ᱤᱱᱥᱴᱟᱜᱨᱟᱢ
ᱤᱱᱥᱴᱟᱜᱨᱟᱢ ᱫᱚ ᱢᱤᱫ ᱪᱤᱛᱟᱹᱨ ᱟᱨ ᱵᱷᱤᱰᱤᱭᱳ ᱦᱟᱹᱴᱤᱧ ᱥᱟᱶᱛᱮ ᱥᱟᱹᱜᱟᱹᱭᱟᱭᱟᱱ ᱥᱩᱵᱤᱫᱷᱟ (social networking service) ᱡᱟᱦᱟᱸ ᱫᱚ ᱯᱷᱮᱥᱵᱩᱠ ᱤᱱᱥ ᱦᱟᱛᱟᱣ ᱟᱠᱟᱫᱼᱟᱭ ᱾ ᱱᱚᱶᱟ ᱫᱚ ᱯᱩᱭᱞᱩ ᱠᱮᱵᱤᱱ ᱥᱤᱥᱴᱨᱚᱢ ᱟᱨ ᱢᱟᱭᱤᱠ ᱠᱤᱨᱮᱜᱚᱨ ᱢᱮᱥᱟ ᱠᱟᱛᱮ ᱠᱤᱱ ᱵᱮᱱᱟᱣ ᱞᱮᱫ ᱛᱟᱦᱮᱸᱫ ᱟᱨ ᱚᱠᱴᱚᱵᱚᱨ ᱒᱐᱑᱐ ᱥᱟᱞᱮᱨᱮ ᱠᱤᱱ ᱩᱪᱷᱟᱹᱱ ᱞᱮᱫ ᱛᱟᱦᱮᱸᱫ ᱟᱭᱼᱚᱥ (iOS) ᱚᱯᱮᱨᱮᱴᱤᱝ ᱥᱤᱥᱴᱚᱢ ᱞᱟᱹᱜᱤᱫ ᱾ ᱟᱱᱰᱨᱚᱭᱮᱰ ᱵᱟᱰᱷᱮᱡ ᱠᱚ ᱞᱟᱹᱜᱤᱫ ᱫᱚ ᱚᱱᱟ ᱨᱮᱱᱟᱜ ᱵᱟᱨ ᱥᱮᱨᱢᱟ ᱛᱟᱭᱚᱢ ᱮᱯᱨᱤᱞ ᱒᱐᱑᱒ ᱥᱟᱞᱮᱨᱮ ᱠᱚ ᱩᱪᱷᱟᱹᱱ ᱞᱮᱫ ᱛᱟᱦᱮᱸᱫ ᱾ ᱚᱱᱟ ᱛᱟᱭᱚᱢ ᱱᱚᱵᱷᱮᱢᱵᱚᱨ ᱒᱐᱑᱒ ᱨᱮ ᱢᱤᱫ ᱣᱮᱵᱽᱥᱟᱭᱤᱴ ᱟᱨ ᱣᱤᱱᱰᱚᱥ ᱯᱷᱚᱱ ᱞᱟᱹᱜᱤᱫ ᱮᱯᱥ ᱟᱨ ᱣᱤᱱᱰᱚᱥ ᱚᱯᱮᱨᱮᱴᱤᱝ ᱥᱤᱥᱴᱚᱢ ᱞᱟᱹᱜᱤᱫ ᱦᱚᱸ ᱩᱪᱷᱟᱹᱱ ᱞᱮᱱ ᱛᱟᱦᱮᱸᱫ ᱾
ᱱᱚᱶᱟ ᱮᱯᱯ ᱫᱚ ᱵᱮᱵᱷᱟᱨᱤᱭᱟᱹ ᱠᱚ ᱪᱤᱛᱟᱹᱨ ᱟᱨ ᱵᱷᱤᱰᱤᱭᱳ ᱠᱚ ᱞᱟᱫᱮ ᱞᱟᱹᱜᱤᱫ ᱫᱟᱣᱻᱮ ᱮᱢᱟᱠᱚᱣᱟ, ᱡᱟᱦᱟᱸ ᱛᱮ ᱟᱭᱢᱟ ᱞᱮᱠᱟᱱ ᱪᱟᱹᱨᱱᱤᱠᱚ (filter) ᱞᱟᱜᱟᱣ ᱠᱟᱛᱮ ᱥᱟᱯᱲᱟᱣ (edit) ᱜᱟᱱᱚᱜᱼᱟ ᱟᱨ ᱚᱱᱟ ᱠᱚ ᱯᱟᱨᱥᱟᱞ ᱜᱟᱱᱚᱜᱼᱟ ᱾ ᱚᱱᱟ ᱥᱟᱶᱛᱮ ᱯᱚᱥᱴ ᱨᱮ ᱜᱚᱛᱟᱣ ᱟᱨ ᱴᱷᱟᱶ ᱠᱚᱨᱮᱱᱟᱜ ᱵᱩᱴᱟᱹ ᱦᱚᱸ ᱥᱮᱞᱮᱫ ᱜᱟᱱᱚᱜᱼᱟ ᱾ ᱢᱤᱫ ᱮᱠᱟᱣᱩᱸᱴ ᱨᱮᱱᱟᱜ ᱯᱚᱥᱴ ᱦᱚᱸ ᱫᱤᱥᱣᱟᱹ ᱞᱮᱠᱟᱛᱮ ᱟᱨᱵᱟᱝ ᱢᱤᱫ ᱜᱚᱴ ᱥᱩᱢᱩᱝ ᱞᱟᱹᱜᱤᱫ ᱦᱟᱹᱴᱤᱧ (shared) ᱜᱟᱱᱚᱜᱼᱟ ᱾ ᱢᱤᱫ ᱵᱮᱵᱷᱟᱨᱤᱭᱟᱹ ᱟᱨ ᱢᱤᱫ ᱵᱮᱵᱷᱟᱨᱤᱡᱟᱜ ᱞᱟᱫᱮᱭᱟᱜ ᱡᱤᱱᱤᱥ ᱠᱚᱭ ᱧᱮᱞ ᱫᱟᱲᱮᱭᱟᱜᱼᱟ ᱮᱵᱷᱟᱨᱤᱭᱟᱹ ᱚᱱᱟ ᱠᱚᱭ ᱠᱩᱥᱤ ᱫᱟᱲᱮᱭᱟᱜᱼᱟ ᱟᱨ ᱮᱴᱟᱜ ᱵᱮᱵᱷᱟᱨᱤᱭᱟᱹ ᱠᱚᱦᱚᱸᱭ ᱯᱟᱸᱡᱟ (follow) ᱫᱟᱲᱮᱭᱟᱭᱟᱠᱚᱣᱟ ᱾
ᱱᱟᱜᱟᱢ
ᱤᱱᱥᱴᱟᱜᱨᱟᱢ ᱫᱚ ᱥᱟᱱᱼᱯᱷᱨᱟᱱᱥᱤᱥᱠᱚ ᱨᱮ ᱩᱛᱱᱟᱹᱣ ᱮᱦᱚᱵ ᱞᱮᱱ ᱛᱟᱦᱮᱸᱫ, ᱡᱚᱠᱷᱚᱱ ᱠᱮᱵᱤᱱ ᱥᱤᱥᱴᱨᱚᱢ ᱟᱨ ᱢᱟᱭᱤᱠ ᱠᱮᱨᱤᱜᱮᱨ ᱱᱚᱝᱠᱟᱱ ᱢᱤᱫ ᱯᱨᱚᱡᱮᱠᱴ ᱪᱮᱛᱟᱱ ᱨᱮ ᱠᱟᱹᱢᱤ ᱠᱤᱱ ᱮᱦᱚᱵ ᱠᱮᱫᱼᱟ ᱟᱨ ᱱᱚᱶᱟ ᱫᱟᱨᱟᱭ ᱛᱮ ᱢᱚᱵᱟᱭᱤᱞ ᱯᱷᱚᱴᱚᱜᱨᱟᱯᱷᱤ ᱨᱮ ᱥᱟᱨᱦᱟᱣᱱᱟ ᱞᱟᱹᱜᱤᱫ ᱢᱤᱫ ᱩᱱᱩᱭᱦᱟᱹᱨ ᱛᱟᱦᱮᱸᱠᱟᱱ ᱛᱟᱹᱠᱤᱱᱟ ᱾ ᱤᱱᱥᱴᱟᱜᱨᱟᱢ ᱟᱹᱲᱟᱹ ᱫᱚ ᱤᱱᱥᱴᱟᱸᱴ (ᱴᱟᱴᱠᱟ) ᱠᱮᱢᱮᱨᱟ ᱨ ᱴᱮᱞᱤᱜᱨᱟᱢ ᱨᱮᱱᱟᱜ ᱜᱚᱛᱟᱣ ᱠᱟᱛᱮ ᱦᱩᱭ ᱟᱠᱟᱱᱟ ᱾
ᱥᱟᱹᱠᱷᱭᱟᱹᱛ
This article uses material from the Wikipedia ᱥᱟᱱᱛᱟᱲᱤ article ᱤᱱᱥᱴᱟᱜᱨᱟᱢ, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Content is available under CC BY-SA 4.0 unless otherwise noted. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki ᱥᱟᱱᱛᱟᱲᱤ (DUHOCTRUNGQUOC.VN) is an independent company and has no affiliation with Wiki Foundation.