نانسي ريګن

نانسي ډاويس ريګن (Nancy Davis Reagan) چې د ان فرانسس روبينز په نوم د ۱۹۲۱ ز کال د جولای پر ۶ نېټه زېږېدلې ده او د ۲۰۱۶ ز کال د مارچ په ۶ نېټه وفات شوه، يوه امريکايۍ فلمې اداکاره او له ۱۹۸۱ څخه تر ۱۹۸۹ ز کال پورې د متحده ايالتونو لومړۍ مېرمن وه.

نوموړې د ولسمشر رونالډ ريګن “Ronald Reagan” دويمه مېرمن وه.

نانسي ريګن
نانسي ريګن
نانسي ريګن

د شخص معلومات
زیږون نوم
پيدايښت ۶ جولای ۱۹۲۱
منهټن   د (P19) برخه د ويکيډاټا له لارې سمه کړئ
مړینه 6 مارچ 2016 (95 کاله)  د (P570) برخه د ويکيډاټا له لارې سمه کړئ
د مړینې لامل زړه نابری   د (P509) برخه د ويکيډاټا له لارې سمه کړئ
تابعیت د امریکا متحده ایالات   د (P27) برخه د ويکيډاټا له لارې سمه کړئ
ګوند جمهوري غوښتونکی ګوند (متحده ایالات)   د (P102) برخه د ويکيډاټا له لارې سمه کړئ
ميړه رونالد رېگن (۴ مارچ ۱۹۵۲–۵ جون ۲۰۰۴)  د (P26) برخه د ويکيډاټا له لارې سمه کړئ
عملي ژوند
کار/مسلک تلویزیون ستوري
فلم لوبګر
سياستوال
سوداگر
لوبگر   د (P106) برخه د ويکيډاټا له لارې سمه کړئ
مورنۍ ژبه انگليسي   د (P103) برخه د ويکيډاټا له لارې سمه کړئ
کاروونکي ژبه(ي) انگليسي   د (P1412) برخه د ويکيډاټا له لارې سمه کړئ
لاسليک
نانسي ريګن
نانسي ريګن

ويبپاڼه
ربط=انٹرنیٹ مووی ڈیٹابیس مخ پر IMDB مخونو  د (P345) برخه د ويکيډاټا له لارې سمه کړئ
نانسي ريګن  د (P935) برخه د ويکيډاټا له لارې سمه کړئ

ريګن په نيويارک ښار کې زېږېدلې وه. وروسته له هغې چې مور او پلار يې بېل شول، نوموړې د شپږ کالونو لپاره په مريلينډ کې له خپلې ترور او ماما سره ژوند وکړ. کله يې چې مور په ۱۹۲۹ ز کال کې بيا ځل واده وکړ، نانسي شيکاګو ته لاړه او وروسته يې د خپلې مور د دويم خاوند له لورې پالنه وشوه. هغه د نانسي ډاويس په توګه په ۱۹۴۰ او ۱۹۵۰ ز لسيزو کې د هاليود فلمي لوبغاړې وه، چې د The Next Voice You Hear..., Night into Morning او Donovan's Brain غوندې فلمونو کې فلمي ستورې شوه. نوموړې په ۱۹۵۲ زکال کې له رونالډ ريګن سره واده وکړ، چې هغه وخت د سينمايي اداکارانو د ټولنې “Screen Actors Guild” رئيس و. نوموړي له خپلې پخوانۍ مېرمن جېن وېمېن “Jane Wyman” څخه دوه ماشومان درلودل او هغه او نانسي هم دوه ماشومان درلودل. نانسي ريګن له ۱۹۶۷ څخه تر ۱۹۷۵ ز کال پورې د خپل خاوند د والي پاتې کېدو پر مهال د کليفورنيا لومړۍ مېرمن وه او د ناسکه نيا او نيکه خپرونې “Foster Grandparent Program” سره يې کار کول پيل کړل.

