ᱱᱤᱠᱚᱞᱟᱥ ᱠᱚᱯᱚᱨᱱᱤᱠᱚᱥ ᱫᱚ ᱢᱤᱫ ᱡᱟᱜ ᱥᱟᱬᱮᱥᱤᱭᱟᱹᱭ ᱛᱟᱦᱮᱸᱠᱟᱱᱟ ᱾ ᱪᱟᱸᱫᱚ ᱟᱨ ᱫᱷᱟᱹᱨᱛᱤ ᱥᱟᱛᱟᱢ ᱨᱮ ᱟᱡᱟᱜ ᱢᱩᱛᱟᱹᱱ ᱟᱹᱰᱤ ᱵᱟᱰᱟᱭᱟᱱᱟ ᱾ ᱠᱚᱯᱚᱨᱱᱤᱠᱚᱥ ᱢᱮᱱ ᱞᱮᱫᱟᱭ , ᱥᱮᱨᱢᱟ ᱨᱤᱱ ᱡᱮᱛᱮ ᱮᱝᱜᱮᱞ ᱨᱤᱱ ᱛᱟᱞᱟ ᱨᱮ ᱫᱚ ᱪᱟᱸᱫᱚ ᱢᱮᱱᱟᱜ-ᱟ ᱟᱨ ᱡᱮᱛᱮ ᱮᱝᱜᱮᱞ ᱠᱚ ᱟᱡ ᱴᱷᱮᱱ ᱠᱚ ᱟᱹᱪᱩᱨᱚᱜ ᱠᱟᱱᱟ ᱟᱨ ᱪᱟᱸᱫᱚ ᱫᱚ ᱚᱱᱠᱟ ᱜᱮ ᱛᱷᱤᱨ ᱜᱮ ᱛᱟᱦᱮᱸᱱᱟᱭ ᱾ ᱱᱚᱶᱟ ᱠᱟᱛᱷᱟ ᱫᱚ ᱟᱡᱟᱜ ᱢᱤᱫ ᱯᱚᱛᱚᱵ ᱨᱮ ᱩᱪᱷᱟᱹᱱ ᱞᱮᱫᱟᱭ ᱾ ᱠᱚᱯᱚᱨᱱᱤᱠᱚᱥ ᱫᱚ ᱯᱚᱞᱟᱸᱰ ᱯᱚᱱᱚᱛ ᱨᱮᱱᱟᱜ ᱛᱷᱚᱨᱱ ᱧᱩᱛᱩᱢᱟᱱ ᱱᱟᱜᱟᱨ ᱨᱮ ᱡᱟᱱᱟᱢ ᱞᱮᱱ ᱛᱟᱦᱮᱸᱫ ᱾ ᱮᱛᱚᱦᱚᱵ ᱠᱨᱚᱠᱚ ᱨᱮ ᱥᱮᱪᱮᱫ ᱮᱦᱚᱵ ᱞᱮᱜ-ᱟ, ᱚᱱᱟ ᱛᱟᱭᱚᱢ ᱤᱴᱟᱞᱤ ᱨᱮ ᱟᱹᱨᱤ(law) ᱨᱮ ᱥᱚᱱᱮᱨ ᱞᱮᱫ ᱛᱟᱦᱮᱸᱫ ᱾ ᱣᱟᱨᱸᱤᱭᱟ ᱨᱮ ᱑᱕᱔᱓ ᱨᱮ ᱜᱩᱨ ᱞᱮᱱ ᱛᱟᱦᱮᱸᱫ ᱾ ᱩᱱ ᱚᱠᱛᱚ ᱨᱮ ᱟᱡ ᱫᱚ ᱮᱞᱠᱷᱟ ᱨᱮ ᱯᱟᱹᱨᱩᱠᱷᱤᱭᱟᱹᱭ ᱛᱟᱦᱮᱸᱠᱟᱱᱟ ᱾ ᱩᱱᱤ ᱫᱚ ᱢᱤᱫ ᱮᱞᱠᱷᱤᱭᱟᱹ, ᱡᱟᱜ ᱥᱟᱬᱮᱥᱤᱭᱟᱹ, ᱰᱟᱠᱛᱚᱨ, ᱯᱷᱟᱹᱫᱽ ᱦᱚᱸᱭ ᱛᱟᱦᱮᱸᱠᱟᱱᱟ ᱾ ᱡᱟᱜ ᱥᱮᱨᱢᱟ ᱥᱟᱬᱮᱥ ᱫᱚ ᱟᱡᱟᱜ ᱜᱚᱨᱚᱡᱽ ᱛᱟᱦᱮᱸᱠᱟᱱᱟ ᱾
ᱱᱤᱠᱚᱞᱟᱥ ᱠᱚᱯᱚᱨᱱᱤᱠᱚᱥ | |
---|---|
ᱡᱟᱱᱟᱢ ᱧᱩᱛᱩᱢ ᱡᱟᱱᱟᱢ ᱢᱟᱹᱦᱤᱛ ᱟᱨ ᱡᱟᱱᱟᱢ ᱴᱷᱟᱶ | ᱑᱙ ᱯᱷᱮᱵᱨᱩᱭᱟᱨᱤ, ᱑᱔᱗᱓ |
ᱜᱩᱨ | ᱒᱔ ᱢᱮ ᱑᱕᱔᱓ (᱗᱐ ᱵᱚᱭᱚᱥ) |
ᱠᱟᱹᱢᱤ | ᱮᱞᱠᱷᱟ, ᱟᱥᱴᱨᱚᱱᱚᱢᱤ |
ᱧᱩᱢᱱᱟᱢ | Heliocentrism |
ᱥᱩᱦᱤ | |
