Nicolaus Copernicus

Laes hie wie v'r mit de versjillende saorte Limburgs ómgaon.

Nicolaus Copernicus (Duutsj: Niklas Koppernigk, Kopernik; Pools: Mikołaj Kopernik; Thorn (Kulmerland), 19 fibberwarie 1473 – Frauenburg (Ermland), 24 mei 1543) waas 'ne wiskóndige en astronoom dae 't heliocentrisch model van 't hieëlal haet geformuleerdj, wobie de zón, inplaats de aerd, in 't centrum wuuertj gezatj.

De oetgaaf van Copernicus zie book, De revolutionibus orbium coelestium (Euvere rónjelómdrejjinge vanne hieëmellichame), juus veur zien doead in 1543, wuuertj besjoewdj es ein vanne groeate gebeurtenissen inne weitesjapsgesjiechte. Hiemit begós de Copernicaanse revolutie en droog 't biezunjer väöl bie ane weitesjappelike revolutie.

Copernicus woort gebaoren en stórf in 't Koninkriek Pruusjes, 'n regio van 't Keuninkriek Pole saer 1466. Copernicus haw e doctoraat in canoniek rech en waas, allewaal zónger diploma's, 'nen dokter, polyglot, gelieërdje vanne klassieke aadheid, euverzètter, goevernäör, diplomaat en econoom, dae in 1517 'n kwantiteitstheorie bedach, e wichtig concep inne modern economie, en veur Thomas Gresham 'n versie vanne wèt van Gresham formuleerdje in 1519.

't In 1996 óntdèkdje sjemisch element copernicium woort nao Copernicus verneump.