Мария Саломеа Кюри-Склодовска, пол.
новембер">7. новембер 1867, Варшава, Царство Польске, Российска империя – †4. юл 1934, Пасси, Верхня Савойя, Франция — вызнамна французска учена польского походжѣня, котра експериментовала в области физикы и хемии. Вызнаменана Нобеловыма наградами: з физикы (1903) и хемии (1911), перва двоита Нобелова лавреатка в истории. Жена Пьера Кюри, въедно з ним штудировала радиоактивиту и объявила хемичны елементы радий и полоний.
Мария Кюри-Склодовска | |
---|---|
Marie Skłodowska-Curie фр. | |
Имя при уроджѣню | Maria Salomea Skłodowska поль. |
Позната як | перва двоита Нобелова лавреатка во свѣтѣ |
Горожанство | Франція, Російска імперія, Польско |
Уроджѣня | новембра 7, 1867 |
Варшава, Царство Польске, Российска империя | |
Упокоеня | юла 4, 1934 (66 р.) |
Пасси, Верхня Савойя, Франция | |
Причина | левкемия |
Похованя | Пантеон 1613 |
Научна робота | |
Сферы наук | физика, хемия |
Alma mater | Парижска универзита |
Главны роботы | радиоактивита полоний радий |
Узнаня | |
Честны титулы | 20 почестных титулох |
Членство в | 85 научных обществах свѣта, в том числѣ Французской медицинской академии |
Одзнакы | |
Нобелова награда: физика, 1903 Нобелова награда: хемия, 1911 медалѣ: Бертло Французской академии наук (1902), Деви Лондонского кралевского общества (1903), Маттеуччи Народной академии наук Италии (1904), Еллиота Крессона Франклиновского инштитута (1909), Алберта Кралевского общества умѣлств (1910), Джона Скотта (1921) | |
Мария Кюри-Склодовска на Викискладѣ VIAF:76353174; GND:118523023; LCCN:n80155913; FAST:64685; BNF:121447141; OL:OL58151A; |
„ | Наука е в основѣ всякого прогреса, котрый улегшать нам живот и зменшать трапѣня. | ” |
Мария Кюри-Склодовска |
Пришла на свѣт яко пята дѣтина в учительской родинѣ. Отець быв атеиста, а мати запалена католичка. Мария мала 9 рокы, коли ей умерла на тифус старша сестра, и 11 рокы, коли ей умерла мати, хвора на туберкулозу, и четверо дѣти зостали на отця. По смерти матери Мария достала депресию и стратила вѣру в Бога. Гимназию закончила в року 1883 яко золота медалистка. Тогды яко 16-рочна уже остаточно задекларовала ся атеистков и постановила ся оддати науцѣ. По закончѣню гимназии робила яко гувернантка и корепетиторка, жебы могла спомагати и сестру Брониславу. Зо сестров ся догварила, же буде ю утримовати покаль она не выштудуе медицину в Парижу, а пак прийде учити ся сама. В року 1890 Бронислава выучила ся на дохторку, оддала ся за Казимира Длуского, тыж дохтора, и закликала Марию прийти до Парижа учити ся, на ей повном утриманю.
На зачатку рока 1891 24-рочна Мария выѣхала до Парижу. В Парижской универзитѣ за предмет штудий выбрала математику и физику. В часѣ штудий спознала ся з Пьером Кюри, о 8 рокы старшым ученым-физиком, котрый уже мав на своем контѣ цѣлый ряд объявлѣнь. 26. юла 1895 побрали ся цивилно, без обручок и священника. В посвадьбяне вандрованя повезли ся на бицикльох котры достали за свальбяный дар.
Пьер Кюри быв докторандом у Анри Бекерела, котрый в року 1896 объявив непознате вызарьованя («зарѣ Бекереля»), котре емитовали урановы минералы. Мария гледала тему про свою докторску роботу, и Бекерел понукнув ей выгледати, чом в дакотрых урановых минералах е вызарьованя высше, неж бы то мало быти, судячи з подѣлу урана в тых минералах. Робота вызерала неатрактивно и потребовала много рутинной праци з роздѣльованьом елементох. Але Марию то не одстрашило. До ей роботы прилучив ся и Пьер. 18. юла 1898 появили научну роботу в котрой ознамили, же нима выявленый новый хемичный елемент полоний з атомовым числом 84, а 26. децембра 1898 сполы з Густавом Бемоном голосили объявлѣня наступного нового хемичного елемента — радия, атомове число 88. Тоты одкрытя выяснили природу непознатого вызарьованя, котре достало назву радиация, лат. radiatio, а властность урановых минералох — радиоактивность. В року 1903 Бекерел и супругы Кюри достали Нобелову награду з физикы за одкрытя радиоактивности. Року 1911 Мария Кюри-Склодовска уже сама достала другу Нобелову награду, тот раз з хемии, за выдѣлѣня чистого радия в кришталичной подобѣ.
Наперек тому, же достала свѣтову славу, мусѣла дознати и тяжкы утрапы.
„ | Живот укладать ся якось... Хоть укладать ся злѣ. | ” |
Мария Кюри-Склодовска |
Перва дѣтина Кюриовых, Ирена (1897-1956), пошла слѣдами отця и матери и в конци стала ся тыж Нобеловов лавреатков. В року 1903 уродила другу дѣвочку, котра умерла такой по породѣ. Третя дѣвочка, Ева (1904-2007), стала ся писательков и новинарьков и написала книгу о матери.
19. апрѣля 1906 загынув Пьер Кюри под колесами конного накладового воза. 13. мая 1906 достала его пост на универзитѣ и так стала ся первов професорков Парижской универзиты.
В року 1911 зголосила свою кандидатуру до Французской Академии Наук, але не была выбрана, хоть на тот час была уже Нобелова лавреатка, лавреатка Французской Академии Наук, гонорова докторка наук универзит в Единбургу, Женевѣ, Манчестеру, членка Академий Наук в Петербургу, Болонии, Празѣ, Академии Умѣлств в Краковѣ. Академикы зостали на сексистичных и ксенофобных позициях.
Основала Инштитут Кюри в Парижу (1913), з котрого пак вышли еще четверо Нобеловых лавреатох, и Центер онкологии — инштитут Марии Склодовской-Кюри в Варшавѣ (1932).
Концьом 1920-х рокох здоровя ученой ся погубило, зачала тратити слух и зрок. Умерла на левкемию в санаторию Сансельмо в Пасси 4. юла 1934.
Тоты даны суть часточно або цалком основаны на перекладї статї Maria Skłodowska-Curie на польскій Вікіпедії.
This article uses material from the Wikipedia Русиньскый article Мария Кюри, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Обсяг є доступный під CC BY-SA 4.0, кідь не є вказане інше. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Русиньскый (DUHOCTRUNGQUOC.VN) is an independent company and has no affiliation with Wiki Foundation.