ريګن د ۱۹۸۱ زکال په جنوري کې د ۱۹۸۰ ز کال په ولسمشريزو ټاکنو کې د خپل خاوند له بريا څخه وروسته د متحده ايالتونو لومړۍ مېرمن شوه. نوموړې د خپل خاوند د لومړۍ دورې په لومړيو کې د سينګار ډيزاينرانو له لورې د وړيا جامو د منلو او د سپينې ماڼې د چيني لوښو د بدلولو په برخه کې د خپلې پرېکړې له امله تر پراخه نيوکې لاندې راغله. نوموړې د وخت تېرۍ درملو د مخنيوي لاملونو لپاره هغه مهال مبارزه وکړه، چې د «يوازې نه ووايه:Just Say No» درملو د پوهاوي مبارزه یې پيل کړه، چې د لومړۍ مېرمن په توګه د هغې ستر نوښت ګڼل کېږي. د ۱۹۸۸ ز کال له څرګندونې څخه وروسته د نوموړې د ونډې په اړه زيات بحث راولاړ شو، چې نوموړې په ۱۹۸۱ ز کال کې د خپل خاوند د وژنې له هڅې څخه وروسته له يو ستورپوه سره سلا وکړه، چې له هغې سره د ولسمشر د مهالوېش په پلان کولو کې مرسته وکړي. نوموړې په عمومي ډول پر خپل خاوند باندې پياوړی نفوذ درلود او د نوموړي په يو څو شخصي او ديپلوماتيکو پرېکړو کې يې ونډه ولوبوله.

وروسته له هغې چې د ولسمشر په توګه د رونالډ ريګن دوره پای ته ورسېده، ښځه او خاوند دواړه د کليفورنيا د لاس انجلس په بيل اير “Bel Air” سيمه کې بېرته خپل کور ته ستانه شول. نانسي خپل ډېر وخت د خپل خاوند پاملرنې ته ځانګړي کړ، چې په ۱۹۹۴ ز کال کې د “Alzeimers” ناروغي تشخيص شوې وه او نانسي يې د ۲۰۰۴ ز کال د جون په ۵ نېټه د ۹۳ کلنۍ په عمر تر مړينې پورې خدمت وکړ. ريګن د ريګن کتابتون “Reagan Library” او سياست کې په ځانګړي ډول د جنيني بنسټيزې حجرې د پلټنې په ملاتړ کې تر خپلې مړينې پورې فعاله پاتې شوه. هغه د ۲۰۱۶ زکا د مارچ پر ۶ نېټه د ۹۴ کالونو په عمر په زړه کې د وينې درېدلو له امله مړه شوه.

د ژوند لومړي وختونه او زده کړې

ان فرانسس روبينز د ۱۹۲۱ ز کال د جولای پر ۶ نېټه د “Uptwon Manhattan" د ښځو لپاره په اسلون روغتون “Slaone Hospital for Women” کې وزېږېدله. ډاويس د خپلې زوکړې نېټه د ۱۹۲۳ زکال د جولای ۶ ورکړه، چې همدا نېټه د نوموړې د ژوند د زياتې مودې په اوږدو کې بيان شوی دی. نوموړې له انګليسي پښت او د کينيت سيمور روبينز (۱۸۹۲ – ۱۹۷۲) يوازينۍ ماشومه وه. پلار يې بزګر و چې وروسته يې د موټرانو سواګرۍ ته مخه وکړه او د هغه وخت په هوسا کورنۍ کې زېږېدلې وه. د نانسي مور ايډيت پريسکوټ لوکيټ “Edith Prescott Luckett” (۱۸۸۸ – ۱۹۸۷) نومېده او يوه فلمي اداکاره وه. د هغې رضاعي مور الا نازيمووا “Alla Nazimova” نومېده او د بې غږه فلمونو لوبغاړي وه. نوموړې ته له کوچنيوالي څخه نانسي ويل کېده.

