ᱚᱴᱚᱞ ᱵᱤᱦᱟᱨᱤ ᱵᱟᱡᱽᱯᱮᱭᱤ (᱒᱕ ᱰᱤᱥᱮᱢᱵᱚᱨ ᱑᱙᱒᱔ - ᱑᱖ ᱚᱜᱚᱥᱴᱚ ᱒᱐᱑᱘), ᱫᱚ ᱢᱤᱰ ᱨᱟᱡᱽᱱᱮᱛᱟ, ᱵᱷᱟᱥᱚᱬᱤᱭᱟᱹ, ᱟᱨ ᱧᱩᱛᱩᱢᱟᱱ ᱦᱤᱱᱫᱤ ᱚᱱᱚᱬᱦᱤᱭᱟᱭ ᱛᱟᱦᱮᱸ ᱠᱟᱱᱟ ᱾ ᱯᱷᱩᱨᱜᱟᱹᱞ ᱵᱷᱟᱨᱚᱛ ᱨᱮᱱᱤᱡ ᱜᱮᱞ ᱟᱱᱤᱡ ᱢᱟᱨᱟᱝ ᱢᱚᱱᱛᱨᱤ ᱞᱮᱠᱟᱛᱮ ᱢᱚᱴ ᱯᱮ ᱫᱷᱟᱶ (᱑᱙᱙᱖ ᱨᱮ ᱑᱓ ᱫᱤᱱ, ᱑᱙᱙᱘ ᱠᱷᱚᱱ ᱑᱙᱙᱙ ᱦᱟᱹᱵᱤᱡ ᱑᱓ ᱪᱟᱸᱫᱚ, ᱑᱙᱙᱙ ᱠᱷᱚᱱ ᱒᱐᱐᱔ ᱯᱩᱨᱟᱹ ᱢᱚᱬᱮ ᱥᱮᱨᱢᱟ) ᱠᱟᱹᱢᱤ ᱵᱷᱟᱨ ᱮ ᱥᱟᱢᱵᱲᱟᱶ ᱞᱮᱜᱼᱟ ᱾ ᱵᱟᱡᱽᱯᱮᱭᱤ ᱫᱚ ᱵᱟᱭ ᱵᱟᱯᱞᱟ ᱟᱠᱟᱱ ᱛᱟᱦᱮᱸᱫ ᱾
ᱚᱴᱚᱞ ᱵᱤᱦᱟᱨᱤ ᱵᱟᱡᱽᱯᱮᱭᱤ ᱫᱚ ᱑᱙᱒᱔ ᱥᱟᱞ ᱰᱤᱥᱮᱢᱵᱚᱨ ᱒᱕ ᱢᱟᱹᱦᱚᱛ ᱦᱤᱞᱚᱜ ᱜᱶᱟᱞᱤᱭᱚᱨ ᱨᱮᱭᱟᱜ ᱢᱤᱫ ᱵᱟᱵᱽᱬᱮ ᱜᱷᱟᱨᱚᱸᱡᱽ ᱨᱮᱭ ᱡᱟᱱᱟᱢ ᱞᱨᱱᱟ ᱾ ᱵᱟᱡᱽᱯᱮᱭᱤ ᱟᱡ ᱵᱟᱵᱟ ᱠᱨᱩᱥᱱᱚ ᱵᱤᱦᱟᱨᱤ ᱵᱟᱡᱽᱯᱮᱭᱤ ᱫᱚ ᱩᱛᱚᱨ ᱯᱨᱚᱫᱮᱥ ᱨᱮᱭᱟᱜ ᱟᱜᱽᱨᱟ ᱡᱤᱯᱟ ᱨᱮᱭᱟᱜ ᱢᱟᱨᱮ ᱵᱚᱴᱮᱥᱶᱚᱨ ᱨᱮᱱ ᱢᱩᱲ ᱱᱤᱵᱟᱥᱤ ᱠᱟᱱᱟᱭ ᱾ ᱠᱨᱩᱥᱱᱚ ᱵᱤᱦᱟᱨᱤ ᱫᱚ ᱢᱤᱫ ᱚᱱᱚᱲᱦᱤᱭᱟᱹ ᱟᱨ ᱟᱠᱚ ᱟᱹᱛᱩ ᱨᱮᱜᱮ ᱢᱟᱪᱮᱛ ᱮ ᱛᱟᱦᱮᱸ ᱠᱟᱱᱟ ᱾ ᱚᱴᱚᱞ ᱟᱡ ᱟᱭᱚ ᱧᱩᱛᱩᱢ ᱫᱚ ᱠᱨᱩᱥᱱᱟ ᱵᱟᱡᱽᱯᱮᱭᱤ ᱛᱟᱦᱮᱸ ᱠᱟᱱᱟ ᱾ ᱢᱚᱦᱟᱛᱢᱟ ᱨᱟᱢ ᱪᱚᱱᱫᱽᱨᱚ ᱵᱤᱨ ᱮ ᱚᱞ ᱟᱠᱟᱫ "ᱡᱤᱛᱠᱟᱹᱨ ᱪᱤᱨ" ᱯᱟᱲᱦᱟᱣ ᱠᱟᱛᱮ ᱵᱟᱡᱽᱯᱮᱭᱤ ᱟᱜ ᱡᱤᱭᱚᱱ ᱫᱚ ᱵᱚᱫᱚᱞ ᱞᱮᱱᱟ ᱾ ᱟᱡ ᱥᱚᱱᱮᱨ ᱰᱤᱜᱽᱨᱤ ᱫᱚ ᱜᱶᱟᱞᱤᱭᱚᱨ ᱵᱷᱤᱠᱴᱚᱨᱤᱭᱟ ᱠᱚᱞᱮᱡᱽ (ᱱᱮᱛᱟᱨ ᱫᱚ ᱞᱚᱠᱷᱢᱤ ᱵᱟᱭᱤ ᱠᱚᱞᱮᱡᱽ) ᱠᱷᱚᱱ ᱮ ᱥᱟᱹᱛ ᱞᱮᱜ-ᱟ ᱾ ᱟᱪᱮᱛ ᱡᱤᱭᱚᱱ ᱨᱮ ᱫᱚ ᱟᱨᱹᱮᱥᱹᱮᱥ ᱨᱮ ᱥᱮᱞᱮᱫ ᱞᱮᱱᱟᱭ ᱟᱨ ᱚᱱᱰᱮ ᱠᱷᱚᱱ ᱜᱮ ᱱᱮᱥᱱᱟᱞ ᱞᱮᱵᱩᱞ ᱛᱚᱨᱠᱚ ᱦᱮᱯᱨᱟᱶ ᱨᱮ ᱵᱷᱟᱜᱽ ᱮ ᱦᱟᱛᱟᱣ ᱞᱮᱜ-ᱟ ᱾ ᱩᱱᱤ ᱠᱟᱱᱯᱩᱨ ᱰᱤ ᱮ ᱵᱷᱤ ᱠᱚᱞᱮᱡᱽ ᱠᱷᱚᱱᱟᱜ ᱮᱢ ᱮ ᱯᱩᱭᱞᱩ ᱛᱷᱚᱱᱚᱛᱨᱮᱭ ᱯᱟᱥ ᱞᱮᱜ-ᱟ ᱾ ᱮᱢ ᱮ ᱛᱟᱭᱚᱢ ᱫᱚ ᱩᱱᱤ ᱚᱱᱟ ᱠᱚᱞᱮᱡᱽ ᱨᱮᱜᱮ ᱮᱞ ᱮᱞ ᱵᱤ ᱮ ᱵᱷᱤᱥᱮᱞᱮᱫ ᱞᱮᱱᱟ ᱾ ᱛᱟᱭᱚᱢ ᱚᱞᱚᱜ ᱵᱟᱹᱜᱤ ᱠᱟᱛᱮ ᱥᱚᱝᱜᱷᱚ ᱠᱟᱹᱢᱤ ᱨᱮᱜᱮᱭ ᱪᱷᱩᱴᱟᱣ ᱞᱮᱱᱟ ᱾
This article uses material from the Wikipedia ᱥᱟᱱᱛᱟᱲᱤ article ᱚᱴᱚᱞ ᱵᱤᱦᱟᱨᱤ ᱵᱟᱡᱽᱯᱮᱭᱤ, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Content is available under CC BY-SA 4.0 unless otherwise noted. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki ᱥᱟᱱᱛᱟᱲᱤ (DUHOCTRUNGQUOC.VN) is an independent company and has no affiliation with Wiki Foundation.