Yaa Gyasi (fødd 1989) er ein ghanesisk-amerikansk forfattar.
Debutromanen hennar Homegoing kom ut i 2016, og vann henne John Leonard Award for beste fyrst bok frå National Book Critics Circle, PEN/Hemingway Award for fyrst skjønnlitterære bok, National Book Foundation si heiderstilvising «5 under 35» for 2016 og American Book Award. Ho vann ein Vilcek Prize for Creative Promise in Literature in 2020.
Yaa Gyasi | |
Statsborgarskap | Ghana, USA |
Fødd | 1989 (35 år) Mampong |
Yrke | romanforfattar, skribent |
Språk | engelsk |
Yaa Gyasi på Commons |
Gyasi blei fødd i Mampong i Ghana. Ho er dotter av sjukepleiaren Sophia og Kwaku Gyasi, ein seinare professor i fransk ved University of Alabama i Huntsville. Familien hennar flytta til USA i 1991 då faren tok ein Ph.D. ved Ohio State University. Familien budde også i Illinois og Tennessee, og frå ho var 10 år gammal voks Gyasi opp i Huntsville i Alabama.
Gyasi har fortald at ho var sjenert som liten. Ho var nær brørne sine, som delte opplevinga av å vera unge innvandrarar i Alabama, og opplevde også bøker som sine «næraste vener». Ho blei oppmuntra av å få eit deltakardiplom signert av LeVar Burton for den fyrste forteljinga ho skreiv, som ho hadde send inn til Reading Rainbow Young Writers and Illustrators Contest. Som syttenåring, då ho var elev ved Grissom High School, blei Gyasi inspirert til å prøva å bli forfattar etter å ha lese Song of Solomon av Toni Morrison.
Gysai tok grraden Bachelor of Arts i engelsk ved Stanford University og Master of Fine Arts ved Iowa Writers' Workshop, eit skriveprogram ved University of Iowa.
Kort tid etter at ho gjekk ut frå Stanford, byrja Gyasi å skriva debutromanen sin og arbeidde ved eit startup-føretak i San Francisco. Ho mislikte jobben, og slutta etter at ho blei teken opp ved Iowa i 2012.
Debutromanen hennar Homegoing var inspirert av ei reise til Ghana i 2009, den fyrste gongen Gyasi vitja heimlandet sidan ho forlet det som småbarn. Ho fullførte romanen i 2015 og fekk fleire tilbod frå forleggjarar før ho gjekk med på eit sjusifra forskot frå Knopf.{ Ta-Nehisi Coates valde ut Homegoing til National Book Foundation sin 5 under 35-pris for 2016, og romanen vann også National Book Critics Circle's John Leonard Award, PEN/Hemingway award for beste fyrste bok og American Book Award for bidra til mangfald i amerikansk litteratur.
Tekstar av Gyasi er også blitt gjevne ut i publikasjonar som African American Review, Callaloo, Guernica, The Guardian og Granta.
Gyasi har nemnd Toni Morrison (Song of Solomon), Gabriel García Márquez (Hundre års ensomhet), James Baldwin (Go Tell It on the Mountain), Edward P. Jones (Lost in the City) og Jhumpa Lahiri (Unaccustomed Earth) som inspirasjonskjelder.
This article uses material from the Wikipedia Nynorsk article Yaa Gyasi, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Teksten er tilgjengeleg under CC BY-SA 4.0 om ikkje anna er oppgjeve. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Nynorsk (DUHOCTRUNGQUOC.VN) is an independent company and has no affiliation with Wiki Foundation.