Ing kaladua (soul king Ingles, alma king Castila) a kareng dakal a relihion, tradicion a espiritual, ampong filosofia, ya pin ing dake ning metung a mabibie a espiritual, at keraklan, alang angga, a maliaring mieng makakawani king katawan, at makakawani king pisical a sangkap ning katawan.
Keraklan, isipan dang bibilugan ne ning kamalayan ampong personalidad, at maliaring kalupa ne ning espiritu, kaisipan o sarili. Maralas, paniwalan dang mabie ya pa murin ing kaladua kaibat ning pisical nang pangamate ning tau, at agpang kareng aliwang relihion, maglalang yang kaladua ing Dios. Kareng mapilan a cultura, deng mabibieng e tau, at neng kai, deng bage (antimo reng ilug) atin lang kaladua, metung a paniwalang ausan dang animism.
Maralas, pililibe do reng katayang kaladua ampong espiritu, dapot itang tauli mas makayatu ya ampong e makaing lalagpus (less transcendent) cumpara ketang mumuna. Maliari la muring ituring a mipapareu deng katayang kaladua ampong psyche, dapot ing psyche mas pisical ya kabaldugan, kabang ing kaladua mas makaugne ya king metafisica ampong relihion.
|
|
Template:Religion topics Template:Philosophy of religion
This article uses material from the Wikipedia Kapampangan article Kaladua, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Content is available under CC BY-SA 4.0 unless otherwise noted. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Kapampangan (DUHOCTRUNGQUOC.VN) is an independent company and has no affiliation with Wiki Foundation.