ଲକ୍ଷ୍ମୀ ପରିଡ଼ା

ବାଟସନ ରିସର୍ଚ୍ଚ, ନ୍ୟୁୟର୍କରେ ଜୈବପ୍ରଯୁକ୍ତି ବିଜ୍ଞାନ (ବାୟୋଇନଫରମେଟିକ୍ସ) କ୍ଷେତ୍ରରେ ୧୯୯୮ ମସିହାରୁ ଗବେଷଣାରତ ତଥା କମ୍ପୁଟେସନାଲ ଜିନୋମିକ୍ସ ଗବେଷଣା ଦଳର ମୁଖ୍ୟ । ସେ ନ୍ୟୁୟର୍କ ବିଶ୍ୱବିଦ୍ୟାଳୟର କମ୍ପ୍ୟୁଟର ବିଜ୍ଞାନ ବିଭାଗ, ଯାହାକି ବିଖ୍ୟାତ କୋରାଣ୍ଟ ଇନଷ୍ଟିଚ୍ୟୁଟ ଅଫ ମ୍ୟାଥମେଟିକାଲ ସାଇନ୍ସର ଅଂଶବିଶେଷ, ସେଠାରୁ ନିଜର ଡକ୍ଟରେଟ ଉପାଧି ହାସଲ କରିଛନ୍ତି । ସେ ମଧ୍ୟ ପ୍ୟାଟର୍ଣ୍ଣ ଡିସ୍କଭରି, ଆଲଗୋରିଦମ ଗଠନ ଓ ବିଷ୍ଳେଷଣ, ପପୁଲେସନ ଜିନୋମିକ୍ସ, କମ୍ପାରେଟିଭ ଜିନୋମିକ୍ସ ଇତ୍ୟାଦି ବିଷୟରେ ଗବେଷଣା ନିମନ୍ତେ ବିଶେଷ ରୁଚି ରଖନ୍ତି । ଏହା ବ୍ୟତୀତ ସେ ୬୫ରୁ ଅଧିକ ଗବେଷଣା ମୂଳକ ଲେଖା ଓ ୨୦ରୁ ଅଧିକ ପାଟେଣ୍ଟର ଅଧିକାରୀ ତଥା ବହୁ ବୈଷୟିକ ଆଲୋଚନା ଚକ୍ରରେ ବକ୍ତବ୍ୟ ପ୍ରଦାନ କରିଛନ୍ତି।

ସେ ଦୁଇଟି ପୁସ୍ତକ ମଧ୍ୟ ରଚନା କରିଛନ୍ତି ।

1. ପୁର୍ବ: ଫିଷ୍ଟସ ଫ୍ରମ ଦି ଇଷ୍ଟ ( ଓଡ଼ିଆ କୁଇଜିନ ଫ୍ରମ ଇଷ୍ଟର୍ଣ୍ଣ ଇଣ୍ଡିଆ)
2. ପ୍ୟାଟର୍ଣ୍ଣ ଡିସ୍କଭରି ଇନ ବାୟୋଇନଫରମେଟିକ୍ସ: ଥିଓରି ଏଣ୍ଡ ଆଲଗୋରିଦମ୍ସ