روبينز خپل لومړي دوه کالونه د نيويارک ښار اړوند د کوينس په فلشنګ “Flushing, Queens” ناحيه کې د ۱۴۹ او ۱۵۰ کوڅو تر منځ پر روزولت واټ “Roosevelt Avenue” باندې دوه پوړيز کور کې تېر کړل. مور او پلار يې د هغې له زوکړې څخه لږه موده وروسته بېل او په ۱۹۲۸ ز کال کې طلاق شول. له بېلتون څخه وروسته يې مور د اداکارۍ دندو د څارلو په موخه له هېواده سفر وکړ او روبينز د شپږ کالونو لپاره د خپلې ترور ويرجينيا “Virginia” او ماما اوډلي ګېلبرايت “Audley Gailbraith” له لورې د مريلينډ په بيتيسډا “Bethesda” سيمه کې لويه شوه، چې نوموړې هملته د دويم ټولګي له لارې د وړوکتون لپاره د “Sidwell Friends School” کې برخه واخېسته. نانسې وروسته په يادو کالونو کې د خپلې مور لپاره تلوسه يا لېوالتيا داسې بيان کړه: «زما د خوښې وختونه هغه وو، چې مور مې په نيويارک کې دنده درلوده او ويرجي ترور به زه له خپلې مور سره د پاتې کېدو په موخه هغې ته په اورګاډي کې وړم».

په ۱۹۲۹ زکال يې مور له لويال ايډوارډ ډاويس “Loyal Edward Davis” (۱۸۹۶ – ۱۹۸۲) سره واده وکړ. نوموړی د اعصابو يو نامتو محافظه کار جراح ډاکتر و، چې خپله کورنۍ يې شيکاګو ته یوړه. نانسي او ناسکه پلار يې په خورا ښه ډول يو بل ومنل، نوموړې وروسته وليکل، چې «هغه د سترې رښتينولۍ شخص و، چې پخواني ډول ارزښتونه يې په عمل کې ثابت کړل». نوموړي په ۱۹۳۸ ز کال په رسمي ډول هغه ومنله او نوموړې هم تل هغه ته د پلار په سترګه کتل. د منښت پر مهال يې نوم په قانوني ډول نانسي ډايويس “Nancy Davis” ته بدل شو. نوموړې له ۱۹۲۹ ز کال څخه په ۱۹۳۹ ز کال کې تر خپل فراغت پورې د شيکاګو د نجونو په لاتيني ښوونځي “Girl’s Latin School of Chicago” کې ګډون وکړ (چې ځان د منځنۍ وړتيا زده کوونکې په توګه بيانوي) او وروسته يې د ماساچوسيتس په سمېت کالج “Smith College” کې ګډون وکړ، چې نوموړې په کې په انګليسي او ډرامه کې ډېره پوه شوه او په ۱۹۴۳ ز کال ورځنې فارغه شوه.

د اداکارۍ مسلک

ډيويس د يوې ځوانې په توګه په ۱۹۴۰ ز کال کې د کوچنۍ موضوع په يو يادګاري فلم کې د ماشومانو د فلج د ملي بنسټ د رضاکارې په توګه راڅرګنده شوې وه، چې د پوليو پر وړاندې د صليبي جګړې لپاره د بسپنو د زياتولو په موخه په يو فلمي نندارتون کې وښودل شو. معيوب کوونکی عامل د يوې شيطاني څېرې په بڼه راښکاره شو، چې په لوبغالو او کروندو کې خپرېده او په خپلو قربانيانو پسې يې خندل، تر هغې چې په پای کې د رضاکارې په واسطه وشړل شو. دا فلم د مرستو په لوړولو کې خورا ګټور و.

