ᱦᱤᱨᱟᱹ
ᱦᱤᱨᱟᱹ ᱫᱚ ᱡᱚᱛᱚ ᱠᱷᱚᱱ ᱠᱮᱴᱮᱡ ᱡᱤᱱᱤᱥ ᱠᱟᱱᱟ᱾ ᱚᱱᱟᱛᱮ ᱟᱹᱰᱤ ᱜᱟᱱ ᱠᱟᱹᱨᱜᱟᱲ ᱨᱮᱜᱮ ᱦᱤᱨᱟᱹ ᱫᱚ ᱜᱮᱫ ᱟᱨ ᱪᱤᱠᱟᱹᱬ ᱞᱟᱹᱜᱤᱫ ᱠᱚ ᱵᱮᱣᱦᱟᱨᱟ᱾ ᱟᱹᱰᱤ ᱜᱟᱱ ᱦᱤᱨᱟᱹ ᱥᱟᱯᱷᱟ ᱜᱮ ᱡᱷᱚᱜ ᱥᱟᱥᱟᱝ, ᱟᱨᱟᱜ, ᱞᱤᱞ, ᱦᱟᱹᱨᱭᱟᱹᱲ ᱟᱨ ᱜᱩᱞᱟᱹᱯᱤ ᱨᱚᱝ ᱦᱤᱨᱟᱹ ᱦᱚᱸ ᱢᱮᱱᱟᱜᱼᱟ᱾ ᱥᱮᱬᱟ ᱦᱤᱨᱟᱹ ᱫᱚ ᱟᱹᱰᱤ ᱠᱚᱢ ᱧᱟᱢᱚᱜᱼᱟ ᱟᱨ ᱟᱹᱰᱤ ᱫᱟᱢᱟᱱᱟ᱾ ᱦᱤᱨᱟᱹ ᱫᱚ ᱟᱹᱰᱤ ᱠᱮᱴᱮᱡ ᱟ ᱟᱨ ᱚᱱᱟ ᱛᱟᱞᱟ ᱛᱮ ᱢᱟᱨᱥᱟᱞ ᱵᱷᱟᱹᱜᱤ ᱯᱟᱨᱚᱢ ᱠᱮᱭᱟ᱾ ᱵᱮᱱᱟᱣᱟᱜ ᱟᱨ ᱯᱨᱟᱠᱨᱩᱛᱤ ᱵᱟᱱᱟᱨ ᱞᱮᱠᱟᱱ ᱦᱤᱨᱟᱹ ᱜᱮ ᱢᱮᱱᱟᱜᱼᱟ᱾ ᱯᱨᱟᱠᱨᱩᱛᱤᱠ ᱦᱤᱨᱟᱹ ᱫᱚ ᱱᱚᱶᱟ ᱫᱷᱟᱹᱨᱛᱤ ᱜᱮᱭ ᱵᱮᱱᱟᱣ ᱮᱫᱟ᱾ ᱠᱨᱩᱛᱨᱩᱢᱚ ᱦᱤᱨᱟᱹ ᱫᱚ ᱢᱟᱹᱱᱢᱤ ᱠᱚ ᱵᱮᱱᱟᱣᱟ᱾ ᱢᱟᱹᱱᱢᱤ ᱵᱟᱰᱟᱭ ᱟᱠᱟᱫ ᱡᱚᱛᱚ ᱠᱷᱚᱱ ᱠᱮᱴᱮᱡ ᱡᱤᱱᱤᱥ ᱫᱚ ᱦᱤᱨᱟᱹ ᱠᱟᱱᱟ᱾ ᱜᱨᱟᱯᱷᱟᱭᱤᱴ ᱟᱨ ᱠᱚᱭᱞᱟ ᱞᱮᱠᱟ ᱦᱤᱨᱟᱹ ᱥᱟᱯᱷᱟ ᱚᱝᱜᱟᱨ ᱠᱷᱚᱱ ᱵᱮᱱᱟᱣ ᱟᱠᱟᱱᱟ᱾ ᱦᱤᱨᱟᱹ ᱪᱚᱨᱚᱠ ᱠᱷᱟᱹᱛᱤᱨ ᱱᱚᱶᱟ ᱫᱚ ᱥᱟᱡᱽ ᱞᱮᱠᱟ ᱵᱮᱵᱷᱟᱨᱟ᱾
ᱵᱤᱡᱽᱞᱤ ᱫᱚ ᱦᱤᱨᱟᱹ ᱪᱮᱛᱟᱱ ᱛᱮ ᱵᱟᱭ ᱪᱟᱞᱟᱣ ᱠᱮᱭᱟ ᱤᱠᱷᱟᱱ ᱛᱟᱯ ᱱᱚᱶᱟ ᱪᱮᱛᱟᱱ ᱛᱮᱭ ᱛᱟᱲᱟᱢ ᱠᱮᱭᱟ᱾ ᱱᱚᱶᱟ ᱫᱷᱟᱹᱨᱛᱤ ᱛᱟᱞᱟ ᱨᱮ ᱫᱚᱢᱮ ᱪᱟᱯ ᱟᱨ ᱛᱟᱯ ᱠᱷᱟᱹᱛᱤᱨ ᱦᱤᱨᱟᱹ ᱛᱮᱭᱟᱨᱚᱜᱼᱟ᱾ ᱩᱱᱟᱹᱜ ᱪᱟᱯ ᱟᱨ ᱛᱟᱯ ᱠᱷᱟᱹᱛᱤᱨ ᱱᱚᱶᱟ ᱛᱚᱨᱚᱞᱚᱜᱼᱟ (ᱫᱟᱜᱚᱜᱼᱟ) ᱟᱨ ᱫᱷᱟᱹᱨᱛᱤ ᱪᱮᱛᱟᱱ ᱨᱮ ᱯᱷᱩᱨ ᱛᱩᱫᱩᱜᱼᱟ ᱟᱨ ᱯᱷᱟᱨᱪᱟᱜᱼᱟ᱾ ᱢᱤᱢᱤᱫ ᱫᱷᱟᱣ ᱫᱚ ᱱᱚᱶᱟ ᱢᱟᱜᱽᱢᱟ ᱥᱟᱶ ᱦᱚᱸ ᱯᱷᱩᱨ ᱛᱩᱫᱩᱜᱼᱟ᱾ ᱯᱷᱩᱨ ᱛᱩᱫᱩᱜ ᱨᱮᱭᱟᱜ ᱟᱹᱰᱤ ᱫᱤᱱ ᱛᱟᱭᱚᱢ ᱦᱚᱲ ᱦᱤᱨᱟᱹ ᱠᱚ ᱧᱟᱢᱟ᱾ ᱚᱠᱟ ᱡᱷᱚᱜ ᱪᱚ ᱦᱤᱨᱟᱹ ᱚᱛ ᱪᱮᱛᱟᱱ ᱨᱮᱦᱚᱸ ᱧᱟᱢᱚᱜᱼᱟ᱾ ᱤᱠᱷᱟᱹᱱ ᱫᱟᱹᱠᱷᱤᱱ ᱟᱯᱷᱨᱤᱠᱟ ᱞᱮᱠᱟᱱ ᱫᱤᱥᱚᱢ ᱨᱮᱫᱚ ᱠᱷᱟᱫᱟᱱ ᱞᱟ ᱠᱟᱛᱮ ᱦᱤᱨᱟᱹ ᱧᱟᱢᱚᱜᱼᱟ᱾ ᱦᱤᱨᱟᱹ ᱫᱚ ᱯᱩᱭᱞᱩ ᱵᱷᱟᱨᱚᱛ ᱨᱮ ᱧᱟᱢ ᱞᱮᱱᱟ᱾
ᱱᱟᱜᱟᱢ
ᱠᱩᱢᱵᱽᱲᱩ ᱟᱠᱟᱱ ᱦᱤᱨᱟᱹ
ᱵᱟᱦᱨᱮ ᱡᱚᱱᱚᱲ
https://www.duhoctrungquoc.vn/wiki/en/Diamond
- Properties of diamond: Ioffe database
- "A Contribution to the Understanding of Blue Fluorescence on the Appearance of Diamonds". (2007) Gemological Institute of America (GIA)
- Tyson, Peter (November 2000). "Diamonds in the Sky". Retrieved March 10, 2005.
- Have You Ever Tried to Sell a Diamond?
This article uses material from the Wikipedia ᱥᱟᱱᱛᱟᱲᱤ article ᱦᱤᱨᱟᱹ, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Content is available under CC BY-SA 4.0 unless otherwise noted. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki ᱥᱟᱱᱛᱟᱲᱤ (DUHOCTRUNGQUOC.VN) is an independent company and has no affiliation with Wiki Foundation.