суолта

Бу сирэй Бикипиэдьийэ сиэрин-туомун сорҕото. Манна этиллибити бары кыттааччылар толоруохтаахтар. Сирэй уларытыллар буоллаҕына консенсус ирдэбилигэр сөп түбэһиэхтээх. Тугу эмэ саарбахтыыр буоллаххына ырытыы сирэйигэр суруй.

БП:С БП:СК

Адьас кылгастык: Ханнык эрэ өйдөбүл, киһи, түбэлтэ итэҕэтиилээх төрүттэргэ киэҥник сырдатыллар буоллаҕына суолталаах аатырар.

Сирэйдэри сотуу
Сүрүн сиэр-туом
Бикипиэдьийэ туох буолбатаҕый Түргэн сотуу критиэрийдэрэ Сиэрдэр уонна ыйыылар-кэрдиилэр Вандааллааһын
Суолта критиэрийдэрэ
Дьон Ситим-сирдэр (саайтар) Түөрүйэлэр, өйдөбүллэр уонна айыылар
Категориялар
Түргэнник соторго Соторго хандьыдааттар
Ырытыы сирэйдэрэ
Соторго Сотуллубут сирэйдэри төннөрүү

Былыр-былыргыттан ханнык баҕарар энциклопедияҕа билии барыта киирэр буолбатах, тугунан эрэ уратылаах, суолталаах эрэ тиэмэлэр киирэллэр. Тиэмэ суолтата кини олоххо-дьаһахха ыйааһынын, дьон билиниитин синонима буолбатах, ол эрэн бу өйдөбүллэри кытта ситимнээх. Бикипиэдьийэҕэ ыстатыйа тиэмэтэ аллара ыйыллыбыт суолта сүрүн киритиэрийдэригэр эппиэттиир буоллаҕына, эбэтэр атын киритиэрийдэриттэн биирдэстэригэр эппиэттиир буоллаҕына суолталааҕынан ааҕыллар.

Сиэрдэр уонна ыйыылар-кэрдиилэр тиэмэ суолталааҕын быһаарарга көмө буолаллар, ол эрэн ыстатыйа ис хоһоонун таарыйбаттар. Ыстатыйа ис хоһоонун атын сиэрдэр быһаараллар: Кытыга суох сыһыан, Суруллубут тургутуллар буолуохтаах, Тус чинчийии көҥүллэммэт, Бикипиэдьийэ туох буолбатаҕый.

БП:ССК

Ханнык эрэ өйдөбүл, киһи, түбэлтэ итэҕэтиилээх төрүттэргэ (источниктарга) киэҥник сырдатыллар буоллахтарына суолталаах аатыраллар.