ᱱᱤᱠᱚᱞᱟᱥ ᱠᱚᱯᱚᱨ ᱱᱤᱠᱚᱥ ᱫᱚ ᱑᱙ ᱯᱷᱮᱵᱽᱨᱩᱣᱟᱨᱤ ᱑᱔᱗᱓ ᱥᱟᱞᱮ ᱨᱮ ᱛᱷᱚᱨᱱ ᱧᱩᱛᱩᱢᱟᱱ ᱱᱟᱜᱟᱨ ᱨᱮᱭ ᱡᱟᱱᱟᱢ ᱞᱮᱱ ᱛᱟᱦᱮᱸᱫ ᱾ ᱟᱯᱟᱛ ᱫᱚ ᱢᱤᱫ ᱵᱮᱯᱟᱨᱤᱭᱟᱹᱭ ᱛᱟᱦᱮᱸᱠᱟᱱᱟ ᱟᱨ ᱮᱸᱜᱟᱛ ᱫᱚ ᱛᱷᱚᱨᱱ ᱨᱤᱱᱤᱡ ᱡᱚᱛᱚ ᱠᱷᱚᱱ ᱢᱟᱨᱟᱝ ᱵᱮᱯᱟᱨᱤᱭᱟᱹ ᱦᱚᱯᱚᱱ ᱮᱨᱟᱭ ᱛᱟᱦᱮᱸᱠᱟᱱᱟ ᱾ ᱱᱤᱠᱚᱞᱟᱥ ᱫᱚ ᱟᱠᱚ ᱯᱩᱱ ᱵᱚᱭᱦᱟ ᱠᱷᱚᱱ ᱦᱩᱰᱤᱧᱮ ᱛᱟᱦᱮᱸ ᱠᱟᱱᱟ ᱾ ᱠᱚᱯᱚᱨ ᱱᱤᱠᱚᱥ ᱫᱚ ᱵᱟᱭ ᱵᱟᱯᱞᱟ ᱞᱮᱱ ᱛᱟᱦᱮᱸᱫ , ᱰᱟᱺᱜᱣᱟᱹ ᱛᱮᱜᱮ ᱡᱤᱭᱚᱱ ᱪᱟᱞᱟᱣ ᱞᱮᱱᱟ ᱾ ᱢᱮᱱᱠᱷᱟᱱ ᱚᱱᱟ ᱛᱟᱞᱟ ᱨᱮ ᱢᱤᱫ ᱵᱟᱹᱦᱩ ᱠᱩᱲᱤ ᱥᱟᱶ ᱥᱟᱹᱜᱟᱹᱭ ᱛᱟᱦᱮᱸ ᱞᱮᱱᱟ ᱛᱩᱨᱩᱭ ᱥᱮᱨᱢᱟ ᱜᱟᱱ ᱾
ᱱᱤᱠᱚᱞᱟᱥ ᱟᱡ ᱟᱯᱟᱛ ᱵᱚᱝ,ᱜᱟ ᱛᱟᱞᱟᱭᱮᱱ ᱛᱟᱭᱚᱢ ᱟᱡ ᱢᱟᱢᱚ ᱜᱮ ᱟᱡᱟᱜ ᱥᱮᱪᱮᱫ ᱵᱷᱟᱨᱟᱭ ᱜᱚᱜ ᱞᱮᱫ ᱛᱟᱦᱮᱸᱫ ᱾ ᱥᱤᱛᱩᱝ_ᱨᱱᱛᱩᱣᱟᱹᱨᱤ(summer semester) ᱑᱔᱙᱑-᱙᱒ ᱥᱟᱞᱮ ᱨᱮ ᱢᱮᱴᱨᱤᱠ ᱵᱤᱱᱩᱰᱮ ᱯᱟᱥ ᱠᱮᱜ-ᱟ ᱾ ᱚᱱᱟ ᱛᱟᱭᱚᱢ ᱠᱨᱚᱠᱟᱣ ᱡᱮᱜᱮᱛ ᱵᱤᱨᱫᱟᱹᱜᱟᱲ ᱨᱮ ᱟᱨᱴᱥ(arts) ᱯᱟᱲᱦᱟᱱ ᱞᱟᱹᱜᱤᱜ ᱧᱩᱛᱩᱢᱮ ᱚᱞ ᱞᱮᱫ ᱛᱟᱦᱮᱸᱫ ᱾ ᱚᱱᱟ ᱵᱤᱨᱫᱟᱹᱜᱟᱲ ᱨᱮ ᱜᱮ ᱟᱡᱟᱜ ᱮᱞᱠᱷᱟ, ᱡᱟᱜ ᱥᱮᱨᱢᱟ ᱥᱟᱬᱮᱥ ᱨᱮᱱᱟᱜ ᱜᱮᱭᱟᱱ ᱦᱮᱡ ᱞᱮᱱ ᱛᱟᱦᱮᱸᱫ ᱾
This article uses material from the Wikipedia ᱥᱟᱱᱛᱟᱲᱤ article ᱱᱤᱠᱚᱞᱟᱥ ᱠᱚᱯᱚᱨᱱᱤᱠᱚᱥ, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Content is available under CC BY-SA 4.0 unless otherwise noted. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki ᱥᱟᱱᱛᱟᱲᱤ (DUHOCTRUNGQUOC.VN) is an independent company and has no affiliation with Wiki Foundation.