuntèniri similitùtini e mitàfuri, pigghiati di l'usi, li maneri di vita, li liggenni di lu pòpulu ca nti dda lingua nascìu lu pruverbiu. Ma assai pruverbi sunnu cumuni a cchiossai lingui diffirenti. Nti lu qualisiasi casu, sunnu nu patrimoniu culturali d'addifènniri e sarvari, vittu ca ni làssanu na trazza di l'èbbichi passati e ni fannu ntènniri la strata ca fìciru li nostri àvuli.
Lu studiu di li pruverbi si chiama parimiuluggìa.
This article uses material from the Wikipedia Sicilianu article Pruverbiu, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Stu cuntinutu è dispunìbbili sutta â CC BY-SA 4.0 quannu nun veni spicificatu diversamenti. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Sicilianu (DUHOCTRUNGQUOC.VN) is an independent company and has no affiliation with Wiki Foundation.