ویکیپدیا مئن، نؤمی بؤن یک جور ملاکه کی دچینواچینگرؤن تینن ای ملاکه کاراگیرن کی بینن یکته مأمسک (موضوع) لازمه ؤ تینه کی خوشئبه یکته ولگ ؤ وانیویس بدأره یا نأ؟
ویکیپدیا مئنˇ اطلاعات خأ ویکیپدیا:ثابتگودنی ببون؛ أگه هیچ سومی سربس نشأنه یاتن راجه به او مأسمک، پس او مأسمک نخأ خوشئبه ولگ بدأره. «نؤمی بؤن»ˇ جی اینˇ وأسی ویکیپدیا مئن استفاده بنه تا هیتؤ کترهیی یکته مأسمک ویکیپدیا مئن نأ. وانیویسؤن ؤ لیستؤنˇ مأسمک خأ نؤمی یا قابلˇ توجه ببون. اینکه یکچی نؤمی ایسه خالی اینˇ سر مألوم نبنه کی شهرت دأنه یا اهمیت دأنه، بسچی گه ایشؤن کومک کؤنه تا یکته مأسمک، ولگ دأشتن ئبه قبول ببون.
أگه یکته مأسمک، نؤمی بؤنˇ ملاکˇ همره جور ببون ؤ «ویکیپدیا چی نیه» استثناؤنˇ جیم نبون، تینه ولگ بدأره.
نؤمی بؤنˇ معیارؤنه دأشتن تضمین نکؤنه کی او مأسمک حتمن خأ یکته سیوا ولگ خوشئبه بدأره. کارگیرؤن (کاربرؤن) شاید أگه صلاح بدئن یک یا چن ته ولگه کسؤنˇ همره تویم بکونن ؤ یکته وانیویس اوشؤنˇ جی بیرین بأرن.
نؤمی بؤنˇ رانماییئن خالی اینه أمره گونه کی یکته مأسمک (موضوع) چنی ولگ (وانیویس) دأشتنˇ وأسی مؤناسب ایسه. ای رانماییئن منه اینه تعیین بکونه کی وانیویسˇ مئن چی خأ بنویشته ببون. أگه خأنین ویکیپدیا سیاستؤنه راجه به وانیویسؤنˇ محتوا بدؤنین، پنج ته پاکيۊنهٰ بخؤنین.
أگه یکته مأسمک کی معتبر ؤ موستقل سربسؤنˇ مئن (سربسؤنی گه کسؤنˇ جی سیوا ایسن) ایشؤنˇ جی بقایده گب بزئه ببؤ، فرض اینه کی شأنه اونئبه یکته ولگ یا لیست چاگودن.
وختی یکته مأسمک اجماعˇ جی ای معیاره بدأره، پس خأ اینه توجه گودن ؤ وانیویس دأشتنˇ معیارؤنه دأنه.
وختی یکته وانیویسˇ تیتر، نؤمی بؤنˇ ملاکˇ همره جور نبون، یا خأ اونه حذفأگودن یا اینکه اونه یکته دئه وانیویسˇ همره تویم گودن. وختی یکته وانیویسˇ نؤمی بؤن رؤشن نیه،اول خأ اونˇ سر {{نؤمی}} تگه زئن تا باخی کارگیرؤن (کاربرؤن) واخؤ ببون کی ای وانیویس ای نقصه دأنه.
گاگلف پیش هنه کی یکته مأسمک ئبه چن ته سربس هنأ کی موستقل نی ایسن اما ای سربسؤن خالی نیمیزگره او مأسمکه اشاره کؤنن، جوری که او اطلاعاتی گه او سربسؤنˇ مئن راجه به مأسمک بمأ هنی کمه کی نشأنه اوشؤنˇ جی یکته وانیویس چاگودن یا نیرزنه کی وانیویس چاگودن. (مثلن اطلاعاتی گه راجه به یکته مرضˇ دوا ؤ درمان یک جا بمأ، لازم ندأنه یکته سیوا وانیویس بدأره.) ای جور موقهٰن اطلاعاته حذفأگودنˇ جا، بئتره بشون اصلˇ وانیویسˇ مئن (أمی مثالˇ مئن، بشون او وانیویسˇ مئن کی راجه به مرض ایسه). أگه اصلˇ وانیویسی ننأ، بئتره یکته پأچˇ وانیویس چاگوده ببون.
وختی یکته مأسمک ئبه چن جور سربس ننأ، پس دئه نشأنه اونئبه یکته بقایده وانیویس نویشتن. ای وانیویسؤن خأ {{حذف}} تگˇ همره، حذف ئبه نامزد ببون.
This article uses material from the Wikipedia گیلکی article Wiki:نؤمي بؤن, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). دله (محتوا) CC BY-SA 4.0 مئن دسفأرسه مگر اين کي اۊنˇ خلاف بۊته بۊبۊن. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki گیلکی (DUHOCTRUNGQUOC.VN) is an independent company and has no affiliation with Wiki Foundation.