ډيويس له پوهنځي څخه له فراغت وروسته شيکاګو کې د مارشال فيليډ د څانګې مغازه کې د خرڅلاو د کاتبې په توګه دندې او د مرستيال نرسې په توګه دندې ترسره کړې. په نندراځي کې د زاسو پيټس، والټر هسټون او سپينسر ټرايسي په ګډون د خپلې مور د کاري ملګرو په مرسته يې د اداکارې په توګه مسلکي مسلک ته دوام ورکړ. نوموړې لومړی د “Pitts” د ۱۹۴۵ ز کال د “Ramshackle Inn” د سړک ګرځښت کې يوه برخه تر لاسه کړه او نيويارک ښار ته لاړه. نوموړې د ۱۹۴۶ ز کال د “Orient, Lute Song” په اړه په Broadway” موزيکال کې د سي چن “Si-Tchun” ونډه ولوبوله، چې ستوري لوبغاړي يې ماري مارتين او پخوانی نامتو فلمي لوبغاړی “Yul Brynner” وو. د نندارې توليدونکي يا پروډيوسر هغې ته وويل، چې «ته داسې ښکارې چې چينايي اوسېدلی شې».

د پردې ازمايښت له تېرولو څخه وروسته کاليفورنيا ته لاړه او له “Metro-Goldwyn-Mayer Studio inc” سره يې د اوه کالونو لپاره هوکړه ليک لاسليک کړ. “MGM” په ۱۹۴۹ ز کال؛ نوموړې وروسته وويل چې «له ميټرو سره يو ځای کېدل د خوبونو نړۍ ته د تګ په معنا سره و». د هغې د راښکونکې ظاهر ترکيب چې د نوموړې په غټو سترګو باندې متمرکز و او يو څه بېل او عاجز چلند نوموړې په لومړيو کې د MGM لپاره سخته کړه، چې د فلم يوه ونډه ورکړي. ډيويس په يوولس فيچري فلمونو کې راښکاره شوه، چې په عمومي ډول يې د ژمنې کور مېرمن، ځواب ويونکې ځوانې مور يا عزتمنې ښځې په توګه ونډې ولوبولې. جېن پوويل “Jane Powell”، ډيبي رينولډز “Debby Reynolds”، ليسلي کارون “Leslie Caron” او جانيت ليګ “Janet Leigh” د هغو فلمي ادکارانو له ډلې څخه وې، نوموړې ورسره په MGM کې د ونډو لپاره سيالي وکړه.

سرچينې

Tags:

🔥 Trending searches on Wiki پښتو:

محمد (ص) په اسلام کېد لویې بریتانیا لومړی جورجپه پښتو کې د (ى) گانو سمه کارونهبارثنونهزاره گانبلوک مشربيولوژيمولانا بجلی ګهررمضان قدیروفد مرګ سزا (اعدام)لاسغزلراشد خانمحمد آغې ولسوالۍاسټرالیاد احادیثومشهور کتابونهد پرتګال اقتصادد آيفون عامل سيستم29 جنوريداوودپه مجازي نړۍ کې د شخصي حریم خوندیتوبکوهستان ولسوالۍ (بدخشان)قزاقستاننثرطبيعي پوهنېد چلند ایپي‌جینیټيکډياګو مارادوناریونیونما اينگ جيوزرغونه انامشارکتد چاپ ماشینملاله ميوندوالهپالایود انګلستان پاچا لومړی ریچارداستنبول میٹروپاریسامير امان الله خانآی اېس او ۳۱۶۶-۱الومېنيماکبارلایوش کشوتد افغانستان دموکراتیک جمهوریتتېڅو ناکامورااروپایي ټولنهیوګسلاویااسلامي تاريخسمندرګیالکساندر هميلټنملنگ جاننجيبه فيضکرنهنوی ډیليد کروکس ښار تالار بریدنورزيجمهوري غوښتونکی ګوند (متحده ایالات)چرساتلسم لویيسویلیام جکسون هوکرريونينمرزا علم حميدينېلسن مانډېلا🡆 More