ଆମେନୋରିଆ ବା ଋତୁରୋଧରେ ପ୍ରଜନନକ୍ଷମ ବୟସର ମହିଳାଙ୍କର ଋତୁସ୍ରାବ ଅନୁପସ୍ଥିତ ରହେ । ଯୌନ ବିକାଶ ବିନା ୧୪ ବର୍ସ ବୟସ ପର୍ଯ୍ୟନ୍ତ ଋତୁସ୍ରାବ ନ ହେଲେ କିମ୍ବା ସାଧାରଣ ବିକାଶ ସହିତ ୧୬ ବର୍ଷ ପର୍ଯ୍ୟନ୍ତ ଋତୁସ୍ରାବ ନହେଲେ ଏହାକୁ ପ୍ରାଥମିକ ଶ୍ରେଣୀଭୁକ୍ତ କରାଯାଏ | ମାସିକିଆ ସଠିକ୍ ଭାବରେ ହେବା ପରେ ଋତୁସ୍ରାବ ଅତି କମରେ ତିନିରୁ ନଅ ମାସ ପର୍ଯ୍ୟନ୍ତ ବନ୍ଦ ହୋଇଗଲେ ତାହାକୁ ସେକେଣ୍ଡାରୀ କୁହାଯାଏ । ଏହା ଫଳରେ ମାନସିକ ସ୍ୱାସ୍ଥ୍ୟହାନୀ, ଓଷ୍ଟିଓପୋରୋସିସ ଏବଂ ବନ୍ଧ୍ୟାତ୍ୱ ହୋଇପାରେ ।
Amenorrhea | |
---|---|
Amenorrhea, amenorrhœa | |
ବିଭାଗ | Gynecology |
କାରଣ | Primary: Imperforate hymen, elevated FSH, prolactinoma, polycystic ovary syndrome Secondary: Pregnancy, breastfeeding, thyroid problems, prolactinoma, anorexia, polycystic ovarian syndrome, ovarian insufficiency, hypogonadotropic hypogonadism |
ଚିକିତ୍ସା | Depends on cause |
Prognosis | Not life threatening |
ପୁନଃପୌନିକ | 2% to 5% of women |
ସାଧାରଣ ସେକେଣ୍ଡାରୀ କାରଣମାନଙ୍କରେ ଗର୍ଭଧାରଣ, ସ୍ତନ୍ୟପାନ କରାଇବା ଏବଂ ଋତୁବନ୍ଦ ହୋଇପାରେ | କ୍ରମାଗତ ଜନ୍ମନିରୋଧକ ହରମୋନ ବ୍ୟବହାର କଲେ ମଧ୍ୟ ଅବଧି ବନ୍ଦ ହୋପାରେ | ଅନେକ ରୋଗ ହେତୁ ଆମେନୋରିଆ ମଧ୍ୟ ହୋଇପାରେ। ପ୍ରାଥମିକ କାରଣଗୁଡ଼ିକରେ ଆନାଟୋମିକାଲ୍ ସମସ୍ୟା ଅନ୍ତର୍ଭୁକ୍ତ ଯେପରିକି ଏକ ଅଛିଦ୍ର ହାଇମେନ, ଅସ୍ୱାଭାବିକ ହରମୋନ୍ ସ୍ତର ଯେପରିକି ଉଚ୍ଚତର ଏଫଏସଏଚ କିମ୍ବା ପ୍ରୋଲାକ୍ଟିନୋମା ଏବଂ ପଲିସିଷ୍ଟିକ୍ ଓଭାରି ସିଣ୍ଡ୍ରୋମ୍ ହୋଇଥାଏ | ସେକେଣ୍ଡାରୀ କାରଣଗୁଡିକରେ ଥାଇରଏଡ ସମସ୍ୟା, ଅଧିକ ପ୍ରୋଲାକ୍ଟିନୋମା, ଆନୋରେକ୍ସିଆ, ପଲିସିଷ୍ଟିକ ଓଭାରିଆନ ସିଣ୍ଡ୍ରୋମ, ଓଭାରିଆନ ଇନସଫିସିଏନ୍ସି ଓ ହାଇପୋଗୋନାଡ଼ୋଟ୍ରପିକ ହାଇପୋଗାନାଡିଜ୍ମ ଅନ୍ତର୍ଭୁକ୍ତ ହୋଇଥାଏ ।
ଲକ୍ଷଣ, ରୋଗୀ ପରୀକ୍ଷା, ରକ୍ତ ପରୀକ୍ଷା ଏବଂ ସମ୍ଭାବ୍ୟ ଡାକ୍ତରୀ ଇମେଜିଙ୍ଗ କରି ରୋଗ ନିର୍ଣ୍ଣୟ କରାଯାଏ | ଗର୍ଭଧାରଣ ସ୍ଥିତି ନିର୍ଣ୍ଣୟ କରାଯିବା ଉଚିତ୍ | ଚିକିତ୍ସା ମୂଳ କାରଣ ଉପରେ ନିର୍ଭର କରେ। ଆମେନୋରିଆ ଜୀବନ ପ୍ରତି ବିପଦ ନୁହେଁ। ପ୍ରାଥମିକ ଆମେନୋରିଆ ଯୁକ୍ତରାଷ୍ଟ୍ରର ୧%ରୁ କମ୍ ମହିଳାଙ୍କୁ ପ୍ରଭାବିତ କରୁଥିବାବେଳେ ଅନ୍ତର୍ନିହିତ ରୋଗ ହେତୁ ୨%ରୁ ୫% ମହିଳାଙ୍କୁ ସେକେଣ୍ଡାରୀ ଆମେନୋରିଆ ପ୍ରଭାବିତ କରିଥାଏ |
This article uses material from the Wikipedia ଓଡ଼ିଆ article ଆମେନୋରିଆ, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). ଦର୍ଶାଯାଇନଥିଲେ ସମସ୍ତ ବିଷୟବସ୍ତୁ CC BY-SA 4.0 ରେ ଉପଲବ୍ଧ । Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki ଓଡ଼ିଆ (DUHOCTRUNGQUOC.VN) is an independent company and has no affiliation with Wiki Foundation.